4
1 Yesu gaw Yawhan hta grau law ai masha ni hpe hkalup jaw nna sape shatai la nga ai
lam Hparishe ni na ma ai. (
2 Kaja wa nga yang, Yesu nan hkalup jaw ai n rai, shi a sape ni she jaw ma ai.)
3 Shing rai Yesu gaw Hparishe ni hpa tsun nga ma ai hpe na wu yang, Yuda mung na
pru mat wa nna Galile mung de bai wa ai.
4 Lam e Samari mung hku ga lai sa wa ra wu ai.
5 Dai majaw shi gaw, Yaku e shi a kasha Yosep hpe jaw ai ga dachyawk makau na Suhka ngu ai
Samari mung na mare langai mi de du wa
ai.Ref 4:5: Nin 33:19; 48:22; Ysh 24:32.
6 Dai yang e Yaku a hka htung nga nga ai. Yesu gaw lam hkawm ba ai majaw, dai
hka htung makau e dung nga ai. Dai
aten gaw shani ka-ang hkying shi lahkawng
daram hta rai nga ai.
7 Shaloi Samari numsha langai mi hka ja na matu sa wa ai, Yesu gaw, ?Ngai hpe
ntsin jaw lu e,? ngu nna shi kaw hpyi wu ai.
8 (Shi a sape ni chyawm gaw, sha hpa mari na matu mare de sa mat wa masai.)
9 Dai Samari numsha gaw, ?Nang Yuda masha langai mi rai da nhtawm me, ngai Samari
numsha kaw gara hku ntsin hpyi lu lu n ta?,?
ngu nna htan wu ai. (Yuda masha ni gaw
Samari masha ni hte gawm ni, wan ni,
n kayau lang ga ma ai.)Ref 4:9: 2Hk 17:24;
Luk 9:52-53; Kas 10:28.
10 Shaloi Yesu gaw, ?Karai Kasang jaw ya ai chyeju kumhpa hpe mung, nang kaw lu ntsin
hpyi nga ai wa hpe mung, nang chye wu taw
gaw, nang shi kaw hpyi nna, shi gaw nang
hpe asak jahkrung ya ai ntsin jaw na nit dai,?
ngu nna shi hpe htan wu ai.
11 Dai numsha mung, ?Madu e, nang ntsin ja na rai hpa mung n lu ndai, hka htung mung
sung nga ai. Dai majaw, nang kanang na dai
asak jahkrung ya ai ntsin lu la na n ta?
12 Anhte a Jiwa Yaku gaw ndai hka htung anhte hpe jaw da mani ai rai nna, shi hte shi a
kashu kasha ni, shi a yam nga hpung ni
yawng ndai hta na lu masai. Nang gaw Jiwa
Yaku hta grau kaba n ni?,? ngu nna shi hpe
tsun wu ai.
13 Yesu gaw ntsin ndai lu ai wa kadai mung, hpang bai gara na ra ai.
14 Rai ti mung dai ngai jaw na ngu ai ntsin lu ai wa kadai mung galoi mung hpang bai
gara na n rai. Ngai shi hpe jaw ai ntsin
gaw, dai wa kata hta asak hka hpawk tai na
ra ai, dai gaw shi hpe asak jahkrung ya
ai ntsin jaw na wu ai rai nna shi hpe
htani htana asak lu la shangun wu ai.
15 Shaloi dai numsha gaw, ?Madu e, ngai galoi mung hpang bai n gara, ndai kaw hka
mung n sa ja ra n ga, ntsin dai ngai hpe
jaw rit,? ngu nna hpyi wu ai.
16 Yesu gaw, ?Na a madu wa hpe naw wa shaga la nna, nang de sa rit,? ngu wu ai.
17 Dai numsha gaw, ?Ngai la n lu nngai,? ngu nna htan wu ai.
Yesu gaw, ?Ngai la n lu nngai nga nna nang htan ai ga gaw teng nga lit dai.
18 Hpa majaw nga yang, nang la manga lu yu nit dai, ya nang hte rau nga ai la
mung, na a madu wa majing n rai nga lit
dai,? ngu nna shi hpe tsun wu ai.
19 Shaloi dai numsha gaw, ?Madu e nang myihtoi rai nga ndai hpe ngai dum chye
se ai.
