19
Lahkawng ngu na lamu ga jarit masat ya ai gaw Simun amyu bawsang hta na lakung lama ni a matu rai nga ai. De a lamu ga gaw Yuda amyu bawsang ni hpe masat ya ai lamu ga kata hta lawm nga ai. Dai hta lawm ai ni gaw Berasheba, Sheba, Molada, Ref 19:2-8: 1Hl 4:28-33. Haza Shuala, Bala, Ezem, Elatola, Behtula, Horma, Ziklag, Bet Marahkabot, Haza Susa, Bet Lebaot hte Sharuhen hte rai nga ai. Mare shi masum hte de a grup yin na kahtawng ni lawm nga ai.
Ain, Rimon, Ehtera hte Ashan; mare mali hte de a grup yin kahtawng ni mung lawm nga ai. Bai dingda maga Balat Bera (shing n rai Rama) shara du hkra na mare ni a grup yin kahtawng ni mung lawm nga ai. Dai gaw Simun a amyu bawsang hta na lakung lama ni lu la ai shanhte a sali ga rai nga ai. Yuda hpe masat ya ai lamu ga gaw ra ai hta jan hkra kaba nga ai majaw de a daw mi Simun a amyu bawsang hpe jaw kau ma ai.
10 Masum ngu na masat gaw Zebulun amyu bawsang hta na lakung lama ni a matu rai nga ai. Shanhte a lamu ga jarit gaw Sarid du hkra rai nga ai. 11 Dai kaw nna lamu ga jarit gaw sinna maga Marela de hprang, Dabeshet hte Yokneam a sinpraw maga na hka shi de htuk rai nga ai. 12 Sarid a maga mi kaw nna rai wa yang sinpraw maga Hkrislot Tabora rit de hkroi, Daberat hku hprang, Yahpia e byawn rai nga ai. 13 Dai kaw nna Gat Hehpera hte Ethkazin hku hprang, sinpraw de sa wa, Rimon de du ai lam ntsa na Nea mare de kayin wa ai. 14 Dingdung jarit gaw Hanahton hku kayin garet mat wa nhtawm Iphtela Kadit e htuk rai nga ai. 15 Dai hta Kata, Nahala, Shimron, Idala hte Betlehem: mare shi lahkawng hte hpawn de a grup yin kahtawng ni mung lawm nga ai. 16 Ndai ni gaw Zebulun amyu bawsang hta na lakung lama ni madu la lu ai sali ga kahtawng ni hte mare ni rai nga ai.
17 Mali ngu na masat gaw Yisahka amyu bawsang hta na lakung lama ni a sali ga rai nga ai. 18 De a ginwang hta Yezrela, Hkesulot, Shunem, 19 Hahparim, Shion, Anaharat, 20 Rabit, Kishon, Ebeza, 21 Remet, Enganim, Enhada, Bethpaze ni lawm nga ai. 22 Dai lamu ga jarit gaw Tabora, Shahazuma, hte Bet Sheme ni hpe wa garet hkra nhtawm Yawdan hka e htuk rai nga ai. Mare shi kru hte hpawn dai ni a grup yin kahtawng ni lawm nga ai. 23 Dai gaw Yisahka amyu bawsang hta na lakung lama ni madu la ai sali ga na kahtawng hte mare ni rai nga ai.
