5
1 Lu su ai ni e, ya e ngai tsun ai hpe madat yu mu! Nanhte gaw du magang ra ai nni nkri
nji nmu lam a majaw hkrap ngu hkrap ngoi
rai nga mu!
2 Nanhte a ngamu ngamai ai sut gan ni gaw yat tsam mat nna nanhte a hpun nba hpe
manut ni e sha kau manu ai.Ref 5:2: Yak 2:2; Mat 6:20.
3 Nanhte a ja hte gumhpraw ni hta nhkan jung mat nga ai rai nna dai nhkan gaw
nanhte nhtan shai ai maga na sakse tai
na ra ai rai nna nanhte a hkum shan
hpe wan zawn sha kau na ru ai. Nanhte
gaw ndai hpang jahtum na nhtoi ni hta
e sut gan mahkawng sumpum da manu ai.
4 Nanhte gaw nanhte a yi sun hkauna ni hta amu bungli galaw ai masha ni hpe
hpa shabrai mung n jaw myit dai.
Shanhte aput angun ai nsen ni hpe madat
yu mu! Nanhte a nsi naisi ni hpe dan
shinggyin ya ai ni a marawn jahtau ai
nsen gaw daru magam rawng ai Madu Karai
Kasang a na hta hkrang shang wa sai.
Ref 5:4: Trj 24:15; Yer 22:13; Mal 3:5.
5 Ndai ga ntsa e nanhte a asak hkrung lam gaw hkum hkrang myit masin hpe shangwi
shapyaw ya ai arung arai kaja ni hte
pyaw daw lam hkrai hpring chyat rai nga
malit dai. Nanhte gaw sat kau hkrum na
nhtoi a matu nanhte a hkum ni hpe hpum
sau hkra kawn da nga myit dai.
6 Nanhte gaw mara n kap ai masha ni hpe daw dan nna sat kau manu ai; shanhte
gaw nanhte hpe ninghkap nga ai n rai.
7 Dai re ai majaw hpu nau ni e, dai Madu du sa ai du hkra hkam sharang nga mu.
Yi sun hkauna galaw sha ai wa langai
mi gaw shi a lamu ga kaw na hpu ging
ai nsi naisi ni shapraw ya na ra ai
hpe gara hku ala nga ai hpe yu yu mu!
Shi gaw myit galu ai hte marang nhpaw
hte marang shadoi htu ai ten du hkra
ala nga ai.
8 Nanhte mung dai zawn myit galu let hkam sharang nga mu. Nanhte a myit mada ai
lam hpe shangang shakang mu; hpa majaw
nga yang Madu bai du sa na nhtoi gaw
ni wa magang ra ai.
9 Nye a hpu nau ni e nanhte Karai Kasang e daw dan ai n hkrum myit ga, nanhte shada
da mara shagun aput angun hkum galaw myit,
Tara agyi wa gaw du magang ra ai rai nna
dan pru na jin jin rai nga sai.
10 Nye a hpu nau ni e, Madu a mying ningsang hte htawn tsun ai myihtoi ni a lam hpe
myit dum sum ru yu mu; nni nkri hkrum
ai shaloi myit galu ai hte hkam sharang
ai hpe kasi ningli la mu.
11 Shanhte gaw hkam sharang lu ai ni rai ma ai majaw anhte gaw shanhte hpe a lu
ai ni ngu gaw ai. Yoba a myit galu ai
lam hpe nanhte na yu manit dai. Hpang
jahtum Madu gaw shi hpe gara hku karum
madi shadaw jaw ya sai lam nanhte chye
nga myit dai. Hpa majaw nga yang dai
Madu gaw tsaw ra matsan dum nna n gaw
n wai myit hte hpring tsup ai wa rai
nga ai.Ref 5:11: Yob 1:21-22; 2:10;
Mat 5:10-11.
12 Dai hta n ga nye a hpu nau ni e, nanhte ga sadi tawn ai shaloi dagam dala ga
hkum lang myit. Sumsing lamu shing n
rai ginding aga shing n rai hpa hpe
rai ti mung gang nna hkum dagam myit.
Nanhte tsun ai ga gaw ?Re ai,? rai
yang re ai; ?N re ai,? rai yang n re
ai ngu nna sha tsun mu, shaloi nanhte
gaw Karai Kasang a daw dan ai kaw na
lawt lu na myit dai.Ref 5:12: Mat 5:34-37.
13 Nanhte hta na langai ngai ruyak jam jau hkrum nga myit ni? Shi akyu hpyi nga u
ga. Langai ngai myit pyaw nga a ni?
Shi mahkawn shakawn nga u ga.
14 Nanhte hta na langai ngai machyi makaw hkrum nga myit ni? Shi gaw hpung salang
ni hpe shaga la nhtawm, shanhte gaw dai
Madu a mying ningsang hte dai wa hpe
tsanlun sau chya ya nna shi a matu akyu
hpyi ya mu ga.Ref 5:14: Mrk 6:13; 16:18.
15 Kam sham ai myit hte akyu hpyi ai ga gaw dai machyi ai wa hpe shamai shatsai lu
nna dai Madu gaw shi hpe bai hkam kaja
wa shangun na ru ai hte shi galaw hkrup
kau ai yubak mara ni hpe mung raw dat
kau ya na ra ai.
16 Nanhte shamai shatsai ai hkrum myit ga, nanhte a yubak mara ni hpe shada da
shapraw dan nna, shada da a matu mara
akyu hpyi ya nga mu. Ding hpring ai wa
a akyu hpyi ai ga gaw shabyin lu ai
atsam law law rawng nga ai.
17 Elia gaw anhte hte maren shinggyim masha hpan langai mi sha rai nga ai. Marang
n htu u ga, shi aja awa akyu hpyi dat
wu yang masum ning e shata kru tup ga
ntsa e marang n htu ai nga mat ai.Ref 5:17: 1Hk 17:1; Luk 4:25; Kas 14:15.
18 Bai kalang mi shi akyu hpyi dat wu yang sumsing lamu hpaw wa let de a
marang htu jahkrat dat ya nna ginding
aga gaw nsi naisi ni hpe shapraw ya
wu ai.Ref 5:18: 1Hk 18:12,45.
19 Nye a hpu nau ni e, nanhte hta na marai langai ngai dai teng man ai lam kaw na
dam mat wa ai wa hpe marai langai ngai
bai woi nhtang wa ai ngu ga.
20 Kadai rai ti mung yubak lu ai wa langai mi hpe shi a shut hpyit ai hta na shabai
dat ai wa gaw yubak lu ai wa a wenyi hpe
si ai kaw na hkye hkrang la nna shi hpe
yubak mara ni law law kaw na raw dat
hkrum na matu galaw ya ai wa rai nga ai
hpe dum chye nga mu law.Ref 5:20: Rom 11:14; 1Ko 9:22; 1Tm 4:16; 1Pe 4:8.