35
1-2 Yoba e, nang gaw Karai Kasang a man e mara n kap nga ndai nga nna
na a matu tsun ai ga gaw jaw ai n rai nga ai.
3 Shing n rai, ?Nye a yubak gaw nang hpe gara hku akyu jaw a ta?
Yubak n galaw ai majaw ngai hpa baw akyu hkam la nga a ni?,? nga nna Karai Kasang hpe san ai gaw n jaw nga ai.
4 Ngai gaw nang hte na a manang ni hpe mung htan na nngai.
5 Sumsing lamu de mada yu mu! Sumwi ni kade sha tsaw ai shara hta nga nga ai hpe yu yu mu!
6 Nang yubak galaw ai rai yang, Karai Kasang hpe machyi hkra lu ai n rai;
aten shagu, nang shut hpyit amu galaw ai rai yang, dai gaw shi hpe hpa akyu shapraw ya a ta?
7 Grai ding man ai hku nga let, Karai Kasang hpe nang karum lu nga n ni?
Karai Kasang gaw nang kaw na hpa mung ra nga ai n rai.
8 Kaga masha ni gaw nang galaw ai yubak mara a majaw nni nkri hkrum sha nga ma ai,
nang galaw ai mai kaja ai amu gaw shanhte hpe karum ya nga ai.
9 Amyu masha ni dip gamyet sha hkrum nga ai shaloi, shanhte yawn madai ma ai;
shanhte gaw shanhte hpe hkye la na matu marai langai ngai hpe jahtau nga ma ai.
10 Rai ti mung, shanhte gaw shanhte a Hpang Wa Ningsang,
nsin sin htum ai aten hta shanhte hpe myit mada shara jaw ya ai Karai Kasang hpang de kayin wa ma ai n rai.
11 Shanhte gaw kaga dusat yam nga hte ntsa malen u hta grau hpaji rawng hkra,
anhte hpe hpaji rawng shangun ai Karai Kasang hpang de kayin wa ma ai n rai.
12 Shanhte gaw karum la na matu hpyi jahtau ma ai, rai ti mung Karai Kasang htan ya ai n rai,
hpa majaw nga yang, shanhte gaw gumrawng gumtawng ai hte n hkru nga ma ai.
13 Jahtau marawn ti mung, dai gaw shanhte a matu kaman lila rai nga ai;
Chyahtum Chyalai N-gun Rawng Ai Karai Kasang gaw shanhte hpe n mu, shanhte a nsen hpe n na rai nga ai.
14 Yoba e, nang gaw Karai Kasang hpe n mu lu nngai nga nna tsun ti mung,
hkam sharang ai hte ala nga ndai-na a amu gaw shi a man e rai nga ai.
15 Nang gaw Karai Kasang ari n jaw ai,
shi gaw yubak jaw na matu kachyi mi sha myit lawm ai, ngu nna myit nawn nga ndai.
16 Ga sha atsun nga ai gaw na a matu kaman lila rai nga ai;
nang tsun ai ga hpe nang n chye na nga ndai gaw asan sha rai nga ai.