12
(Mat 26:6-13; Mrk 14:3-9)
1 Dai re ai majaw Yesu gaw, si ai kaw na shi sharawt la ai Lazaru nga ai Behtani
kahtawng de Shalai wa ai Poi du na kru
ya naw ra yang sa du ai.
2 Shaloi shanhte gaw shi hpe shana shat daw jaw mu ai rai nna, Marhta gaw shat
lu sha jau nga ai; Lazaru gaw Yesu hte
rau dung nga nna lu sha ai ni hta lawm
ai wa langai mi rai nga ai.
3 Shaloi Mari gaw grai hpu la ai Mura Nardu sau ajet hkan masum daram la nna,
Yesu a lagaw hta chya nhtawm, shi a
kara hte katsut kau ya wu ai.
4 Dai sau a manam pyaw ai sama gaw nhku ting hpring chyat rai nga ai.
5 Shaloi sape ni hta na langai mi rai nga ai shi hpe ap kau na wa Yuda Iskarut ngu ai wa
gaw, ?Ndai Mura sau hpe lap masum tsa hte
dut nna matsan mayan ni hpe hpa di n garan
jaw a ta?,? ngu wu ai.
6 Shi shing nga nna tsun ai gaw, matsan mayan ni hpe matsan dum ya nna tsun ai n rai,
shi gaw gumhpraw jan jum ai wa rai nga ai
rai nna, bang da ai gumhpraw hta na sen di
sha ai lagut rai nga ai majaw tsun ai sha
rai nga ai.
7 Rai ti mung Yesu gaw, ?Dai numsha hpe dingbai dingna hkum di mu, ngai hpe lajang
lup ai shani a matu shi dai hpe kyem da
u ga.
8 Matsan mayan ni gaw nanhte hte rau tut e anga nga ma ai, ngai chyawm gaw nanhte hte
rau tut e anga nga na n rai,? ngu wu ai.
9 Behtani kahtawng de Yesu sa du nga ai hpe shawa masha ni law law wa na lu ma ai.
Dai rai nna shanhte dai shara de Madu Yesu
a majaw sha n rai, si ai kaw na Yesu bai sharawt
la ai Lazaru hpe mung, mu hkrum mayu ma ai
majaw du sa shajang ma ai.
10 Dai majaw hkinjawng agyi ni gaw Lazaru hpe mung sat kau na nga nna maw mawn nga ma ai.
11 Hpa majaw nga yang, shi a majaw Yuda masha ni law law wa Yesu hpe kam sham nna
hkinjawng agyi ni hpe n hkap la ma ai.
(Mat 21:1-11; Mrk 11:1-11; Luk 19:28-40)
12 Hpang shani e, Shalai wa ai Poi de sa ai shawa masha ni law law wa, Yesu
Yerusalem mare de sa wa ra ai hpe na ma
yang,
13 shanhte gaw namhtan lakung ni daw lang nna shi hpe sa tau la nna, ?Karai Kasang
hpe shakawn mu! Dai Madu a amying hte du
sa ai wa ngu ai Israela a hkawhkam gaw a
nga u ga law!,? nga nna garu ma ai.Ref 12:13: Shk 118:25-26.
14 Shaloi Yesu gaw, Lawze kasha langai mi mu nna jawn wu ai, dai gaw,
15 ?Ziun mare e hkum hkrit et!
Yu u na a hkawhkam gaw,
lawze kasha jawn nna du sa ra ai,? nga nna Chyum Laika hta ka da ai hte
maren rai nga ai.Ref 12:15: Zeh 9:9; Mat 11:7.
16 Dai lam hpe shawng daw hkan e gaw shi a sape ni n chye na ma ai; rai ti mung
Yesu hpung shingkang lu la ai hpang e she,
shi hpe sha-ang nna ka da ai mung, dai hku
raw shanhte shi hpe di mu ai mung, dum
chye ma ai.
17 Lazaru hpe lup kata na shaga shapraw nna, si ai kaw na sharawt la ai shaloi e, shi hte
rau nga ai shawa masha ni gaw, dai byin ai
lam hpe sakse hkam tsun shana ya ma ai.
