29
1 Ya, Yaku gaw shi a hkrun lam hta matut hkawm sa wa nna, sinpraw maga na lamu ga de shanang sa wa wu ai.
2 Shi gaw pa layang e hka htung langai mi nga nna de a grup yin hkan sagu hpung masum hpum jawng nga ai shara de akajawng sha hprawt rai du shang wa wu ai. Sagu hpung ni hpe ndai hka htung kaw na hka jaw lu ma ai. Dai hka htung magap gaw nlung kaba rai nga ai.
3 Dai yang e, sagu hpung ni yawng hpe rau jahpawng da ngut jang, sagu rem ni gaw hka htung magap ai nlung hpe kanawng sit da nhtawm sagu ni hpe hka ja jaw jaw rai ma ai; dai hpang nlung dai hpe mi na shara hta bai magap da da di mu ai.
4 Yaku gaw sagu rem ai ni hpe, ?Nye a jinghku ni e, nanhte kanang na rai nga myit ta?,? ngu nna san wu ai.
Shanhte mung, ?Haran ga na ni rai nga ga ai,? ngu nna htan mu ai.
5 Shi gaw, ?Nahora a kashu Laban hpe nanhte chye myit ni?? ngu nna san wu ai.
Shanhte mung, ?Rai sa, anhte chye ga ai,? ngu nna htan mu ai.
6 Shi gaw, ?Shi hkam kaja nga a ni?,? ngu nna san wu ai.
Shanhte gaw, ?Shi hkam kaja nga ai, yu u, shi a shayi sha Rahkela mung sagu hpung hte rau nang de sa wa nga ai,? ngu nna htan mu ai.
7 Yaku mung, ?Yu mu, jan naw rawng nga ai; sagu ni hpe jahpawng da na aten garai n du ai mi; nanhte hpa majaw dai ni hpe hka jaw nga myit ni? Dai ni hpe udat shara de naw gau sa wa mu,? ngu nna shanhte hpe tsun wu ai.
8 Shanhte gaw, ?Sagu hpung ni yawng ndai shara de shinggyin du hpawng wa nna, dai nlung hpe n la kau dingsa anhte dai hku n lu galaw na ga ai. Dai hpang mahtang anhte gaw sagu hpung ni hpe hka ja jaw lu na ga ai,? ngu nna htan mu ai.
9 Yaku gaw shanhte hte ga naw shaga nga yang, sagu hpung ni hte rau Rahkela du sa wa nga ai.
10 Rahkela hte rau shi katsa Laban a sagu hpung hpe Yaku mu dat yang, hka htung de shi sit sa nhtawm dai hka htung magap nlung hpe shi kanawng sit da let, sagu ni hpe hka ja jaw wu ai.
11 Dai hpang Yaku gaw shi hpe pup nhtawm kabu gara jahtau wu ai.
12 Shi gaw Rahkela hpe, ?Ngai gaw na nwa a amyu rai nna, Rebeka a kasha rai nga nngai,? ngu nna tsun dan wu ai.
Rahkela gaw shi a kawa hpe wa tsun dan na nga gat mat wa wu ai.
13 Laban mung shi a kahkri Yaku a lam hpe na jang, shi hpe tau la na nga, gat sa wa nna shi hpe ahpum pup let nta de woi wa wu ai. Yaku mung byin mabyin mahkra Laban hpe tsun dan wu ai.
14 Laban gaw, ?Rai sa, nang gaw kaja wa sha nye a ashan hte asai nan rai nga ndai,? ngu nna tsun wu ai. Shing rai Yaku gaw dai yang e shata mi tup nga nga ai.
15 Laban gaw Yaku hpe, ?Nang mung nye a amyu rai nga ndai majaw nye a matu kaman lila sha gaw n galaw kau ang na ndai. Nang hpe shabri shabrai kade wa jaw na ra n ni?,? ngu nna san wu ai.
16 Laban hta shayi sha lahkawng lu da wu ai rai nna, kaba ai gaw Lea rai nna kaji wa gaw Rahkela rai nga ai.
17 Lea gaw myi tsawm nga m 29:17: Myi tsawm nga: Ndai ga hpe Hebre ga hta asan n nga tim, kaga Chyum gale laika ni hta myi n-gun kya ai ngu tsun da nga ai. ti mung, Rahkela mahtang hkum hkrang tsawm nna ahpraw mung htap nga ai.
18 Yaku mahtang Rahkela hpe tsaw ra wu ai rai nna, shi gaw Laban hpe, ?Nang hkraw n yang gaw, Rahkela hpe jaw sha e; shaloi na a matu sanit ning tup ngai amu galaw jaw na nngai,? ngu nna tsun wu ai.
19 Laban mung, ?Kaga masha ni hta nang hpe ya sha na gaw grau mai kaja nga ai. Ndai yang e ngai hte rau nga ga,? ngu nna htan wu ai.