24 Manga ngu na masat sali gaw Ashe amyu bawsang hta na lakung lama ni a matu rai nga ai. 25 De a ginwang hta Helkat, Hali, Beten, Ahkashahpa, 26 Alam Melek, Amad hte Mishala mare ni lawm ma ai. Sinna maga de Hkarmela hte Shihoron Libnat du hkra rai nga ai. 27 Dai gaw sinpraw maga de bai kayin wa nna Bet Dagon hku hprang, Zebulun hte Iphtahela hpe wa hkra nna dingdung maga Bet Emek hte Niela de hkrang sa wa nga ai. Dai gaw dingdung maga Hkabula de du nga ai. 28 Dai kaw nna Ebron, Rehob, Hamon, Kana hku hkan nna Sidon du hkra rai nga ai. 29 Dai hpang Rama hku kayin wa nna bunghku kum ai Turu mare hku hprang, Hosa de bai kayin nhtawm Ka-ang Panglai e htuk rai nga ai. 30 Dai hta e Mahalaba, Akhziba, Uma, Ahpek hte Rehob mare ni mung lawm nga ai; de a grup yin ni hte hpawn mare hkun lahkawng rai nga ai. 31 Dai gaw Ashe amyu bawsang hta na lakung lama ni madu la lu ai sali ga na mare kahtawng ni rai nga ai.
32 Kru ngu na masat sali ga gaw Naphtali amyu bawsang hta na lakung lama ni a matu rai nga ai. 33 Dai lamu ga jarit gaw Helep kaw nna Zananim shara na wamyi hpun hku hkrawn, Adaminekab, Yebnela hte Lakum hku hprang, Yawdan hka e htuk rai nga ai. 34 Sinna de kayin nna Azanot Tabora hku hprang, dai yang kaw nna Hukok e byawn, dingda maga Zebulun hte tut, sinna maga Ashe hte tut, sinpraw maga Yawdan hka jarit du hkra rai nga ai. 35 Bunghku kum da ai mare ni gaw Zidim, Zera, Hamat, Rakat, Hkineret, 36 Adama, Rama, Hazora, 37 Kedesha, Edrai, Enhazora, 38 Yiron, Migdalela, Horem, Betanat hte Bet Sheme ni rai nga ai. Mare shi jahku hte hpawn dai ni a grup yin kahtawng ni lawm nga ai. 39 Ndai ni gaw Naphtali a amyu bawsang hta na lakung lama ni madu la lu sai sali ga na kahtawng hte mare ni rai nga ai.
40 Sanit ngu na masat sali ga gaw Dan a amyu bawsang hta na lakung lama ni a matu rai nga ai. 41 De a ginwang hta Zoara, Eshtaola, Irasheme, 42 Shalabim, Aiyalon, Itla, 43 Elon, Timna, Ekron, 44 Elateke, Gibehton, Balat, 45 Yehuda, Beneberek, Gatrimon, 46 Meyarkon, Rakon, Yopa grup yin na lamu ga du hkra lawm nga ai. 47 Dan amyu bawsang ni shanhte a lamu ga sum mat ai shaloi Laisha mare hpe sa gasat la ma ai. Dai mare hpe gasat dang la nna mare masha ni hpe sat kau nhtawm mare hpe mung madu la ma ai. Dai yang e, shanhte sa nga nna dai mare Laisha hpe shanhte a kaji kawa mying hkan nna Dan ngu galai shamying ma ai. Ref 19:47: Trg 18:27-29. 48 Dai gaw Dan a amyu bawsang hta na lakung lama ni madu la ai sali ga na shanhte a mare hte kahtawng ni rai nga ai.
49 Israela amyu masha ni sali ga karan ngut jang, Nun a kasha Yawshu hpe mung shi a matu sali ga jaw ma ai. 50 Dai Madu hkang da sai hte maren, shi hpyi ai Ehprim bum ga na Timnat Sera mare hpe jaw ma ai. Dai mare hpe shi bai de nna dai hta nga nga wu ai.
51 Dai hte gaw hkinjawng Eleaza, Nun a kasha Yawshu hte Israela amyu bawsang hta na lakung lama ni a ningbaw ni Shilo mare hta dai Madu hte bawng ban jahkrup na matu, dai Madu a hpung shingkang shanu nga ai Sum a shang wa chyinghka lam e, hpaida da let karan ya ai lamu ga sali ni rai nga ai. Ndai hku nna mungdan hpe karan la ai amu shangut la ma ai.