20 Nye a Samari jiwa ni gaw ndai Gerizim bum ntsa e Karai Kasang hpe nawku ga ma
ai, rai ti mung nanhte Yuda masha ni gaw,
Yerusalem mare kaw chyu sha Karai Kasang
hpe nawku mai ai shara re, nga nna tsun
ga myit dai,? ngu wu ai.
21 Yesu gaw, ?Numsha e, ngai hpe kam u, ndai bum e mung, Yerusalem mare e mung,
masha ni Wa hpe n nawku na aten du wa na
ra ai.
22 Nanhte Samari masha ni gaw, tinang kadai hpe nawku nga ai hpe hkrak n chye myit
dai; anhte Yuda masha ni chyawm gaw,
tinang chye ai wa hpe nawku ga ai, hpa
majaw nga yang, hkye hkrang la ai gaw
Yuda masha ni kaw nna she du sa ai rai
nga ai.
23 Rai ti mung nawku ai ni gaw Wa hpe Karai Kasang a Wenyi n-gun atsam hte teng man
ai hku nawku na ahkying gaw du wa na ra
ai rai nna, ya e pyi du ra ai. Wa gaw
shing rai nawku ai ni hpe ra sharawng
nga ai.
24 Karai Kasang gaw Wenyi rai nga ai rai nna, shi hpe nawku ai ni mung, Madu a Wenyi
n-gun atsam hte teng man ai hku nawku lu
na rai ma ai,? ngu nna shi hpe tsun wu ai.
25 Dai numsha mung, ?Hkristu ngu ai Meshia du na ra ai hpe ngai chye nngai, shi du jang
gaw, shi anhte hpe lam magup tsun madun
na ra ai,? ngu wu ai.
26 Shaloi Yesu gaw, ?Nang hte ga tsun nga ai ngai gaw, dai wa nan rai nga nngai,?
ngu nna shi hpe tsun wu ai.
27 Dai ten hta shi a sape ni du wa nna, shi numsha langai hte ga shaga nga ai hpe wa
mu nna grai mau mat ma ai. Rai ti mung
dai numsha hpe, ?Nang hpa ra n ta?,? ngu
nna mung, shing n rai, ?Madu nang hpa
rai dai numsha hte ga shaga nga n ta?,?
ngu nna mung, kadai mung n wam san mu ai.
28 Shaloi dai numsha gaw, shi a ntsin di bu tawn kau da nna mare de bai wa nhtawm,
mare masha ni hpe,
29 ?Ngai galaw lai wa sai lam yawng, ngai hpe bai tsun dan ai wa hpe sa yu maru, dai wa gaw
Hkristu mi rai na kun?,? ngu nna wa tsun
mu ai.
30 Dai rai nna masha ni gaw mare kaw na pru sa nna, Yesu kaw sa du ma ai.
31 Dai laman sape ni gaw, ?Rabai e, shat sha u,? ngu nna shi hpe saw lajin mu ai.
32 Rai ti mung shi gaw, ?Nanhte n chye ai lusha ngai lu da we ai,? ngu nna shanhte
hpe htan mu ai.
33 Dai majaw sape ni gaw, masha langai ngai shi hpe shat sa jaw masai kun!
nga nna shada da san ma ai.
34 Dai rai nna Yesu gaw, ?Ngai hpe shangun dat ai wa a myit ra ai hku hkan galaw na
hte shi ap ya da ai magam bungli ngut kre
hkra galaw na lam gaw nye a sha hpa rai nga li ai.
35 ?Ya shata mali naw ra ai, dai lai jang she mam dan ten du na ra ai, nga nna
nanhte tsun ga ai ga malai langai mi nga
malit dai n rai ni? Rai ti mung ngai
nanhte hpe tsun made ga, Hkauna pa ni
de atsawm sha sharawt mada yu mu, mam ni
myin htoi nga sai rai nna, shu la ten du
nga sai.
36 Dan ai wa gaw shabrai lu la nna, htani htana asak hte seng ai nsi naisi shu
la lu ai. Dai rai nna gat ai wa hte dan ai
wa rau sha kabu lu ma ai.