18 Dai lam a majaw shawa masha ni shi hpe sa tau la ma ai, hpa majaw nga yang, shanhte
gaw shi galaw dan ai lamik kumla ni a lam
na lu masai.
19 Dai re ai majaw Hparishe ni gaw, ?Yu mu, anhte hta awng dang ai lam hpa mung n nga
sai. Kaja wa mungkan ting gaw shi a hpang
hkan mat wa masai,? nga nna shada da tsun
shajang ma ai.
20 Dai poi laman hta nawku na matu Yerusalem mare de lung wa ai ni hta Grik masha nkau mi lawm ma ai.
21 Dai ni gaw Galile mung Betsaida mare na Hpilip kaw sa nna, ?Hkau e,
anhte gaw Yesu hpe mu mayu ga ai,?
ngu nna tsun ma ai.
22 Shaloi Hpilip gaw Andre hpe sa tsun nna, Andre yan Hpilip shan lahkawng gaw Yesu
hpe sa tsun dan ma ai.
23 Yesu gaw, ?Masha Kasha a hpung shingkang dan hkung na ahkying du wa ra ai.
24 Nanhte hpe ngai kaja wa teng teng tsun made ai gaw, mam nhkyep gaw ga hta hkrat
nna, n hten mat yang gaw langai sha arai
nga ai; hten mat yang she asi law law si
wa lu ai.
25 Tinang a asak hpe tsaw ra nna lahpawt dum ai wa gaw asak sum na ra ai; ndai mungkan
ga e, tinang a asak hpe n dawng ai wa
chyawm gaw htani htana asak hpe makawp maga
kyem da ai wa tai na ra ai.
Ref 12:25: Mat 16:25; Mrk 8:35; Luk 9:24.
26 Nye a amu hpe gun hpai mayu ai kadai mung, ngai kaw hkan nang lu na rai nna, ngai nga
ai shara e nye a shangun ma mung nga na
ra ai, nye Wa gaw nye a amu gun hpai ai wa
kadai hpe mung shagrau na ra ai,? ngu
tsun wu ai.
27 ?Ya ngai myit ru nga nngai-ngai kaning ngu tsun na rai ta? Wa e, ndai nni nkri hkrum
na ahkying kaw na hkye hkrang la rit ngu
nna tsun na rai ni?
28 Rai ti mung ngai gaw dai nni nkri hkam na matu she du sa nngai; Wa e, na a mying nsang
hpe sha shagrau u law!,? ngu nna tsun wu ai.
Shaloi sumsing lamu de na nsen langai mi gaw, ?Nye a mying hpe hpung
shingkang shagrau se ai, bai naw shagrau
na we ai,? nga nna ngoi pru ai.
29 Dai yang e tsap hpawng nga ai shawa masha ni dai nsen na ma yang, nkau mi gaw,
mu ngoi nga ai, nga ma ai. Bai nkau
mi gaw, ?Lamu kasa shi hpe ga shaga nga
ai!,? nga ma ai.
30 Yesu gaw, ?Nsen ndai ngoi pru ai gaw, nye a matu n rai, nanhte a matu mara rai nga ai.
31 Ndai mungkan ga gaw, ya jang pyi tara jeyang ai hkrum, nga sai. Ya ndai mungkan up ai
Duwa gaw shinggan de kabai kau ai hkrum na
rai sai.
32 Ngai chyawm gaw ga nna sharawt da ai hkrum jang, ngai masha yawng mayawng hpe ngai
hpang de gang la na mawe ai,?
ngu tsun wu ai.
33 (Ning nga nna tsun ai gaw, shi gara hku si hkam na ra ai lam hpe kumla hku madun
nna tsun ai rai nga ai.)
34 Shing nga ai majaw shawa masha ni gaw, ?Meshia gaw htani htana asak hkrung nga
na ra ai, nga nna she anhte a Tara laika
hta anhte hpe tsun da mi ai. Dai rai yang,
Meshia gaw sharawt da ai hkrum lu na ra ai,
ngu nna nang kaning ngu tsun lu n ta?
Masha Kasha dai gaw kadai wa mi rai ta?,?
ngu nna shi hpe htan mu
ai.Ref 12:34: Shk 89:96; 110:4; Esa 53:8; Dan 2:44; Mik 4:7.
