8
1 Yesu chyawm gaw Tsanlun bum de pru mat wa ai.
2 Hpang jahpawt jau jau e Nawku Htingnu de shi bai sa wa ai rai nna, masha nlang hte
mung shi kaw sa du shinggrup nga ma yang
shi dung let shanhte hpe sharin shaga nga ai.
3 Shaloi Tara sara ni hte Hparishe ni gaw, n se n sa galaw nga yang mu rim la ai
numsha langai mi hpe dun sa nna, shawa
yawng a man e shatsap tawn mu ai.
4 Shanhte gaw, ?Sara e, Ndai numsha hpe shi shut hpyit nga yang mu rim sagaw ai.
5 Ndai zawn re ai numsha hpe nlung hte kabai sat kau lu na re, nga nna Mawshe a jep ai
Tara hta anhte hpe matsun jaw da mani ai,
ya nang gaw kaning ngu na wu ta?,? ngu
nna shi hpe san mu ai.Ref 8:5: Jaw 20:10; Trj 22:22.
6 Shanhte shing nga san ai gaw, shi hta mara shagun na lam mu lu hkra, shi hpe chyam
dinglik yu ai rai nga ai. Rai ti mung Yesu
gaw, ga de gum nna ga hta layung hte ka
mahkret let nga nga ai.
7 Shanhte shing nga kahtap nna bai san san rai ma ai majaw, shi rawt mada yu nhtawm, ?Nanhte
hta mara n galaw yu ai wa, shi hpe shawng
nlung hte kabai mu,? ngu nna shanhte hpe
tsun mu ai.Ref 8:7: Trj 17:7; Rom 2:1.
8 Dai hpang ga e bai gum nna ga hta ka mahkret nga ai.
9 Shanhte dai ga na jang, yawng a shawng e asak kaba sai ni langai a hpang langai pru
mat wa ma ai. Shing rai Yesu hkrai sha hti
nga ai hte numsha mung mi na shara hta naw tsap
nga ai.
10 Shaloi Yesu bai sharawt mada yu nna, ?Numsha e, ya shanhte kanang rai wa ma sata?
Nang hpe jeyang na masha langai mi mung
n nga sani?,? ngu nna san wu ai.
11 Dai shaloi numsha gaw, ?Madu e, kadai mung n jeyang ma ai,? ngu nna htan wu ai.
Shaloi Yesu gaw, ?Ngai mung nang hpe n
jeyang na nngai; wa nu, ya kaw nna yubak
bai hkum galaw nit,? ngu nna tsun dat wu
ai.
12 Yesu shanhte hpe bai tsun mu ai gaw, ?Ngai gaw mungkan ga a nhtoi rai nga nngai. Nye
a hpang hkan nang ai wa gaw asak a nhtoi
hpe lu la na ra ai rai nna nsin hta galoi
mung n hkawm n sa na ra ai,? ngu mu ai.
13 Hparishe ni gaw, ?Nang dai na a lam sakse hkam ndai rai nna, na a sakse gaw
n teng nga lit dai,? ngu nna shi hpe
tsun mu ai.Ref 8:13: Yhn 5:31.
14 Shaloi Yesu gaw, ?Ngai gaw tinang a lam tinang dai sakse hkam nga ti mung, nye a
sakse teng nga li ai; hpa majaw
nga yang, ngai kanang nna pru sa nna, gade
rai wa na mung ngai chye nngai. Nanhte chyawm
gaw, ngai kanang na pru sa nna, gade rai na
mung n chye myit dai.
15 Nanhte gaw shinggyim masha hkum shan lam madang hku nna sha daw dan myit dai, ngai
gaw kadai hpe mung n daw dan nngai.
16 Rai ti mung ngai lama wa jeyang daw dan na nga yang mung, ngai langai mi sha jeyang
daw dan ai n rai, ngai hpe shangun dat ai
nye Wa hte rau rai nga nngai majaw, ngai
jeyang daw dan ai lam teng man li ai.
