13
Lai sai aten ni hta, Ehprim amyu bawsang ni ga shaga yang, kaga Israela amyu bawsang ni hkrit ma ai; shanhte gaw Ehprim hpe mahtang sharawt mada ma ai. Rai ti mung dai amyu masha ni Bala hpara hpe nawku let yubak galaw shut kau ma ai majaw shanhte si na rai ma ai. Shanhte gaw masha a myit hte kumla shapraw nna masha a lata hte galaw da ai gumhpraw hpara sumla ni, nawku na matu nhprang arai ni hte galaw ai hkrang sumla ni hpe galaw let yubak hpe naw matut shut nga ma ai. Dai hpang shanhte gaw, ?Shanhte hpe shagu hkungga nawng ya mu!,? ngu nna tsun ma ai. Masha gaw ndai hpara sumla ni hte mung, dumsu usu hkrang re ai hpara sumla ni hpe kaning rai pup lu na rai hka! Dai rai nna ndai masha ni gaw jahpawt manap na sai wan zawn mung, shani jau jau hkoi mat ai numri zawn mung, mat mat na ra ai. Shanhte gaw bungsha hte poi mat wa ai chyarang pa na mam nsan zawn mung, wan hkut shadaw na pru ai wan hkut zawn mung rai ma ai.
Dai Madu gaw, ?Ngai gaw nanhte hpe Egutu mung kaw nna woi shapraw wa ai dai Madu nanhte a Karai Kasang rai nga nngai. Ngai hta lai, nanhte Karai Kasang n lu myit dai. Ngai chyu sha nanhte a hkye la Madu rai nga nngai. Ngai gaw nanhte hpe hkun hkraw ai nam mali kata e bau maka wa ni ai. Ref 13:5-6: Trj 8:11-17. Rai ti mung nanhte gaw dai ningru ningja ai mungdan de shang myit dai shaloi, nanhte sha hkru nna myit pyaw nga myit dai; dai hpang nanhte gumrawng gumtawng wa nna ngai hpe malap kau myit dai. Dai re ai majaw ngai gaw nanhte hpe hkanghkyi langai zawn htim gasat na nngai. Nanhte a hkrun lam dingyang hta rawng teng langai zawn gyem la nga na nngai. Ngai gaw nanhte hpe kasha shamat kau ai tsap kanu zawn htim gasat nna nanhte hpe gang je mahka kau na nngai. Hkanghkyi zawn htim ai shara hta nan mayu sha kau nhtawm matse labye dusat ni zawn nanhte hpe amya je kau na made ai.
?Israela amyu masha ni e, ngai nanhte hpe jahten shabyak kau na made ai! Shaloi nanhte hpe kadai wa karum la lu na rai ma ta? 10 Nanhte gaw hkawhkam langai hte ningbaw ni hpe hpyi myit dai; rai ti mung amyu baw hpe shanhte kaning rai hkye la lu na rai ma ta? Ref 13:10: 1Sa 8:5-6. 11 Nye a masin pawt bu ai hte nanhte hpe ngai hkawhkam jaw ni ai. nye a sindawng kahtet ai hte shanhte hpe ngai dawm la se ai. Ref 13:11: 1Sa 10:17-24.
12 ?Israela a shut hpyit yubak mara ni hpe ka matsing da nga ai, dai ka matsing hpe shim hkra mahkawng da ni ai. 13 Israela gaw hkrung nga lu na ahkang lu ti mung, dai lam myit ai gaw nau wa angawk ai nga ai rai nna kanu a hkritung kaw nna shangai pru wa na matu yak nga ai ma hte bung nga ai. 14 Ndai amyu masha ni hpe katsan ga kaw nna hkye la na n rai; si du a lata kaw nna mung shanhte hpe mawai la na n rai. Sidu e, na a ana zinli woi shapraw dat u! Katsan ga e, na a hten byak lam shapraw dat u! Ndai amyu masha ni hpe ngai galoi mung matsan yu dum na nngai n rai. Ref 13:14: 1Ko 15:55. 15 Israela gaw tsingdu tsingman ni zawn law htam mayat maya wa mu tim, ngai gaw zaibru jang kaw nna kahtet kang ai sinpraw nbung dat dat na nngai. Dai gaw shanhte a hka hpawk ni hte hka htung ni hpe jahkraw kau na ra ai. Dai gaw manu hpu ai arai shagu hpe la kau ya na ra ai. 16 Samari masha ni mung ngai hpe gumlau ai majaw ari jaw hkrum na rai ma ai. Shi a masha ni mung hpyen majan hta si mat na mara ai; ma chyangai ni mung ga de adit kau ai hkrum nna, dinghku li ai numsha ni, kan ga kau hkrum na mara ai.