10
1 Yesu gaw, ?Ngai nanhte hpe teng teng tsun made ai gaw, sagu lawng de chyinghka
lam hku n shang ai, kaga lam hku
shingtawt shang ai wa gaw, lagut damya
rai nga ai.
2 Chyinghka lam hku shang ai wa chyawm gaw, sagu ni hpe rem ai wa rai nga ai.
3 Chyinghka sin ai wa mung, dai wa hpe gaw hpaw ya nga ai, sagu ni mung shi a nsen
madat ma ai rai nna, shi gaw tinang a sagu
ni hpe mying hte shaga nna shinggan de woi
shapraw praw di wu ai.
4 Sagu ni hpe shapraw nhtawm sagu ni a shawng e sa wa ai rai nna, sagu ni mung shi a
nsen hpe chye chyap ma ai majaw shi kaw
hkan nang ma ai.
5 Tsasam wa a hpang kaw shanhte hkan nang ma ai n rai. Tsasam wa a nsen hpe n chye
n chyap ma ai rai nna, shi kaw na she
hprawng mat wa ma ai,?
ngu nna shanhte hpe tsun mu ai.
6 Yesu gaw ndai ga shadawn shanhte hpe tsun mu ai; rai ti mung shanhte gaw dai ga shadawn
a sung ai lachyum hpe n chye na ma ai.
7 Dai re ai majaw Yesu shanhte hpe bai tsun mu ai gaw, ?Ngai nanhte hpe kaja wa teng
teng tsun made ga, ngai gaw sagu ni shang
ai chyinghka hku rai nga nngai.
8 Nye a shawng e du sa ai ni nlang hte gaw, lagut damya ni rai nga ma ai; sagu ni mung
shanhte a ga hpe n madat ya ma ai.
9 Ngai gaw chyinghka hku rai nga nngai; ngai hta shang ai wa gaw, hkye hkrang
la ai hkrum na wu ai rai nna, shang wa
pru wa rai lu ai hte, wudat shara mu
na wu ai.
10 Lagut gaw, lagu na, sat na, hpya sha na, nga nna she sa ai. Ngai chyawm gaw,
sagu ni asak hkrung lu na hte dai asak
hpe nhpaw n-ya lu la mu ga ngu nna sa ring ngai.
11 Ngai gaw sagu rem wa kaja rai nngai. Sagu rem wa kaja gaw sagu ni a matu tinang
a asak nawng kau ya lu ai.
12 Nchyang sha re ai wa gaw, sagu rem mung n rai, sagu madu mung n re ai majaw,
chyahkyawn ni sa wa ai mu jang, sagu ni
hpe kau da nna hprawng mat wa nga ai,
chyahkyawn mung sagu ni hpe hpya sha nna
shabra kau nga ai.
13 Dai nchyang wa gaw, nchyang sha rai nga ai majaw, sagu ni a matu n tsang ai, hprawng mat wa ai.
14 Ngai gaw sagu rem wa kaja rai nngai; nye Wa gaw ngai hpe chye ai rai nna ngai mung Wa
hpe chye nngai zawn,Ref 10:14: 2Tm 2:19.
15 nye a sagu ni hpe ngai chye nngai, nye a sagu ni mung ngai hpe chye ma ai; sagu ni a matu mung, nye a asak ngai nawng ya kau nngai.Ref 10:15: Yhn 15:13; Mat 11:27.
16 Ndai wulawng hte n seng ai kaga sagu ni mung ngai naw lu nngai, dai sagu ni hpe
mung ngai naw woi jashawn la lu na rai nna
dai ni mung nye a nsen madat na mara ai.
Shaloi sagu hpung langai sha, sagu rem wa
langai sha, rai na ra ai.
17 Ngai gaw asak hpe bai lu la n-ga, ngu nna nye a asak hpe nawng ya kau nngai majaw, nye
Wa ngai hpe tsaw ra nngai.
18 Gade e mung nye a asak hpe nawng kau shangun ai n rai. Nye a myit hte ngai nawng ya kau nngai. Nawng ya kau na ahkang hte bai la na
ahkang ngai lu nngai. Shing rai galaw na matu
nye Wa gaw ngai hpe hkang da ni ai,? ngu mu
ai.
19 Dai ga ni a majaw, Yuda masha ni hta myit n hkrum nna hka bra na lam bai pru wa malu
ai.
20 Shanhte hta na law law wa, ?Shi nat shang nna mana nga ai! Shi a ga hpe nanhte hpa rai
madat myit ta?,? nga ma ai.
21 Rai ti mung nkau mi gaw, nat shung ai masha langai mi ndai zawn nga nna n tsun shaga lu
ai! nat gaw myi n mu ai masha hpe
gara hku myi hpaw ya lu a ni?,? nga ma
ai.
