21
1 Yezrela mare na Hkawhkam Ahab a hkawhkam htingnu makau e Nabot mying ai masha langai mi madu da ai sabyi sun langai mi nga nga ai.
2 Lani mi hta Ahab gaw Nabot hpe, ?Na a sabyi sun gaw nye a hkawhkam htingnu hte htep sha rai nga ai majaw ngai hpe jaw kau e; dai lamu ga hpe shatmai sun galaw na matu ngai akyu jashawn mayu nngai. De a malai grau kaja ai sabyi sun langai nang hpe ngai jaw na de ai; shing n rai nang grau ra sharawng ai rai yang, ram ging ai manu jahpu nang hpe ngai jaw na we ai,? ngu nna tsun wu ai.
3 Nabot gaw, ?Ndai sabyi sun gaw nye a kaji kawa ni kaw na hkam la lu ai sali ga rai nga li ai. Nang hpe ngai jaw kau ang na gaw, dai Madu hkum kau u ga!,? ngu nna tsun htang wu ai.
4 Ahab mung nta de wa nna, Nabot shi hpe tsun kau wu ai ga a majaw myit htum ai hte pawt wu ai. Shi gaw shakum de myi man yawng let shi a yup ku ntsa e kaleng taw nga ai; shat mung n sha wu ai.
5 Shi a madu jan Yezebela mung shi hpang de sa wa nna, ?Nang hpa majaw grai myit htum nga n ni? Hpa majaw nang shat n sha wu ni?,? ngu nna san wu ai.
6 Shi gaw, ?Nabot a sabyi sun hpe mari la na matu ngai hpyi tsun yu ni ai; shing n rai shi ra sharawng ai rai yang, de a malai kaga langai shi hpe jaw na we ai ngu ti mung dai hpe ngai lu la lu na n rai, nga nna shi ngai hpe tsun ai majaw rai nngai,? ngu nna htan wu ai.
7 Yezebela gaw, ?Rai sa, nang hkawhkam re n rai ni? Yup ku kaw na rawt u, myit pyaw pyaw hte shat sha u. Nabot a sabyi sun lu la hkra ngai lajang ya na de ai!,? ngu nna tsun htang wu ai.
8 Dai hpang shi gaw laika loi mi ka nhtawm dai ni hta Ahab a mying htu let Ahab a dazik dawk la nna du salang ni hte Yezrela mare woi awn ai agyi salang ni hpang de shagun dat wu ai.
9 Dai laika ni hta ning nga rawng nga ai: ?Lusha gam na nhtoi langai hpe tsun shabra da mu, amyu masha ni hpe mung shaga shinggyin da nhtawm Nabot hpe shagrau sha-a na shara jaw tawn mu.
10 Karai Kasang hpe mung, hkawhkam wa hpe mung matsa kau nga ndai ngu, shi a man e mara shagun na masha gumbyak lahkawng hpe tawn da mu. Dai hpang mare shinggan de woi shapraw mat wa nhtawm nlung hte kabai sat kau na rai myit dai.?
11 Du salang ni hte Yezrela mare na agyi salang ni gaw Yezebela hkang dat ai hte maren galaw ma ai.
12 Shanhte gaw lusha gam na nhtoi hpe tsun ndau nhtawm amyu masha ni hpe shaga shinggyin la let, Nabot hpe shagrau sha-a na shara jaw da mu ai.
13 Dai hpang masha gumbyak lahkawng yan gaw Karai Kasang hpe mung, hkawhkam wa hpe mung matsa kau ai ngu nna Nabot hpe shawa man e mara shagun da mu ai. Shing rai mare shinggan de shi hpe woi shapraw mat wa nhtawm nlung hte kabai sat kau mu ai.
14 Dai zawn byin mat ai shiga Yezebela hpang de shana dat mu ai gaw: ?Nabot sat kau ai hkrum nu ai,? ngu ai rai nga ai.
15 Ya shiga dai hpe Yezebela lu la ai shaloi jang shi gaw Ahab hpe, ?Nabot si mat sai. Ya chyawm gaw nang hpe n dut ya hkraw ai sabyi sun hpe sa madu la nu,? ngu nna tsun wu ai.