17 Nanhte a Tara laika hta, ?Sakse lahkawng yan tsun ai lam myit hkrum jang, shanhte
tsun ai ga teng nga ai,? nga nna ka da nga ai.
Ref 8:17: Trj 17:6; Mat 18:16; 2Ko 13:1; Heb 10:28.
18 Ngai gaw nye a lam ngai nan sakse hkam nngai, ngai hpe shangun dat ai nye Wa mung, nye a lam
sakse hkam nga ai,? ngu wu ai.
19 Dai rai nna shanhte gaw, ?Na nwa gaw kanang nga lit ta?,? ngu nna shi hpe san mu ai.
Yesu gaw, ?Nanhte ngai hpe mung, nye Wa hpe mung n chye myit dai. Nanhte
ngai hpe chye myit taw gaw,Nye Wa hpe mung
chye na manit dai,? ngu nna bai htan mu
ai.
20 Ndai ga ni gaw Nawku Htingnu kata na alu bang ai sadek ni tawn da ai gawk e Yesu
sharin shaga nga yang, tsun ai ga ni rai
nga ai. Rai ti mung, shi a ahkying garai
n du lu ai majaw, shi hpe kadai mung n rim
la lu mu ai.
21 Yesu shanhte hpe bai tsun mu ai gaw, ?Ngai wa mat na nngai, shaloi nanhte
ngai hpe tam ti mung nanhte gaw tinang
a yubak mara ni hta si mat na myit dai.
Ngai wa ai shara de mung nanhte n du
lu na myit dai,? ngu mu ai.
22 Dai majaw, Yuda masha ni gaw, ?Ngai wa ai shara de nanhte n du lu na myit
dai, nga nna shi tsun ai gaw shi hkum dai
sat si na ngu ai lachyum rai kun?,? nga ma ai.
23 Shaloi Yesu gaw, ?Nanhte gaw lawu tsang na rai nga myit dai, ngai chyawm gaw lahta
tang na du sa ai rai nga nngai. Nanhte gaw
ndai mungkan ga na rai myit dai, ngai chyawm
gaw ndai mungkan ga na n rai nngai.
24 Dai re ai majaw, nanhte gaw tinang a yubak hta si wa na marin dai ngu nna ngai nanhte
hpe tsun ni ai. ?Ngai gaw ngai wa rai nga nngai,?
hpe nanhte n kam n sham myit yang gaw,
nanhte tinang a yubak hta si na marin dai,?
ngu mu ai.
25 Shanhte gaw, ?Nang kadai rai nga n ta?,? ngu nna shi hpe san mu ai. Yesu gaw,
?Ngai kadai wa re ai gaw shawng shawng
kaw nna ngai nanhte hpe tsun mase ai.
26 Nanhte a lam hte seng nna ngai tsun na lam law lu nngai. Nanhte hpe jeyang na lam mung
law law lu nngai. Rai ti mung ngai hpe shangun
dat ai wa gaw teng man nga ai rai nna, shi
kaw na ngai na la, mu la ai hpe sha mungkan
ga hpe ngai tsun dan nngai,?
ngu mu ai.
27 Yesu gaw Kawa hpe sha-ang nna shanhte hpe tsun nga ai gaw shanhte n chye na ma ai.
28 Dai majaw Yesu gaw, ?Dai Masha Kasha hpe nanhte sharawt da ai shaloi she,
?Ngai gaw ngai wa rai nga ai,? hpe mung,
ngai gaw nye a myit hte hpa mung n galaw
ai sha, nye Wa ngai hpe sharin nngai hte
maren sha ngai tsun ai hpe mung, nanhte
chye na na marin dai.
29 Dai hta n ga, ngai hpe shangun dat ai wa gaw, ngai hte rau anga nga ai; shi
sharawng awng ai amu hpe, ngai tut nawng
agalaw nga nngai majaw, shi gaw ngai hpe
hkrai sha n tawn kau da nngai,? ngu tsun
wu ai.
