1 Dai aten du ai shaloi, numsha sanit gaw lasha langai mi hpe gang magra da nhtawm, ?Anhte gaw tinang nang a matu sha na lu sha hte hpun na hpun palawng lu ga ai, rai ti mung nang gaw anhte a madu wa rai nga ndai, ngu chyeju hte anhte tsun lu mi ga, shaloi anhte gaw num n wa ai kaya kahpa hpe n hkam sha ra na ga ai,? ngu nna tsun ma ai.

2 Dai Madu gaw hpun lawn hte hpun shagu hte hpe lamu ga hta tu kaba wa shangun ai hte tsawm htap shangun na ra ai. Asak naw hkrung nga ai Israela amyu masha ni gaw dai lamu ga na shapraw ya ai nsi naisi a majaw kabu awng sharawng ai hte gumrawng wa na mara ai. 3 Naw ngam nga na matu Karai Kasang e lata da sai Yerusalem e ngam da hkrum sai masha shagu hte gaw chyoi pra ai ni ngu shaga hkrum na mara ai. 4 Dai Madu gaw shi a daru magam n-gun hte tara jeyang nna amyu baw hpe jasan jaseng ai hte Yerusalem a mara hpe mung dai mare hta jahkaw kau sai asai hpe mung kashin kau ya na ra ai. 5 Dai hpang Ziun Bum ntsa hte dai yang e jahpawng da hkrum ai ni yawng a ntsa e, dai Madu gaw shani e sumwi hte shana e wan hkut hte htoi san ai wan shinglet ni dat dat na ra ai. Karai Kasang a hpung shingkang gaw ka-up nga nna mare ting hpe makawp maga na ra ai. Ref 4:5: Pru 13:21; 24:16. 6 Shi a hpung shingkang gaw shani na jan a kahtet kang ai kata kaw nna shim nga ai shara hte nbung laru hte marang htu ai kaw na shingbyi shinggang na matu dai mare a ntsa e shingnip ya na ra ai aten du wa nga ai.