25
Bildad
1-2 Karai Kasang gaw daru magam n-gun rawng nga ai; yawng mayawng hte gaw shi hpe hkrit ra nga ai;
shi gaw sumsing lamu mungdan hta ngwi pyaw sim sa ai lam tawn da nu ai.
3 Shi hpe daw jau ai lamu kasa ni hpe kadai wa hti lu a ta?
Karai Kasang a nhtoi n htoi ai shana nga nga a ni?
4 Kadai wa ding man lu a ta? Karai Kasang a man e kadai wa san seng lu na rai ta?
5 Shi a man e shata pyi htoi kabrim ai n rai;
shagan ni mung san pra ai n rai.
6 Dai rai yang, masha gaw hpa wa rai ta? Byet, shingtai ni rai nga a ni?
Karai Kasang a man e masha gaw hpa manu dan nga a ni?