17
1 Dai lam hpe Yesu tsun ngut jang, shi gaw lamu de mada yu nna, ?Wa e, nye a ahkying
du sali ai. Ngai nsha wa gaw na a hpung
shingkang shapraw ya lu n ga, ngai nsha wa a
hpung shingkang hpe mung shapraw ya e law.
2 Hpa majaw nga yang, ngai nsha wa a lata de nang ap ya ai yawng mayawng hpe htani htana
asak jaw n ga, nang gaw nsha wa hpe
masha yawng mayawng a ntsa e up ai ahkang
aya jaw ya nit dai.
3 Htani htana asak ngu ai chyawm gaw, langai sha rai nga ai, teng man ai
Karai Kasang hpe mung, nang shangun
dat ai Yesu Hkristu hpe mung, chye
chyang lu ai hpe ngu ai rai nga
ai.
4 Ga ntsa e ngai gaw na a hpung shingkang shapraw ya ni ai; ngai gun hpai na matu
nang ngai hpe ap ya ai amu hpe gun hpai
ngut se ai.
5 Wa e! Ginding aga garai n lat kaw nna nang hte rau ngai lu nga ai hpung shingkang hpe
ya aten hta na a man e ngai hpe jaw rit
law.
6 Ndai mungkan ga na nang ngai hpe ap ya da ai masha ni hpe ngai chye na shangun sai.
Nang shanhte hpe madu da nga ndai rai
nna shanhte hpe ngai e jaw nit dai,
shing rai shanhte mung na mungga hpe
madat mara hkan shatup masai.
7 Nang ngai hpe jaw majaw yawng hte gaw, nang kaw na rai nga ai hpe ya shanhte
chye masai.
8 Nang ngai e jaw dat ai mungga hpe, ngai shanhte hpe jaw mawe ai rai nna shanhte
mung dai hpe hkap la masai. Nang kaw na
ngai du sa ai gaw teng nga ai hpe shanhte
chye ma ai hte nang ngai hpe shangun
dat ndai hpe mung, kam sham ma ai.
9 ?Shanhte a matu mara ngai hpyi nngai, mungkan masha ni a matu ngai hpyi nngai
n rai; nang ngai hpe jaw ai ni a matu
she hpyi nngai; hpa majaw nga yang,
shanhte gaw nang madu da ai ni rai
nga ma ai.
10 Ngai lu malu gaw, na a rai nga ai; nang lu malu mung nye a rai nga ai rai nna,
nye a hpung shingkang shanhte hta dan
hkung li ai.
11 Ngai gaw nang hpang de wa na rai nna, ndai mungkan ga e nga sana n rai;
rai ti mung ndai ni chyawm gaw mungkan
ga e nga nga na rai ma ai. Chyoi Pra ai
Wa e an gaw langai sha rai nga ai zawn,
ndai ni mung rai nga mu ga; nang ngai hpe
ap ya ai mying nsang a hpung shingkang
n-gun atsam hte shanhte hpe shim hkra
bau sin nga u.
12 Ngai shanhte hte rau nga nga ai hte yang, nang ap ya da ai mying nsang a hpung
shingkang atsam hte shanhte shim nga
hkra bau sin makawp maga mase ai.
Dai Chyum Laika hta rawng ai ga hte
maren dik wa u ga she, kaja wa hten
bya sum hkrum na rai nga ai masha langai mi
hta lai nna kaga kadai langai mi pyi
hten bya sum hkrum ma ai n rai.Ref 17:12: Shk 109:8; Kas 1:20; Heb 2:13; 1Yh 2:19.
13 Ya gaw nang hpang de ngai wa na rai nna, nye a kabu gara ai gaw shanhte a kraw
lawang ni hta hpring tup wa malu ga,
ngu nna mungkan ga e ndai lam ni ngai
tsun da nga nngai.
14 Na a mungga ngai shanhte hpe jaw da mase ai; ngai gaw mungkan ga na n rai
nngai hte maren, ndai ni mung mungkan
ga hte n seng ma ai majaw, mungkan
masha ni shanhte hpe n ju n dawng ma
ai.
15 Ndai ni hpe mungkan ga na htawt la na nang kaw ngai hpyi nngai n rai, shanhte
hpe Satan a lata na lawt hkra makawp maga
na she ngai hpyi
nngai.
16 Ngai gaw mungkan ga na n rai nngai hte maren, ndai ni mung mungkan ga na n rai ma ai.
17 Dai teng man ai lam hta na a matu shanhte hpe shachyoi shapra nna san
da u; na a mungga gaw teng man ai lam
rai nga lit dai.
18 Nang ngai hpe mungkan ga de shangun dat ndai zawn, ngai mung shanhte hpe
mungkan ga de shangun dat mawe ai.
19 Shanhte gaw magam gun na matu tinang hkum hpe kaja wa shachyoi shapra ap
nawng da ai ni byin wa mu ga, ngu nna
ngai shanhte a matu mara nye hkum dai
shachyoi shapra ap nawng tawn da se ai.
20 ?Ndai ni a matu sha ngai hpyi nngai n rai, shanhte hkaw tsun dan ai mungga a majaw
ngai hpe kam sham wa ai ni a matu mung,
ngai hpyi nga nngai.
21 Shanhte nlang hte gaw langai sha tai nga mu ga, ngu nna ngai hpyi nngai. Wa e!
Nang gaw ngai hta nga nga nna ngai mung
nang hta nga nga nngai zawn, dai ni mung
an hta nga nga mu ga, ngu nna ngai hpyi
nga nngai. Ngai hpe nang shangun dat ndai
gaw, mungkan ga na ni kam sham lu mu ga,
shanhte hpe langai sha byin tai shangun u
law.
22 An gaw langai sha rai nga ga ai zawn, shanhte mung langai sha tai wa lu na matu,
ngai gaw nang ngai hpe jaw ya ai hpung
shingkang hpe nan shanhte hpe jaw mase
ai.
23 Nang ngai hpe shangun dat nna, nang ngai hpe tsaw ra nga ai zawn, shanhte hpe mung
tsaw ra nga ai lam, mungkan masha ni chye
lu na matu ngai gaw shanhte hta nga nga
nna, nang mung ngai hta nga nga ai hte
shanhte langai sha tai wa mu ga.
24 Wa e! Ginding aga garai n lat kaw nna nang ngai hpe tsaw ra nga ndai majaw,
ngai e jaw ai nye a hpung shingkang
hpe ngai e ap ya da ai masha ni mu lu
mu ga, ngai nga ai shara hta shanhte hpe mung nga shangun mayu nngai.
25 Ding hpring ai Wa e! Mungkan ga na ni nang hpe n chye ma ti mung, ngai nang
hpe chye nga nngai; nang ngai hpe shangun
dat ndai gaw ndai masha ni chye ma ai.
26 Nang ngai hpe tsaw ra ai tsaw ra n-gaw nwai myit gaw, shanhte hta e mung
rawng nga nna ngai mung shanhte hta
anga nga na matu, na a lam shanhte hpe
shachye shachyang mase ai, matut nna
mung shachye shachyang na mawe ai,?
nga ai.