20 Yaku gaw Rahkela a matu sanit ning galaw jaw wu ai rai nna shi hpe lu la ang nu ai. Shi mahtang Rahkela hpe tsaw ra wu ai majaw shi a matu nhtoi kade ya n na ai zawn nawn kau wu ai.
21 Dai hpang Yaku gaw Laban hpe, ?Ladaw da ai aten du sai, ya na a shayi sha hpe la nit ga,? ngu nna tsun wu ai.
22 Laban mung masha shagu hte hpe saw shaga nhtawm hkungran poi galaw ya wu ai.
23 Rai ti mung dai shana jang, Laban gaw Rahkela a malai Lea hpe Yaku hpang de woi sa ya nna, Yaku mung shi hte kanawn kau wu ai.
24 (Bai Lea a shingnan num tai na matu shi a mayam num Zilhpa hpe mung Laban ap ya wu ai.)
25 Hpang jahpawt rai jang, Lea rai nga ai hpe Yaku mu ai rai nna, Laban hpang de sa nhtawm, ?Ndai amu ngai hpe nang hpa majaw galaw n ta? Rahkela a matu ngu nna she, ngai galaw ai mi, nang ngai hpe hpa majaw maw sha kau n ta?,? ngu nna tsun wu ai.
26 Laban mahtang, ?Kaba ai hpe shawng garai n ya sha yang, kaji ai shayi sha hpe shawng ya sha ai gaw ndai ga na htung masa n rai nga ai.
27 Hkungran poi galaw ai ndai bat lapran mi lai hkra naw la u; shing rai nye a matu sanit ning nang naw galaw jaw na rai yang, nang hpe Rahkela jaw sha na de ai,? ngu nna htan wu ai.
28 Yaku mung myit hkrum ya wu ai rai nna hkungran poi galaw ai bat lapran mi lai mat ai hpang Laban gaw Yaku hpe shi a shayi sha Rahkela hpe Yaku a madu jan tai na matu ya sha wu ai.
29 (Rahkela a shingnan num tai na matu shi a mayam num Bila hpe mung Laban ap ya wu ai.)
30 Yaku mung Rahkela hte kanawn wu ai rai nna Lea hta shi hpe mahtang grau tsaw ra wu ai. Shi gaw Laban a matu sanit ning naw galaw jaw wu ai.
31 Lea mahtang Rahkela daram tsaw ra myit hpring hpring n hkam la hkrum wu ai hpe dai Madu mu ai shaloi, kashu kasha shaprat na lam hpaw ya wu ai; rai ti mung Rahkela hpe chyawm gaw maudung dung shangun da wu ai.
32 Lea hta na-um nasin hkum tai wa nna shadang sha langai shangai wu ai. Lea gaw, ?Madu nye a tsin-yam tsindam hpe mu ya nu ai. Ya chyawm gaw nye madu wa ngai hpe tsaw ra lu na nu ai,? ngu nna tsun wu ai. Shing rai shi hpe Rubin n 29:32: Rubin: Ndai mying hpe Hebre ga hku ?Shadang sha myi man mu ai? shing n rai ?Nye a tsin-yam tsindam hpe mu nu ai? ngu ai re. ngu nna shamying wu ai.
33 Shi hta na-um nasin hkum bai tai wa nna, shadang sha bai shangai wu ai. Lea gaw, ?Dai Madu ngai hpe ndai shadang sha jaw ya ni ai; hpa majaw nga yang ngai n dawng n yawt hkrum nga ai hpe shi na ya nu ai,? ngu nna tsun wu ai. Dai rai nna shi hpe Simun o 29:33: Simun: Ndai mying hpe Hebre ga hku, ?Na ai? ngu nna tsun ai.* ngu nna shamying wu ai.
34 Shi hta na-um nasin hkum bai tai wa nna shadang sha langai bai shangai wu ai. Shi gaw, ?Ya chyawm gaw ngai shi a matu shadang sha masum hpe shangai ya ni ai majaw, nye a madu wa ngai hte grau kanawn na ru ai,? ngu nna tsun wu ai. Shi hpe Lewi p 29:34: Lewi: Ndai mying hpe Hebre ga hku, ?Grau kanawn ai? ngu nna tsun ai. ngu nna shamying wu ai.
35 Dai hpang mung shi hta na-um nasin hkum bai tai wa nna shadang sha kaga langai mi hpe shangai wu ai. Shi gaw, ?Ya gaw dai Madu hpe ngai shakawn na we ai,? ngu nna tsun nhtawm shi hpe Yuda q 29:35: Yuda: Ndai mying hpe Hebre ga hku, ?Shakawn ai,? ngu nna tsun ai. ngu nna shamying wu ai. Dai hpang shi gaw kasha n shangai ai sha nga mat ai.