7
Lani mi na aten hta Gidon hte shi a masha ni yawng manap jau jau rawt nna Harod hka hpawk makau e dap jung da ma ai. Midian ni a dap mahtang shanhte a dingdung maga More kawng kadit e rai nga ai.
Dai Madu gaw Gidon hpe, ?Nang hta nga ai masha ni gaw nye a matu nau wa law nga ai majaw Midian masha ni hpe shanhte a lata hta n ap ya lu na nngai; shanhte a majaw sha dang kau lu ga ai nga, myit nawn la nna nye a arawng sadang hpe jahpoi ya na rai ma ai. Dai rai nna amyu masha ni hpe, ?Hkrit ai ni kadai mung nta de nhtang mat wa mu; anhte chyawm gaw ndai yang na Gilead bum e nga nga na ga ai, ?? ngu nna tsun ndau u, ngu wu ai. Dai shaloi, mun lahkawng hkying lahkawng nhtang mat wa tim, mun mi naw ngam nga ai. Ref 7:3: Trj 20:8.
Dai hpang dai Madu gaw Gidon hpe, ?Nang hta masha nau nan naw law nga lit dai. Shanhte hpe hka de woi yu wa nhtawm dai yang e na a matu shanhte hpe ngai garan jahka ya na de ai. Ndai masha wa nang hte rau hkan mai ai ngu nna nang hpe tsun jang, shi hkan lu na rai nga ai; ndai wa nang hte rau n hkan mai nga ai ngu nna nang hpe tsun jang shi hkan lu na wu ai n rai,? ngu nna tsun wu ai. Gidon gaw dai masha ni hpe hka de woi sa wa nna, dai Madu shi hpe, ?Gwi ni ntsin mata lu ai zawn shinglet hte mata lu ai masha nlang hpe hpung mi, hput di nna dagup lu ai masha nlang hpung mi di nna garan tawn u,? ngu nna tsun wu ai. Shanhte a lata hte shagawt la nna mata lu ai masha masum tsa rai nna, kaga ni yawng gaw hput di nna dagup lu ai ni hkrai rai ma ai. Dai Madu gaw Gidon hpe, ?Ngai nang hpe hkye la na rai nna mata let ntsin lu ai masha masum tsa hte rau Midian masha ni hpe gasat dang kau lu ai awng padang nang hpe jaw na de ai. Kaga ngam ai ni chyawm gaw dum nta de wa lu na rai ma ai,? ngu nna tsun wu ai. Dai rai nna Gidon gaw lusha hte pahtau la lang ai masha masum tsa hta kaga, ngam ai Israela masha ni yawng hpe nta de wa kau shangun wu ai. Midian a dap chyawm gaw shanhte a lawu na kadit hta rai nga ai.
Dai shana jang, dai Madu gaw Gidon hpe, ?Rawt u, hpyen ni a dap hpe htim gasat manu; ngai nang hpe awng padang jaw na nngai. 10 Rai ti mung nang gaw htim gasat na hkrit ai rai yang, na a shangun ma Pura hte shanhte a dap de naw yu wa su. 11 Shanhte kaning nga tsun ai hpe nang na ai shaloi htim gasat na n-gun, nden marai nang lu la na rin dai,? ngu nna hkang da wu ai. Dai rai nna Gidon hte shi a shangun ma Pura yan gaw gumlau hpyen ni a dap makau de kahtep sa wa ma ai. 12 Midian masha ni, Amalek masha ni hte nam mali hkan nga ai amyu bawsang ni gaw dinggam-yaw uhpung mi zawn kadit hta e apa pat but nga ma ai. Shanhte a gawla-uk ni mung panglai hkin-gau na zaibru ni zawn n dang hti hkra law nga malu ai.
13 Gidon shi du ai shaloi, masha langai mi gaw manang wa hpe yup mang hkai dan nga ai hpe sa na wu ai. Dai wa gaw, ?Muk-yaw muk pa mi anhte a dap de taleng yu wa nhtawm sum langai hpe sa hkra nna sum dai hpe gamyet agrawp shapa kau ai yup mang mu nngai,? ngu nna htan wu ai.
