7
1 Uzia a kashu, Yohtam a kasha Hkawhkam Ahaza Yuda mung hpe up hkang nga ai shaloi, majan byin wa sai. Suri hkawhkam Rezin hte Remalia a kasha Israela Hkawhkam Peka yan gaw Yerusalem hpe gasat ma ai, rai ti mung dai mare hpe n lu gasat la ma ai. Ref 7:1: 2Hk 16:5; 2Hl 28:5-6.
2 Suri hpyen luksuk ni gaw Israela a lamu ga hta nga nga masai shiga Yuda hkawhkam kaw du ai shaloi, shi hte shi a amyu masha ni yawng grai hkrit kajawng nga ma ai, shanhte gaw nbung ahpawt hkrum nna ashun nga ai hpun ni zawn hkrit gari nga ma ai.
3 Dai Madu gaw Esaia hpe, ?Na a nsha Sheara Yashub hpe woi nna Hkawhkam Ahaza hpe sa hkrum mu. Nang gaw shi hpe lahta hka lawng kaw nna shalen yu wa ai hka hkawng a jahtum shara hta bu hpun nba da ai ni nga ai shara a lam ntsa e, hkrum na rin dai.
4 Sadi maja na matu mung, myit asim sha nga na matu mung, hkrit kajawng ai hte sharu shatsang hpa n hkrum hkra ra na matu mung shi hpe tsun dan u. Hkawhkam Rezin hte shi a Suri masha ni hte Hkawhkam Peka ni a masin kahtet ai gaw wan nhtaw lahkawng kaw na wan hkut hta grau hkrit tsang shara nga ai n rai.
5 Suri hte rau Israela hte de a hkawhkam wa gaw n hkru ai amu galaw na maw mawn nga ma ai.
6 Shanhte gaw Yuda mung hpe shang gasat na maw ma ai rai nna amyu masha ni hpe shanhte hpang maga de shakap la na matu jahkrit la ma ai, dai hpang Tabela a kasha hpe hkawhkam tingnyang ntsa hta shadun da ma ai.
7 ?Rai ti mung Ngai dai Madu gaw ndai amu galoi mung byin wa na n rai nga ai ngu tsun nga nngai.
8 Hpa majaw nga yang, Suri gaw de a mare daju rai nga ai Damasku hta grau nna n-gun n rawng nga ai, Damasku gaw Hkawhkam Rezin hta grau n-gun n rawng nga ai. Israela a matu chyawm gaw amyu baw langai hku naw ngam nga na ni gaw kru shi manga ning laman agrawp kau ai hkrum na mara ai.
9 Israela gaw Samari mung hte de a mare daju hta grau nna n-gun n rawng nga ai, Samari mung gaw Hkawhkam Peka hta grau nna n-gun n rawng nga ai.
?Na a kam sham myit n ngang ai rai yang, nang grin nga lu na n rai.?
10 Dai Madu gaw Ahaza hpang de ning ngu ai kaga mungga shana dat wu ai:
11 ?Nang hpe kumla langai jaw ya na matu dai Madu na a Karai Kasang kaw hpyi u. Dai gaw Katsan ga a sung ai shara kaw nna, shing n rai matsaw ntsa sumsing lamu kaw nna mung rai lu nga ai.?
12 Ahaza gaw, ?Ngai gaw dai kumla a matu hpyi na nngai n rai. Ngai gaw dai Madu hpe n chyam yu na nngai,? ngu nna htan wu ai.
13 Dai lam hpe Esaia gaw, ?Ya chyawm gaw Hkawhkam Dawi a matu mara ni e, madat mu. Masha a hkam sharang ai hpe myit shadaw ya ai gaw n kaja nga ai-nanhte gaw Karai Kasang a hkam sharang ai hpe mung myit shadaw ya mayu nga myit ni?
14 Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ?Emanuela? b 7:14: Emanuela: Ndai mying hpe Hebre hta ?Karai Kasang gaw anhte hte rau rai nga ai.? ngu nna tsun ai. ngu nna shamying na ra ai.
15 Shi gaw shi a myit daw dan ai lam ni hpe chye hparan ai shaloi, amyu masha ni gaw nga chyu lu nna lagat ntsin sha lu na mara ai.
16 Dai aten garai n du yang pyi, nanhte hpe jahkrit shama ai hkawhkam lahkawng a mung ni gaw shagram da kau ai hkrum na mara ai.
17 ?Israela mungdan gaw Yuda mungdan kaw nna hka garan mat wa ai kaw nna ya du hkra n byin yu ai ru tsang tsin-yam tsindam a nhtoi ni gaw nanhte a ntsa e mung, nanhte a amyu masha ni a ntsa e mung, hkawhkam hkawseng dinghku ting a ntsa e mung dai Madu shapraw na ra ai. Shi gaw Asuri hkawhkam wa hpe woi sa wa na ra ai.
18 ?Dai aten du ai shaloi, dai Madu gaw Nila hka nu a hka hku jahtum maga de nga ai hka shi, hka gai hkan nga ai jinu ni zawn law ai Egutu amyu masha ni hte, lagat zawn law ai Asuri masha ni hpe shanhte a mungdan kaw nna du sa wa na matu, lahpyaw hpyaw ai kumla hte shaga dat na ra ai.
19 Shanhte gaw lunghkrung lungma, kabawng kachyawng re ai kadit, lungpu ginlawng hku hkan hte lungbra ntsa hkan e gamawng kahpoi jawng nga na mara ai, shanhte gaw ju sumwum shagu hte udat shara shagu hkan pri rai na mara ai.
20 ?Dai aten du ai shaloi, Madu gaw Uhprat hka nu a wora hkran e nga ai kara shangun ai wa ngu ai Asuri hkawseng wa hpe saw shaga dat na ra ai! Shi gaw nanhte a nhka mun, nanhte a baw ntsa e tu ai kara ni hte nanhte a hkum hkan tu nga ai mun ni hpe shangun kau ya na ra ai.
21 ?Dai aten du ai shaloi, hkauna galaw sha ai wa gaw dumsu kanu langai mi hte bainam kanu lahkawng hpe chyu sha rem da lu tim pyi,
22 dai ni gaw shi ra ai daram chyu hpe nhpaw n-ya jaw na mara ai. Rai sa, dai mungdan hta naw hti ngam nga ai masha ni mung nga chyu hte lagat ntsin lu sha na mara ai.
23 ?Dai aten du ai shaloi, gumhpraw hkying mi hte ging ai sabyi ru hkying mi tu ai ja kat ai sabyi sun ni gaw ju sumwum hte ju hpun ni hte tu ka-up kau na ra ai.
24 Amyu masha ni gaw dai shara de ndan hte pala ni lang nna, jaugawng gawng sa na mara ai. Rai sa, mungdan ting hta ju sumwum hte ju hpun ni hte hpring mat na ra ai.
25 Kalang mi yi galaw yu sai hkai bang kawng ni yawng gaw, dai shara ni hkan kadai n lu shang kabye hkawm lu hkra ju maling tai mat na ra ai; dai shara ni gaw dumsu hte sagu ni a udat shara tai mat na ra ai,? ngu nna tsun ai.