35 Yesu gaw, ?Dai nhtoi gaw nanhte hta loi hkring mi sha nga nga na sai; dai
nsin gaw nanhte hpe garai n ka-up lep myit
ga, nanhte hta nhtoi naw nga nga yang, matut
nna hkawm sa mu, hpa majaw nga yang, nsin hta
hkawm sa ai wa gaw, tinang gade sa wa nga ai
mung, n chye wu ai.
36 Nanhte hta nhtoi naw nga nga yang, nhtoi hpe kam sham nga mu, shaloi
she nanhte gaw, nhtoi a kashu kasha ni tai
lu na myit dai,? ngu nna tsun mu ai.
Dai lam Yesu tsun ngut jang, shi pru mat wa nna shi hkum hpe shanhte kaw na makoi mat wa wu ai.
37 Shanhte a man e lamik kumla ndai hte wa shi madun dan mu ti mung, shanhte shi hpe
n kam n sham ma ai.
38 Ning rai byin ai gaw,
?Madu e, anhte tsun ai ga hpe kadai kam ya a ta?
Kadai wa kaw dai Madu a n-gun atsam shadan dan a ta?,?
nga nna myihtoi Esaia tsun ai ga dik u ga,
she byin wa sai.Ref 12:38: Esa 53:1; Rom 10:16.
39 Bai Esaia tsun ai hta, ?Shanhte a myi hte n mu lu mu ga, shanhte a myit masin hte n chye
na mu ga, shanhte a ana ahkya mai tsai
lu na matu, ngai hpang de n kayin wa mu ga nga
40 Karai Kasang gaw, shanhte a myi hpe magap kau ya nna,
myit masin ni hpe mung shaja kau ya wu ai,
nga ai ga hte maren shanhte n kam n sham lu ma ai.Ref 12:40: Esa 6:9-10; Mat 13:14.
41 Esaia gaw Yesu a hpung shingkang hpe mu lu ai rai nna, shi a lam shing nga tsun
ai rai nga ai.
42 Rai ti mung Yuda du agyi salang ni law law wa Yesu hpe kam sham shajang ma ai;
dai re ai she Hparishe ni a majaw, tara jawng
na shapraw kau na hpe hkrit tsang nna tinang
kam sham ai hpe dan leng ai hku n yin la
hkraw ma ai.
43 Hpa majaw nga yang, shanhte gaw Karai Kasang e masat masa galaw ai arawng sadang lu na hta masha e masat masa galaw ai arawng sadang lu na hpe grau ra ma ai.
44 Yesu gaw, ?Ngai hpe kam sham ai wa gaw, ngai hpe sha kam sham ai n rai, ngai hpe
shangun dat ai wa hpe mung kam sham nga
ai,? nga nna nsen kaba hte tsun mu ai.
45 ?Ngai hpe mada mu ai wa gaw, ngai e shangun dat ai wa hpe mung mada mu ai rai nga ai.
46 Ngai hpe kam sham ai masha shagu gaw nsin hta n rawng nga u ga ngu nna nhtoi tai let,
ngai mungkan ga de du sa ring ngai.
47 Nye a mungga na la nhtawm dai hpe n hkan nang ai wa kadai hpe mung, ngai jeyang na
n rai; hpa majaw nga yang, mungkan ga hpe
jeyang na matu ngai du sa nngai n rai, dai
hpe hkye la na matu she sa nngai.
48 Ngai hpe n hkap la ai hte nye a ga n hta la ai wa hpe jeyang na wa kaga mi nga ai;
ngai tsun ai mungga e nan hpang jahtum na
nhtoi hta dai wa hpe jeyang na ru ai.
49 Ndai lam teng man nga ai; hpa majaw nga yang, ngai gaw ngai nan nye a ahkang aya hte tsun nngai n rai; ngai hpa baw tsun na kaning
ngu sharin shaga na gaw, ngai hpe shangun
dat ai nye Wa e hkang dat ni ai.
50 Shi a hkang da ai ga gaw htani htana asak jaw lu ai hpe ngai chye nngai, dai re ai
majaw ngai tsun matsun gaw, nye Wa a hkang
dat ai hte maren she, ngai tsun nngai law,?
ngu nna jahtau tsun wu ai.