13
1 Ya Abram gaw shi a madu jan hte shi lu malu hte mung, Egutu mung a dingdung maga, Hkanan mung a dingda maga de lung wa ma ai. Lawt mung shi hte rau hkan lung wa wu ai.
2 Abram chyawm gaw sagu, bainam hte nga dumsu sut hte mung, aja gumhpraw sut hte mung ja ja lu su nga ai.
3 Dai hpang shi gaw shara mi kaw nna shara mi de kanawt hkawm let Behtela mare de du hkra sa wa wu ai. Behtela hte Ai mare lapran na shawng de shi sum gap nna tawn hkungri galaw yu sai shara de,
4 shi bai du wa ai; shing rai dai shara hta dai Madu hpe shi nawku wu ai.
5 Lawt mung sagu bainam hte nga dumsu sut, shi a dinghku hte shangun nchyang law law ni lu wu ai.
6 Shan hta yam nga sut nau law htam wa ai majaw, shan lahkawng shara sha nga na gaw lamu ga udat shara n shang nga malu ai.
7 Dai rai nna Abram a nga rem ma ni hte Lawt a nga rem ma ni a lapran e ga law ga la byin wa masai. (Dai aten hta Hkanan hte Hperizi amyu masha ni dai mungdan hta naw shanu nga ma ai.)
8 Dai hpang Abram gaw Lawt hpe, ?An gaw hpu nau rai nga ga ai majaw na a masha ni hte nye a masha ni ga law ga la ai amu hpe n shapraw ang nga ga ai.
9 Dai rai nna an hka saga. Nang ra sharawng ai lamu ga kaning re ai shara hpe rai tim lata la u. Nang maga mi de rai yang, ngai mung kaga maga mi de rai mat wa na nngai,? ngu nna tsun wu ai.
10 Lawt gaw grup yin de mada dat yu wu yang, Zoara mare hkrang ai lam dingyang ngu na dai Yawdan Kadit ting hta hka law nga ai rai nna, dai gaw dai Madu a Sun g 13:10: daiMadu a Sun: Dai gaw Eden Sun rai nga ai.\x*Shing n rai Egutu mung zawn rai nga ai hpe mu wu ai. (Dai gaw Sodom hte Gomora mare ni hpe dai Madu garai n jahten kau yang byin ai lam rai nga ai.) Ref 13:10: Nin 2:10.
11 Dai rai nna, Lawt gaw shi a matu Yawdan Kadit ting hpe lata la nhtawm sinpraw maga de htawt mat wa wu ai. Dai kaw nna shan lahkawng langai hte langai hka mat wa ma ai.
12 Abram chyawm gaw Hkanan mung e naw nga nga wu ai; Lawt gaw dai kadit hkan na mare ni hta nga nhtawm n hkru n shawp ai hte
13 dai Madu hpe yubak tawt lai ai masha ni shanu nga ai Sodom mare makau du hkra sum ni gap da nga wu ai.
14 Lawt pru mat wa ai hpang, dai Madu gaw Abram hpe, ?Ya nang nga ai shara kaw nna man maga shagu de atsawm sha mada yu u.
15 Nang mu ai lamu ga mahkra, nang hte na a amyu matu mara ni hpe ngai jaw na nngai; shing rai dai gaw na a matu htani htana madu da ai lamu ga tai na ra ai. Ref 13:15: Kas 7:5.
16 Na a amyu matu mara ni hpe ngai shalaw jahtam na nngai; kadai mung shanhte yawng hpe dang hti lu na mara ai n rai; dai gaw ga ntsa e taw ai ga nhpu ni hpe n dang hti ai zawn law htam na mara ai.
17 Ya chyawm gaw, dai lamu ga nang hpe ngai jaw na de ai majaw, mungdan ting de pru hkawm nna yu yu u,? ngu nna tsun wu ai.
18 Dai rai nna Abram gaw shi a sum htawt nna Hebron mare na chyoi pra ai hpun tu ai Mamre ngu ai shara makau e shang nga nga ai hte dai yang e, dai Madu a matu tawn hkungri langai mi shi galaw wu ai.