2
1 Nye a hpu nau ni e, anhte a Madu Yesu Hkristu bai du sa na ra ai lam hte Madu
hte rau hpawng de ai lam hte seng nna,
nanhte hpe ngai tsun lajin mayu nngai.
Ref 2:1: Mat 24:31; 1Ht 4:16-17.
2 Madu bai du sa na Nhtoi du ra ai, nga nna masha ni tsun ai ga a majaw, nanhte a myit
mang ai lam hta akajawng sha myit shuk shak
ai hte n zim n zam rai shamu shamawt mat ai
lam n byin malit ga, nanhte hpe shadum
shahprang dat nngai. Shing nga ai ga gaw,
anhte myihtoi ga tsun ai shaloi, shing n
rai mungga hkaw tsun ai shaloi, shing n
rai laika ka ai shaloi lawm ai ga re ai
ngu nna myit yang myit la na manit dai.
3 Gara hku rai ti mung, nanhte hpe gade e mung n hkalem kau myit ga. Hpa majaw nga
yang, hpang jahtum Karai Kasang hpe
gumlau ai lam garai n byin yang, ngarai
mung de jahkrat kau hkrum na rai nga ai
n hkru Ai Wa garai n paw pru yang dai
nhtoi du na ra ai n rai.
4 Shi gaw masha ni nawku daw jau nga ai karai ngu ai baw nga manga hpe nhtan
shai ninghkap nna, shi hkum nan hpe
yawng mayawng a ntsa e hpung shingkang
grau rawng ai wa re ngu nna shagrau
shatsaw na ra ai. Shi gaw Karai Kasang
a Nawku Htingnu kata de pyi sa shang
dung nga nna shi hkum dai Karai Kasang
re ai ngu nna tsun ndau na ra ai.Ref 2:4:
Dan 7:25; 11:36; 1Ko 8:5; Shr 13:6.
5 Ngai gaw nanhte hte rau naw nga ai shaloi e, ndai yawng mayawng hte a lam nanhte hpe
tsun dan ga ni ai. Nanhte n dum myit ni?
6 Shing rai hkra rai ti mung, dai lam ya n byin wa hkra pat hkum shingdang da ai lam
lama ma nga nga ai. Dai hpa re ai hpe
nanhte chye nga myit dai. Aten ladaw du
ai shaloi dai N hkru Ai Wa dan pru na
ra ai.
7 Chye na yak ai makoi magap da ai n hkru ai atsam gaw ya e pyi bungli galaw nga
sai; rai ti mung ban hkum ai wa hpe shi
a shara kaw na yeng seng kau ai aten
garai n du yang, dai lam byin wa na ra
ai n rai.
8 Dai hpang dai N hkru Ai Wa dan pru na ra ai, rai ti mung Madu Yesu du sa ai shaloi
N hkru Ai Wa hpe shi a n-gup kaw na pru
ai nsa hte sat kau nna, shi a htoi kabrim
ai hpung shingkang hte jahten shaza kau
na ra ai.Ref 2:8: 2Ht 1:8-9; Dan 7:10;
Heb 10:27; Shr 19:15,20-21.
9 Dai N hkru Ai Wa gaw Satan a n-gun atsam hte du sa na ra ai rai nna masu ai lamik
kumla amyu myu hte mauhpa amu ni hpe
galaw dan na ra ai.Ref 2:9: Ehp 2:2;
Shr 13:13; 18:23; 19:20.
10 Dai hta n-ga hten byak hkrum na ni a ntsa e, n hkru n kaja ai hku hkalem hkalau ai
lam amyu baw sumhpa galaw na ra ai.
Shanhte gaw hkye hkrang la hkrum na matu
dai teng man ai lam hpe n hkap la ai hte
n tsaw ra ma ai majaw, shanhte hten za
si mat na mara ai.
11 Dai re ai majaw, dai sawt ai lam hpe shanhte kam sham hkra Karai Kasang gaw
dai shut ai lam a n-gun atsam shanhte
hta amu galaw na matu shangun dat wu
ai.
12 De a mahtai gaw, dai teng man ai hpe n kam n sham nna yubak a pyaw daw lam hta
hkan sa ai ni nlang hte gaw daw dan ai
hkrum na mara ai.
13 Madu a tsaw ra ai hpu nau ni e, nanhte a majaw anhte gaw Karai Kasang a chyeju
hpe tut nawng e shakawn kungdawn lu na
ra ga ai. Hpa majaw nga yang, Karai
Kasang gaw, nanhte hpe chyoi pra ai
masha shatai ai Wenyi a n-gun atsam
hte mung, teng man ai hpe kam sham ai
nanhte a makam masham hte mung, shawng
na hkye hkrang la hkrum ai ni hku nna
nanhte hpe lata la sai.
14 Karai Kasang gaw nanhte hpe anhte hkaw tsun ai dai Kabu Gara Shiga hku nna
shaga la manit dai. Shi gaw anhte a
Madu Yesu a hpung shingkang hta na
nanhte hkam la ang ai hkam bum hpe
madu la lu myit ga ngu nna shaga la
manit dai.
15 Dai re ai majaw, Hpu nau ni e, anhte a hkaw tsun ai mungga hku nna mung,
shagun dat ai laika hku nna mung,
nanhte hpe anhte sharin ya sai dai
teng man ai lam ni hta ngang ngang
kang kang lahpran tsap nna magra noi
nga mu.
16 Anhte a Madu Yesu Hkristu shi nan hte anhte hpe tsaw ra nna shi a chyeju hte
anhte hpe htani htana grin ai nden marai
hte ngang kang ai myit mada shara jaw
ai Wa Karai Kasang gaw,
17 nanhte hpe galoi mung mai kaja ai lam tsun shaga galaw gunhpai nga lu myit ga
n-gun jaw shangang shakang ya u ga law.