28
Isak gaw Yaku hpe shaga la ai hte shaman ya nna, ?Hkanan numsha langai mi hpe mung hkum la et. Mesopotamia mung de sa nna, na a nji Behtuela a nta de mahtang sa wa nhtawm, dai yang na na ntsa Laban a shayi sha langai ngai hpe sa la su. Chyahtum Chyalai N-gun Rawng Ai Karai Kasang gaw na a dinghku de sa wa ai lam hpe shaman ya nhtawm, kashu kasha law law nang hpe jaw ya u ga; shaloi nang gaw amyu baw law law ni a kawa tai wa na rin dai! Nang hpe mung, na a amyu matu ni hpe mung, Abraham hpe shi shaman ya ai zawn shaman ya nga u ga. Karai Kasang Abraham hpe jaw ai ya nang shanu nga ai ndai lamu ga hpe nang madu lu na rin dai!,? ngu nna tsun dat wu ai. Ref 28:4: Nin 17:4-8. Isak gaw Esaw yan Yaku a kanu Rebeka a kayung Aramiyan masha Behtuela a kasha, Mesopotamia mung e nga ai Laban hpang de Yaku hpe shangun dat wu ai.
Isak gaw Yaku hpe shaman ya nhtawm num sa la na matu Mesopotamia mung de shangun dat sai hpe Esaw chye wu ai. Isak shi hpe shaman ya ai shaloi Hkanan numsha hpe n la na matu hkang da wu ai hpe mung chye wu ai. Kanu yan kawa a ga madat nna Mesopotamia mung de sa mat wa ai hpe shi mu chye wu ai. Shi a kawa Isak Hkanan numsha ni hpe n ra sharawng nga ai hpe Esaw mu chye wu ai. Dai rai nna Abraham a kasha Ishmaela hpang de sa nhtawm Nabaiyut a kajan rai nga ai Ishmaela a shayi sha Mahalat hpe la wu ai.
10 Ya Yaku gaw Berasheba kaw nna pru wa nhtawm Haran maga de sa wa wu ai. 11 Shana maga jan du wa ai aten hta, chyoi pra ai shara langai mi de shi du nna, dai yang e sum galaw wu ai. Dai hpang nlung langai mi a ntsa e, shi baw bunghkum let yup nga wu ai. 12 Dai shaloi ginding aga kaw nna lamu du hkra hkap ai lakang langai mi hta lamu kasa ni lung lung yu yu re ai yup mang hpe shi mu wu ai. Ref 28:12: Yhn 1:51. 13 Dai Madu gaw dai yang na shi a makau e tsap nga nhtawm, ?Ngai gaw Abraham, Isak ni a dai Madu Karai Kasang rai nga nngai; nang hpe mung, na a amyu matu ni hpe mung ndai lamu ga hpe ngai jaw na nngai. Ref 28:13: Nin 13:13-14. 14 Shanhte gaw ga na nhpu ni zawn law htam wa na mara ai. Shanhte gaw lamu ga man yawng de shanhte a lamu ga maden kung dam wa na mara ai. Nang hte na a amyu matu ni a jaw e, amyu baw ni yawng hpe ngai shaman ya na we ai. Ref 28:14: Nin 12:3; 22:18. 15 Yu u, ngai nang hte rau rai nga nngai mung, nang hkawm sa ai shara shagu hkan nang hpe ngai makawp maga ai hpe mung, ndai mung de nang hpe bai woi wa na lam hpe mung, adum nga u. Ngai nang hpe ga sadi jaw da sai amu yawng mayawng hpe galaw shatup ngut ai aten du hkra, nang hpe ngai kau da na nngai n rai,? ngu nna tsun wu ai.
16 Yaku yup hprang wa nna, ?Dai Madu nang e nga nga a hka! Shi ndai shara hta nan nga nga ai hpe ngai n chye kau ni hka!,? ngu wu ai. 17 Shi gaw hkrit ai hte, ?Shara ndai gaw hkrit mai ai shara rai nga a hka! Dai shara gaw Karai Kasang a nta hte sumsing lamu a chyinghka lam rai nga a hka!,? ngu nna tsun wu ai.
18 Yaku gaw hpang jahpawt jau jau rawt nna, shi bunghkum ai nlung hpe la nhtawm masat dingsat hku jung da wu ai. Dai hpang de a ntsa e tsanlun sau ru bun let Karai Kasang hpe ap nawng da wu ai. 19 Dai shara hpe Behtela l 28:19: Behtela: Ndai mying hpe Hebre ga hku ?Karai Kasang a nta? ngu nna tsun ai. ngu nna shamying wu ai. (Dai mare hpe shawng de Luza ngu nna mung shamying ma ai.) 20 Dai shara hpe Yaku gaw dai Madu hpe, ?Nye wa a nta de shim lum ai hte ngai bai nhtang wa lu hkra, 21 nang gaw nye a Karai Kasang tai nga let, ngai hte rau nga nga nhtawm ngai hkawm sa nga ai hkrun lam hpe makawp maga ya nna, lusha hte hpun palawng ngai hpe jaw ai rai yang gaw, 22 ndai ngai jung da se ai masat dingsat nlung gaw nang hpe nawku ai shara tai na ra ai. Nang ngai hpe jaw ai mahkra a htam shi hta na htam mi, ngai nang hpe jaw na we ai,? ngu nna dagam shaka wu ai.