30 Yesu ning nga nna tsun ai ga ni hpe na la ai ni law law wa shi hpe kam sham ma ai.
31 Dai re ai majaw Yesu gaw shi hpe kam sham ai masha ni hpe, ?Nanhte gaw ngai hkaw tsun
sharin shaga ai ga hpe madat mara hkan sa
myit yang gaw, nye a sape ni teng teng nanhte
rai nga myit dai.
32 Teng man ai lam mung nanhte chye lu na marin dai rai nna, dai teng man ai gaw, nanhte hpe
shalawt dat na ra ai,? ngu nna tsun mu ai.
Ref 8:32: Rom 6:14; 18:22; 8:2; Yak 1:25.
33 Shaloi shanhte gaw, ?Anhte gaw Abraham a kashu kasha ni rai nga ga ai rai nna, gade a
mayam mung galoi n tai yu ga ai. Dai re ai
mi, ?nanhte hpe shalawt dat na ra ai,?
nga nna kaning rai tsun lu a ta?,?
ngu nna jawm san mu ai.Ref 8:33: Yhn 8:39; Jaw 25:42; Mat 3:9.
34 Yesu gaw, ?Ngai nanhte hpe kaja wa teng teng tsun made ga, yubak galaw ai wa kadai
mung, yubak a mayam rai nga ai.
35 Mayam ngu ai gaw, nta dinghku langai mi hta tut nawng e nga nga lu ai n rai, kasha chyawm gaw tut nawng e nga nga lu ai.
36 Dai re ai majaw Kasha wa e nanhte hpe shalawt dat myit yang gaw, nanhte kaja wa teng teng lawt lu na myit dai.
37 Nanhte Abraham a kashu kasha ni rai nga ai gaw, ngai chye nga nngai; rai ti mung nanhte
nye a sharin shaga ai ga hpe n hkap la myit
dai majaw, ngai hpe sat na nanhte shakut
nga myit dai.
38 Ngai gaw nye Wa madun dan ai hte maren sha tsun nngai, rai ti mung nanhte gaw nanhte a kawa tsun dan ai hte maren galaw nga myit dai,?
ngu nna shanhte hpe htan mu ai.
39 Shaloi shanhte gaw, ?Abraham gaw anhte a kawa rai nga mali ai,?
ngu nna shi hpe htan mu ai. Yesu gaw, ?Nanhte Abraham a kashu kasha ni kaja
wa rai myit yang gaw, Abraham a lai len
hku hkan galaw na myit dai.
40 Ya ngai galaw ai lam yawng gaw, nanhte hpe nye Wa kaw na la ai teng man ai lam tsun dan na matu rai nga ai, rai ti mung nanhte gaw ngai hpe sat kau na tam myit dai. Abraham gaw
dai zawn n galaw ai.
41 Nanhte chyawm gaw, nanhte a kawa a lai len hku hkan galaw myit dai,? ngu nna tsun mu ai.
Shanhte gaw, ?Anhte gaw n-gyi amyu n rai ga ai, Karai Kasang shi nan anhte a
langai sha re ai Kawa rai nga mali ai,?
ngu nna shi hpe tsun mu ai.
42 Shaloi Yesu gaw, ?Karai Kasang gaw nanhte a kawa re ai teng nga malit yang gaw ngai hpe
tsaw ra na myit dai. Hpa majaw nga yang, ngai
gaw Karai Kasang kaw na du sa nna, ya ndai
shara e nga nga nngai. Ngai gaw nye a myit
hte ngai du sa ai n rai, shi gaw ngai hpe
shangun dat nngai.
43 Ngai tsun ai lam hpe nanhte hpa rai n chye na myit ta? Dai gaw nanhte nye a mungga
n madat la lu ai majaw rai nga myit dai.
44 Nanhte gaw, nanhte a kawa ngu ai gumlau nat a kashu kasha ni rai nga myit dai rai
nna, nanhte a kawa a kayut ai hku hkan mayu
myit dai. Shi gaw shawng npawt kaw nna, masha
sat ai wa rai nga ai rai nna, tengman ai maga
de galoi mung n nga ai, hpa majaw nga yang
shi hta teng man ai lam n rawng nga ai.