14 Shi a manang wa chyawm gaw, ?Dai gaw Israela masha Yoasha a kasha Gidon a nhtu rai nga ai! Dai hta lachyum kaga hpa mung n rawng nga ai! Karai Kasang gaw Midian masha ni hte hpyen laba ni hpe dang kau na awng padang shi hpe jaw nu hka!,? ngu nna htan wu ai.
15 Dai masha wa htai ai yup mang hte de a lachyum hpe Gidon na ai shaloi, dai Madu hpe hput di let nawku wu ai. Dai hpang shi gaw Israela dap de nhtang wa nhtawm, ?Rawt manu! Dai Madu Midian hpyen laba ni hpe dang kau na awng padang nanhte hpe jaw ya nga sai!,? ngu nna tsun wu ai. 16 Shi gaw shi a masha masum tsa hpe karan nna, masha hkum shagu hte hpe pahtau hte wan shanan rawng ai di bu langai hpra jaw dat wu ai. 17 Shi shanhte hpe, ?Dap makau de ngai du jang, nanhte ngai hpe azi yu nhtawm, ngai galaw ai zawn hkan galaw na rai myit dai. 18 Ngai hta lawm nang ai ni hte ngai pahtau dum gawut dat jang, dap grup yin yawng hta nanhte mung dum dat nna, ?Dai Madu hte Gidon a matu law!,? ngu nna marawn jahtau na rai myit dai, ngu wu ai.
19 Gidon hte shi a masha latsa hte gaw yuptung hpawa garai n du, sin langa galai ai hpang kade n na ai aten hta dap makau de shanang sa wa ma ai. Dai hpang, shanhte pahtau dum nna shanhte lang ai di bu ni hpe kayat ga ma ai; 20 kaga hpung lahkawng ni mung dai hte maren hkan galaw ma ai. Dai rai nna shanhte yawng a pai lata maga de wan shanan jum, hkra lata maga de pahtau lang nna, ?Dai Madu hte Gidon a matu nhtu law!,? ngu nna jahtau tsun ma ai. 21 Masha shagu hte gaw dai dap grup yin de tinang nang a shara ni hta tsap nga ma ai rai nna dap ting na gumlau hpyen ni marawn jahtau let hprawng mat wa ma ai. 22 Gidon a masha ni pahtau dum dat ma ai shaloi, dai Madu gaw dai dap na hpyen laba nlang hte hpe shada da a lapran nhtu hte kahtam si shangun wu ai majaw Zarehtan shara na Bet Shita mare hte Tabat makau na Abela Mehola de du hkra hprawng htaw mat wa ma ai.
23 Shaloi Naphtali, Ashe hte lahkawng maga de na Manashe amyu bawsang hta na masha ni pru sa wa nhtawm Midian masha ni hpe shachyut jahtaw kau ma ai. 24 Gidon mung Ehprim Bum ga ting de kasa ni hpe shangun dat nhtawm, ?Midian masha ni hpe hka n lu rap lu hkra hkap shadang na matu, Yawdan hka hte Betbara hka shi lwi nga ai shara du hkra hkap magang nna shanhte hpe yu gasat mu,? ngu nna htet shana dat wu ai. Ehprim a masha ni gaw shaga jahpawng la ai hkrum nhtawm Yawdan hka hte Betbara hka shi ni nga ai shara du hkra sin hkap nga ma ai. 25 Shanhte gaw Oreb hte Zeeb ngu ai Midian du lahkawng hpe rim la lu ma ai rai nna Oreb hpe Oreb lunghtawn ntsa e, Zeeb hpe Zeeb sabyi htumbyen hta sat kau ma ai. Shanhte gaw matut nna Midian masha ni hpe shachyut mat wa let, Oreb hte Zeeb a baw hpe Yawdan hka a sinpraw maga e nga ai Gidon hpang de la wa ma ai.