14
Anhte yawng gaw n-gun kya ai hte shangai wa nna matsan mayan hkrum ai ni hkrai rai nga ga ai.
Yawng gaw aprat kadun nna ruyak tsin-yam tsindam hte hpring ai asak hkrun lam hkrai rai nga ai.
Anhte kaba wa nna nampan ni zawn alawan nyip mat ga ai;
shingnip shingna zawn anhte hkoi mat ga ai.
Karai Kasang e, nang ngai hpe mada yu nna,
ngai hpe tara jashawn let jeyang na ngu wu ni?
Shinggyim masha ni zawn n san n seng ai arai
hpa kaw na mung san seng ai arai shapraw ya lu ai n rai.
Anhte a asak sumri sumdam hpe jau jau daw dan da ya nga sai-
anhte gaw shata law law nga lu na ra ai.
Nang gaw dai aten ladaw ni hpe masat da ya nga ndai majaw dai gaw galai shai mat wa lu ai n rai.
Anhte hpe myi man kayin kau nna anhte hpe chyu tawn kau da u;
anhte amu galaw shaja ai nhtoi htum ai du hkra, anhte a hki ba ai asak hkrun lam hpe kabu gara shangun mi.
 
Kran kadang kau sai hpun hta myit mada shara naw nga nga ai;
dai hta asak bai rawng wa nna nnaw prut lung wa nga ai.
De a aru ni dingsa mat wa nna,
hpundu ni ga kata hta hkraw rawng nga tim pyi,
hka jaw ai hte dai gaw abawng zawn maku bai prut wa na ra ai.
10 Rai ti mung anhte gaw si mat ai hte dai gaw anhte a hpang jahtum na lam rai nga ai;
anhte si mat ga ai, anhte kanang e rai nga ga ai kun?
 
11 Hka nu ni n lwi mat ai hte
nawng ni hkun hkraw mat ai zawn,
12 masha gaw si mat ai, galoi mung rawt wa na n rai.
Sumsing lamu agrin nga dingsa shanhte galoi mung hprang wa na mara ai n rai;
shanhte gaw yup pyaw nga ai kaw nna galoi mung shamu shamawt lu na mara ai n rai.
 
13 Nang ngai hpe katsan ga e makoi da na hpe ngai ra sharawng nngai;
na a masin kawp ai aten du hkra ngai makoi nga n-ga,
dai hpang ngai hpe dum nga na matu aten langai masat da ya e law.
14 Masha gaw si wa yang, shi bai hkrung wa lu a ni?
Rai ti mung, ru yak tsin-yam tsindam hkrum ai ndai aten htum mat ai aten du hkra ala nga let
grau mai kaja ai aten ladaw ni hpe la nga na nngai.
15 Dai hpang, nang shaga yang, ngai htan ya na nngai,
nang gaw na a hkrung kanu rai nga ai ngai hpe awng sharawng wa na ndai.
16 Dai hpang, nang gaw nye a shamu shamawt ai lahkam shagu hpe azi yu na rai ndai,
rai ti mung nye a yubak mara ni hpe nang matsing da ya na n rai nga ndai.
17 Dai ni hpe nang mara dat ya nna dai ni hpe yeng seng ya na ndai;
ngai galaw shut kau sai lam yawng mayawng hpe mung nang katsut kau ya na rai ndai.
 
18 Bum ni daw ru mat ai hte ngang ai n-gam ni gyi ru mat ai shaloi,
aten ladaw langai du chye nga ai.
19 Hka gaw lungrawk ni hpe agre hkalawk mat wa nga ai;
Marang kaba htu ai gaw ga namhpun ni hpe kashin shayawng kau nga ai;
dai zawn asak a matu anhte a myit mada shara hpe nang shamyit kau nga ndai.
20 Nang gaw anhte hpe padang dip da lu nna anhte hpe htani htana dat kau nga ndai;
anhte a myi man ni hpe galai kau nna si hkrung si htan de yawng shangun nga ai.
21 Anhte a kashu kasha ni shagrau sha-a hkrum nga ma ai, rai ti mung de a lam anhte galoi mung n chye ga ai,
shanhte kaya hkrum nga ma ai shaloi, anhte tsun hkrum nga ga ai n rai.
22 Anhte gaw anhte a hkum shan a nchyi nmu hte
anhte a myit masin a yawn hkyen lam hpe chyu sha, hkam sha nga ga ai.