22 Ya nshung ta rai nna, Yerusalem mare e Nawku Htingnu ap nawng poi galaw nga ma ai.
23 Yesu gaw Nawku Htingnu na Shawlumon a npan pinra e htinglet hkawm nga ai.
24 Dai shaloi Yuda masha ni gaw shi kaw sa shinggrup nna, Nang galoi du hkra anhte
hpe kam shut shangun nga na n ta? ?Nang
kaja wa Meshia rai n yang gaw, anhte hpe
teng ai lam leng leng tsun dan mi,?
ngu ma ai.
25 Yesu gaw, ?Ngai tsun ni ai nanhte mahtang n kam myit dai. Nye Wa a ahkang hte ngai
galaw ai amu ni gaw, nye a lam sakse hkam
ya nga ai.
26 Rai ti mung nanhte gaw nye a sagu ni n rai myit dai majaw n kam myit dai.
27 Nye a sagu ni gaw, nye a nsen madat ma ai rai nna, ngai shanhte hpe chye nngai,
shanhte mung nye a hpang hkan nang ma ai.
28 Ngai shanhte hpe n htum n wai asak jaw mawe ai rai nna, shanhte galoi mung si ai hkrum
na ma ai n rai; nye a lata na shanhte hpe kadai
e mung kashun gare kau lu na n rai.
29 Shanhte hpe nye a lata hta ap ya ai nye Wa gaw, yawng hta grau kaba nga ai rai
nna, kadai mung Wa a lata na shanhte
hpe kashun la lu na n rai.
30 Ngai hte nye Wa gaw langai sha rai nga ai,? ngu tsun wu ai.
31 Shaloi Yuda masha ni gaw, shi hpe kabai na nga nna nlung bai hta ma ai.
32 Yesu gaw, ?Ngai galaw na matu nye Wa ngai e ap ya da ai kaja ai amu law law
nanhte a man e ngai galaw dan ni ai; dai
amu ni hta na gara mahtang a majaw ngai
hpe nlung hte kabai mayu myit ta?,?
ngu nna san mu ai.
33 Shanhte gaw, ?Kaja ai amu lama ma nang galaw ai a majaw, anhte nang hpe nlung
hte kabai mayu ga ai n rai, rai ti mung
nang gaw, Karai Kasang a mying nsang hpe
n-gawn n sawn shatan nhkan ga tsun ndai
hte, shinggyim masha sha rai da nhtawm
me, na a hkum hpe nang Karai hpyi hpun
ndai majaw kabai na ga ai,?
ngu nna htan mu ai.Ref 10:33: Yhn 5:18.
34 Shaloi Yesu gaw, ?Nanhte a Tara laika hta Nanhte karai daw ni rai nga myit dai,?
nga nna Karai Kasang tsun ai hpe ka da
nga ai.Ref 10:34: Shk 82:6.
35 Karai Kasang gaw shi a mungga jaw da hkrum sai ni hpe ?karai daw ni,? ngu
nna shamying mu ai rai nna, Chyum Laika
hta tsun ai ga ni gaw galoi mung teng man
nga ai hpe anhte chye ga ai.
36 Ngai chyawm gaw, nye Wa ngai hpe lata la nna ndai mungkan de shangun dat ni ai.
Dai rai yang, Ngai gaw Karai Kasang a
Kasha rai nngai,? nga nna tsun ai shaloi,
ngai gaw Karai Kasang hpe shatan nhkan ai
wa re, ngu nna nanhte gara hku tsun lu
myit ta?
37 Ngai hpe nye Wa galaw shangun mayu ai amu ni hpe ngai n galaw nga nngai rai
yang gaw ngai hpe hkum kam myit.
38 Ngai galaw nngai rai yang gaw, nanhte ngai hpe n kam hkra rai ti mung, ngai hta nye
Wa nga nga ai mung, nye Wa hta ngai nga nga
ai mung, nanhte kalang ta mu nna
chye lu myit ga, n law htum dai ngai galaw
ai amu ni hpe nanhte kam sham ang myit dai,?
ngu nna shanhte hpe htan mu ai.
39 Shaloi shanhte gaw shi hpe rim la na kalang mi bai tam shakut ma ai. Shi chyawm gaw
shanhte a lata na koi yen pru mat wa ai.
40 Yesu gaw Yawdan hka wora hkran na shawng de Yawhan hkalup jaw ai shara de bai rap
sa wa nna, dai yang e, sa nga nga ai.Ref 10:40: Yhn 1:28.
41 Masha law law wa shi kaw sa du nna, ?Yawhan gaw hpa mauhpa lamik kumla mung n galaw dan ai, rai ti mung ndai wa a lam Yawhan tsun matsun chyawm gaw teng man nga ai,? nga ma ai.
42 Dai rai nna, dai yang e, mung masha ni law law wa shi hpe kam sham ma ai.