16 Ahab gaw dai hpe sa madu la na nga, sabyi sun de kalang lata rawt sa mat wa wu ai.
17 Dai Madu gaw Tishbi mare na myihtoi Elia hpe, ?Samari
18 Hkawhkam Ahab kaw sa su. Dai sun hpe madu la hkyen nga ai Nabot a sabyi sun hta nang shi hpe sa mu na ndai.
19 Shi hpe, ?Dai wa hpe sat kau ai hpang, shi a sut gan hpe mung madu la ya nga n ni?,? ngu nna ngai Madu nan tsun ai ga shi hpe tsun u. Ndai gaw ngai tsun ai ga rai nga ai lam shi hpe tsun dan u: ?Gwi ni Nabot a asai hpe mata lu ai shara hta nan na a asai hpe dai ni mata lu na mara ai,?? ngu nna tsun wu ai. Ref 21:19: 1Hk 22:38.
20 Ahab gaw Elia hpe mu jang shi hpe, ?Nye a gumlau hpyen wa e, nang ngai hpe hkan dep nang nga n ni?,? ngu nna tsun wu ai.
Elia gaw, ?Rai sa, ngai dep nang nga nngai; nang gaw dai Madu a man e n kaja ai amu hpe nang hkum nan myit jung ai hte htum hkra galaw kau nit dai.
21 Dai rai nna dai Madu gaw nang hpe, ?Na a ntsa e tsin-yam tsindam shangun dat nhtawm nang hpe mung, na a dinghku na kaji kaba n nga, lasha shagu hpe yeng seng kau na ra ai.
22 Nang gaw Israela masha ni hpe yubak lam de woi sa let nye a masin kahtet ai hpe kabrawng shangun nga ndai majaw na a dinghku masha ni gaw Nebat a kasha Hkawhkam Yeroboam a dinghku zawn mung, Ahiya a kasha Hkawhkam Basha a dinghku zawn mung tai mat na marin dai,? ngu nna tsun na wu ai.
23 Yezebela a lam hte seng nna mung gwi ni gaw Yezrela mare e shi hpe sha kau na mara ai lam dai Madu tsun nga ai. Ref 21: 23: 2Hk 9:36.
24 Mare kata e si mat ai na hpu nau jinghku ni kadai mung gwi ni e sha kau ai hkrum nna pa hkan e si ai ni kadai mung langda ni e sha kau ai hkrum na mara ai,? ngu nna htan wu ai.
25 (Shi a madu jan Yezebela hkan shadut ai amu mahkra hpe galaw ai Ahab zawn dai Madu a man e n kaja ai amu hpe shi hkum nan myit jung ai hte htum hkra galaw kau lu ai wa kadai mung nga nga ai n rai.
26 Israela amyu masha ni rawt lung wa mu yang, mungdan kata na dai Madu e gawt shapraw kau sai Amori masha ni galaw ai zawn shi gaw hpara sumla ni hpe nawku let nachying kaya kahpa re ai yubak bai shut kau nu ai.)
27 Elia ga tsun ngut jang, Ahab gaw shi a hpun palawng ni hpe gang je kau nhtawm dai ni hpe raw kau nna lachyit sumpan hpun da wu ai. Shat lusha n sha ai sha, lachyit sumpan ntsa e yup taw nga wu ai; myit htum let mung yawn hkawm nga ai.
28 Dai Madu gaw myihtoi Elia hpe, ?Nye a man e,
29 Ahab shi hkum nan gade wa shagrit shanem da wu ai hpe nang yu matsing nga n ni? Ndai amu hpe shi galaw kau tim, shi a prat hta shi a ntsa e tsin-yam tsindam shabyin dat na we ai n rai; dai gaw shi a kasha a prat hta mahtang, Ahab a dinghku ntsa e tsin-yam tsindam shapraw dat na we ai,? ngu nna tsun wu ai.