Shi gaw masu magaw ai wa langai mi rai nna
masu magaw lam yawng a kawa mung rai nga ai
majaw, shi a masu ai ga tsun yang, dai gaw
shi a shingra myit hte maren tsun ai lam
rai nga lu ai.Ref 8:44: Mat 13:38; 1Yh 3:8; Yud 6.
45 Ngai teng man ai lam tsun nngai majaw, nanhte n kam n sham myit dai.
46 Dai yubak mara a majaw ngai hta ra rawng ai ngu nna nanhte hta na kadai wa mahtang madun
lu myit ta?
47 Karai Kasang a kashu kasha re ai wa gaw Karai Kasang a ga madat nga ai, nanhte gaw
Karai Kasang a kashu kasha ni n re ai majaw,
n madat myit dai,? ngu wu ai.
48 Shaloi Yuda masha ni gaw, ?Nang gaw Samari masha rai ndai nga nna mung, nat shang ai wa
rai nga nna mung, anhte tsun ai ga gaw jaw
nga ai n rai ni?,? ngu nna Yesu hpe bai san
mu ai.
49 Yesu gaw, ?Ngai nat shang ai wa n rai nngai; ngai gaw nye Wa hpe she shagrau nngai,
rai ti mung nanhte chyawm gaw ngai hpe jahpoi
myit dai.
50 Ngai gaw nye a arawng sadang hpe n tam nngai. Rai ti mung nye a arawng sadang hpe tam ya nna, ngai hpang maga de jeyang ai wa langai mi nga ai.
51 Nanhte hpe ngai kaja wa teng teng tsun made ga, nye a sharin shaga ai hpe madat mara hkan sa ai wa gaw galoi mung n si na ra ai,? ngu nna bai
htan mu ai.
52 Yuda masha ni gaw, ?Nang nat shang ai wa rai nga ai gaw, ya anhte hkrak chye saga ai!
Abraham hte myihtoi ni pyi si mat wa
masai, dai rai yang, nang chyawm gaw, ?nye a
sharin shaga ai ga madat mara hkan sa ai wa gaw
galoi mung n si na ra ai,? nga nna tsun lu ndai.
53 Nang wa mi, si mat wa sai anhte a wa Abraham hta grau kaba nga n ni? Myihtoi ni mung si
mat wa masai; nang gaw, nang kadai wa re ai
ngu nna myit nga n ta?,? ngu nna shi hpe tsun
mu ai.
54 Yesu gaw, ?Nye hkum hpe ngai shagrau nngai rai yang gaw, nye a arawng sadang hpa manu
n rawng nga ai. Ngai hpe shagrau ai wa gaw
nye Wa rai nga ai. Dai wa hpe nanhte a Karai
Kasang re ai, nga nna nanhte tsun myit
dai.
55 Rai ti mung nanhte shi hpe n chye myit dai, ngai chyawm gaw chye nngai. Lama shi hpe
n chye nngai ngu yang gaw, nanhte zawn
masu ai wa ngai rai na ra ai. Rai ti mung
ngai shi hpe chye nga nngai rai nna, shi a ga
hpe madat mara hkan sa nga nngai.
56 Nanhte a kawa Abraham gaw, ngai du sa wa na nhtoi hpe mu lu na rai nna sharawng awng nga
ai, dai nhtoi hpe mu lu ai shaloi mung kabu
gara nga ai,? ngu nna htan mu ai.
57 Shing nga ai majaw Yuda masha ni gaw ?Nang gaw asak manga shi ning pyi garai
n du ai mi Abraham hpe mu yu nit ni?,? ngu
nna shi hpe tsun mu ai.
58 Yesu gaw, ?Ngai nanhte hpe kaja wa teng teng tsun made ga, Abraham garai n shangai ai
kaw nna ngai nga nga ni ai,?
ngu nna shanhte hpe tsun mu ai.
59 Shaloi shanhte gaw shi hpe kabai na nga, lungdin ni hta la ma ai; rai ti mung Yesu
gaw makoi let Nawku Htingnu na pru mat
wa ai.