37 ?Langai wa gaw gat, langai wa gaw dan,? nga nna tsun ai ga gaw teng nga ai.
38 Nanhte shawng e n galaw tawn ai kaw na dan la na ngai nanhte hpe shangun dat
made ai. Kaga masha ni amu galaw gat
hkai nna, nanhte gaw akyu hkam sha myit
dai,? ngu nna shanhte hpe tsun mu ai.
39 Dai numsha e, ?Ngai galaw yu sai lam ni yawng shi ngai hpe bai tsun dan ai,?
nga nna sakse hkam ai ga a majaw, dai
mare na Samari masha ni Yesu hpe kam sham ma ai.
40 Dai rai nna, Samari masha ni Yesu hpang de du ma yang shanhte hte rau nga nga na matu
hpyi ma ai majaw, dai yang e nhtoi lahkawng
ya hkring nga ai.
41 Shi a mungga majaw, kam sham ai ni grau nna law wa ma ai.
42 Dai masha ni gaw, dai num sha hpe, ?Ya gaw na a ga majaw sha kam sham ai n rai
saga ai, shi a mungga hpe anhte nan na
la lu nna, ndai wa gaw mungkan ga a hkye
hkrang la ai Madu majing rai nga ai hpe
anhte chye saga ai,? ngu mu ai.
43 Dai yang e lahkawng ya nga nna Yesu gaw, dai yang na pru nna Galile mung de rai
mat wa ai.
44 ?Myihtoi gaw tinang a buga e arawng n lu ai,? nga nna Yesu shi nan tsun
ga ai hte maren pru mat wa ai rai nga ai.
45 Shi Galile mung de du ai shaloi, Galile masha ni gaw Madu hpe hkap tau bawp hkalum
la ma ai, hpa majaw nga yang, Yerusalem
mare e galaw lai wa sai Shalai Wa Ai Poi
de shanhte nan sa lawm ma ai rai nna,
dai poi aten hta Yesu galaw dan ai
amu nlang hte hpe mu yu ma ai majaw rai
nga ai.Ref 4:45: Yhn 2:23; 3:2; Trj 16:16.
46 Dai hpang Yesu gaw, shi ntsin hpe sabyi shatai ai shara, Galile mung na Hkana mare
de bai du wa ai. Dai mare e du
langai mi nga ai rai nna shi a kasha gaw
Kaperna-um mare e machyi nga lu ai.Ref 4:46: Yhn 2:1,11.
47 Dai du wa gaw Yuda mung na Galile mung de Madu Yesu du sa wa ai lam na wu yang, shi
hpang de sa nhtawm, machyi nna si wa magang
nga ai shi a kasha hpe Kaperna-um mare de
sa nna shamai ya na hpyi nem wu ai.
48 Yesu gaw, ?Nanhte gaw lamik kumla hte mauhpa amu ni n mu myit yang gaw,
nanhte langai mi mung galoi mung kam na
n rai myit dai,? ngu nna shi hpe tsun wu ai.
49 Dai du wa chyawm gaw, ?Madu e, nye a kasha garai n si yang yu wa ga law,? ngu nna
hpyi wu ai.
50 Yesu gaw, ?Wa nu, na nsha gaw bran salit dai!,? ngu nna shi hpe tsun dat wu ai.
Dai du wa gaw, Yesu tsun ai ga hpe kam let wa mat ai.
51 Shing rai shi wa nga yang, shi a mayam ni sa tau nna, kasha bran sai lam tsun dan mu ai.
52 Shi gaw, gara aten hta shi a kasha machyi bran sai lam shanhte hpe san mu yang, shanhte gaw,
?Mani shana maga hkying langai hta hkum
kahtet ai kawp mat sai,? ngu nna htan mu ai.
53 Dai rai nna, dai ahkying gaw, ?Na nsha bran salit dai,? ngu nna Yesu shi hpe tsun
ai ahkying nan rai nga ai hpe kawa chye
wu ai rai nna, shi hkum nan hte shi a nta
masha ni nlang hte gaw kam sham mat ma ai.
54 Ndai lamik kumla gaw, Yuda mung nna Galile mung de Yesu du wa ai hpang lahkawng
lang ngu na madun ai lamik kumla rai nga ai.