4
Amyu baw ting Yawdan hka rap kawt ngut jang, dai Madu gaw Yawshu hpe, ?Amyu bawsang shagu na masha langai ngai di nna marai shi lahkawng hte hpe lata san da u; shanhte hpe hkinjawng ni tsap nga ai shara, Yawdan hka ka-ang na nlung shi lahkawng hta la na lam hkang da u. Shanhte hte rau nlung ni hpe hpai la nna dai na e nanhte but na shara hta tawn da na lam shanhte hpe tsun u,? ngu nna hkang da wu ai.
Dai hpang Yawshu gaw lata san da sai masha shi lahkawng hte hpe shaga la nna, shanhte hpe, ?Dai Madu nanhte a Karai Kasang a Ga Shaka Sumpu a shawng e Yawdan hka de shang sa wa masu; shaloi Israela amyu bawsang shagu a matu nlung langai hpra tinang a lahpa hta hpai wa lu na rai myit dai. Dai nlung ni gaw dai Madu hpa galaw yu nu ai lam hpe amyu masha ni hpe dum shangun na ra ai. Htawm hpang prat e, nanhte a kashu kasha ni ndai nlung ni nanhte a matu hpa baw lachyum nga nga a ni?, nga nna san myit yang, nanhte gaw shanhte hpe dai Madu a Ga Shaka Sumpu hka rap sa wa yang, dai Yawdan hka mahtang lwi nga ai kaw na hkring mat ai rai nga ai, ngu nna tsun dan na rai myit dai. Dai nlung ni gaw ndai shara e Israela amyu masha ni hpa byin lai wa sai lam hpe myit dum shangun na matu rai nga ai,? ngu nna tsun na rai myit dai.
Israela masha ni mung Yawshu hkang da ai hte maren hkan galaw ma ai. Dai Madu gaw Yawshu hpe hkang da nu ai hte maren Israela amyu bawsang shi lahkawng a matu nlung shi lahkawng hpe Yawdan hka ka-ang kaw na shanhte hta la nhtawm shanhte but nga ai shara de wa hpai tawn da ma ai. Yawshu gaw Ga Shaka Sumpu hpai ai hkinjawng ni tsap nga ai hka ka-ang e, nlung shi lahkawng jung da wu ai. (Dai nlung ni dai yang e naw nga nga ai.) 10 Amyu masha ni galaw na matu dai Madu Yawshu hpe hkang da nu ai amu magup ngut kre ai aten du hkra, Yawdan hka ka-ang e hkinjawng ni tsap nga ma ai. Ndai gaw Mawshe hkang da sai lam rai nga ai.
Amyu masha ni chyawm gaw tin tin rap mat wa ma ai. 11 Shanhte yawng maga mi hkran de rap kawt ngut ai shaloi, dai Madu a Ga Shaka Sumpu hpai ai hkinjawng ni gaw amyu masha ni a shawng de sa mat wa ma ai. 12 Rubin, Gad amyu bawsang ni hte Manashe amyu bawsang ka-ang hkup ni mung Mawshe shanhte hpe tsun da sai hte maren majan gasat na matu jin jin galaw da nhtawm ngam nga ai amyu masha ni a shawng e rap sa wa ma ai. 13 Majan gasat na matu dai Madu a man e jin jin rai nga ai gaw mun mali dang rai nna, Yerihko mare makau na pa de rap sa wa ma ai. 14 Dai shani e, dai Madu galaw ai amu gaw Israela amyu masha ni a man e, Yawshu hpe hkik hkam ai arawng aya hkam la ai masha langai mi hpe zawn nawn la shangun ma ai rai nna Mawshe hpe shanhte shagrau sha-a ma ai zawn Yawshu hpe mung prat tup shagrau hkungga nga ma ai.
15 Shaloi dai Madu gaw Yawshu hpe Ga Shaka Sumpu hpai ai 16 hkinjawng ni Yawdan hka na pru lung wa na matu hkang dat wu ai. 17 Yawshu mung dai Madu hkang da ai hte maren galaw wu ai; 18 hkinjawng ni hka hkin-gau de kabye lung wa ai hte hka gaw lang mi bai lwi wa nna, de a hkin-gau de bai lim mat hkra tung nga ai.
19 Dai amyu masha ni gaw shata langai ngu na nhtoi shi ya hta Yawdan hka rap kawt mat wa nhtawm Yerihko a sinpraw maga Gilgala e dap jung ma ai. 20 Dai shara e nan, Yawdan hka na shaw la ai nlung shi lahkawng hpe mung Yawshu jung da wu ai. 21 Shi gaw Israela amyu masha ni hpe, ?Htawm hpang prat e nanhte a kashu kasha ni mahtang, nlung ndai ni gaw kaning re ai ni rai ta?, nga nna san myit yang, 22 nanhte gaw shanhte hpe Israela amyu masha ni Yawdan hka hpe hkun hkraw ai ga ntsa hku rap wa ai shaloi na lam rai nga ai ngu, tsun dan na rai myit dai. 23 Anhte a matu Nawng Hkyeng hpe shi jahkyet kau ya mi ai zawn, nanhte rap tawng mat wa ai aten du hkra, dai Madu nanhte a Karai Kasang gaw nanhte a matu Yawdan hka hpe jahkyet kau ya mi ai lam shanhte hpe tsun dan mu. 24 Ndai amu a majaw ginding aga ntsa na masha shagu gaw dai Madu a daru magam n-gun kade wa galu kaba nga ai hpe chye la lu nhtawm, dai Madu nanhte a Karai Kasang hpe htani htana shagrau sha-a lu na rai myit dai,? ngu nna tsun wu ai.