5
1 Hkristu gaw anhte hpe mayam kaw nna shalawt dat mi ai rai nna, anhte
mayam n rai saga ai. Dai re majaw
shanglawt masha ni re ai hku nna
tsap nga ga ai. Mayam a kandang npu
e bai hkum ahkang nga masa.
2 Madat mu! Nanhte matu gadoi hkam myit yang gaw, Hkristu gaw nanhte
a matu hpa akyu n nga ai, ngu nna
ngai Pawlu nan nanhte hpe tsun dan
made ai.
3 Dai hta n ga, matu gadoi hkam ai wa gaw jep ai Tara nlang hte hpe shatup
shadik lu na ra ai ngu nna, matu
gadoi hkam ai masha yawng hpe ngai
kalang mi bai sadi jaw nngai.
4 Jep ai Tara hpe shatup shadik ai hku nna Karai Kasang a man e ding
hpring ai hpe lu la na shakut ai
ni nanhte gaw Hkristu hte daw hka
wa nna Karai Kasang a chyeju hta
na hkrat mat wa manit dai.
5 Anhte chyawm gaw, Karai Kasang a Wenyi a atsam hta kam hpa let kam
sham ai a marang e Karai Kasang a
man e ding hpring ai ngu nna sawn
ya ai ahkaw ahkang hpe lu la na
ga ai ngu nna myit mada ala nga
ga ai.
6 Kaning rai nme law, anhte gaw Hkristu Yesu hta e rai nga ga yang gaw, matu
gadoi hkam ai n hkam ai ngu ai gaw
hpa ahkyak n rai nga ai; ra ahkyak
ai lam gaw tsaw ra myit dan dawng
hkra amu galaw ai dai makam masham
she rai nga ai.
7 Shawng de nanhte grai ahkyak ai hku galaw sa wa nga manit dai; dai teng
man ai lam hpe n madat n mara myit
ga, nanhte hpe kadai hkum shadang
myit ta? Dai wa gaw nanhte hpe gara
hku lau la a ta?
8 Dai shalen lau la ai lam gaw, nanhte hpe shaga la ai Karai Kasang e shabyin
dat ai n rai.
9 ?Muk shadung tawng ting hpe shawawm dat shangun na matu matsi loi mi sha
ra ai,? nga ai ga malai hpe myit
dum nga mu.Ref 5:9: 1Ko 5:6; 15:33.
10 Rai ti mung, ngai gaw ya du hkra nanhte hpe myit kam ding yang naw rai nga nngai.
Ngai hte nanhte gaw dai Madu hta langai
sha rai nga ga ai majaw, nanhte gaw
nhtan shai ai masa hpe n hkap la na myit
dai ngu nna ngai myit kam nga nngai.
Nanhte hpe myit ung ang hkra sharu
shatsang ai kadai hpe rai ti mung,
Karai Kasang e jeyang ari jaw na ra ai.
11 Rai ti mung hpu nau ni e, matu gadoi hkam ai lam ra ahkyak ai nga nna ngai
naw matut hkaw nga ai teng yang gaw,
hpa majaw zingri zingrat ai ngai naw
hkrum nga nngai kun? Shing rai hkaw
tsun ai ngu ai lama teng ai rai yang
gaw, Hkristu hte seng ai mung sumtu
hpe ngai hkaw tsun ai majaw ru yak
kyin dut hkrum na nngai n rai.
12 Nanhte hpe myit shalaw ung ang shangun ai masha ni gaw, matu gadoi hkam ai
sha n ga tinang dai mawn la kau yang
grau mai na tai nga ai!
13 Nanhte chyawm gaw hpu nau ni e, shanglawt ahkang lu la myit ga,
nanhte hpe shaga la ai hkrum manit
dai, rai ti mung dai shanglawt ahkang
hpe jahpai nna hkum shan a ra marit ai
lam tam na matu ginshan hkum
shatai mu; shing rai na malai,
nanhte gaw tsaw ra myit hte
shada da daw jau hkat nga mu.
14 Hpa majaw nga yang, ?Na a htingbu wa hpe na a hkum hte maren tsaw ra
u,? nga ai hkang da ai ga langai
mi hpe hkan shatup ai hte jep ai
Tara ting hpe shadik lu ai lam tai
sai.Ref 5:14: Jaw 19:18; Mat 7:12; Rom 13:8-9; Yak 2:8.
15 Rai ti mung zai ai dusat matse ni zawn nanhte shada da kawa sha hkat
nga myit yang gaw, nanhte shada da
shamyit kau hkat ai lam tai na re
ai majaw, sadi nga mu.
16 Da ndai ngai tsun nngai gaw, ?Nanhte gaw Wenyi e matsun ai hte maren hkan
sa galaw nga mu, hkum shan a marin
marit ai hpe nanhte hkum shadik nga myit.
17 Hpa majaw nga yang, hkum shan a marin ai lam gaw, Wenyi a ra ai lam hte
nhtan shai nga ai, Wenyi a ra ai lam
mung hkum shan a marin ai lam hte
nhtan shai nga ai. Hkum shan a marin
ai lam hte Wenyi a ra ai lam ndai yan
lahkawng gaw hpyen rai nga ma ai.
Dai rai nna nanhte gaw tinang galaw
mayu ai hte maren n galaw lu myit
dai.Ref 5:17: Rom 7:15,19,23; 8:6-7.
18 Dai Wenyi e nanhte hpe woi awn myit yang gaw, nanhte dai jep ai Tara a
npu e rai nga myit dai n rai.
19 Hkum shan a bungli gaw dan dan leng leng rai nga ai rai nna dai ni gaw,
hpye ai amu, n san n seng ai amu,
ngang kayut ai;
20 gawkngu sumla naw ai lam, mandan lakle amu, hpyi lamum hpaji, n dawng
n yawt ai hte, ga li ga law ai,
manawn masham ai, pawt sindawng ai,
shai wa bra wa ai lam, daw hka wa
ai lam, hpung garan wa ai lam,
21 n su n nawn ai, chyaru nang ai lam, sawse lawklek ai hte dai hte bung
ai lam ni rai nga ma ai; shing rai
galaw ai ni gaw Karai Kasang a
Mungdan a sali wunli hkam la na n
rai, shawng e tsun dan sai hte maren,
ya mung nanhte hpe tsun madun nga
nngai.
22 Rai ti mung dai Wenyi a asi chyawm gaw, tsaw ra ai, kabu gara ai, ngwi pyaw ai,
myit galu kaba ai, matsan dum ai, mai
kaja ai,
23 shagrit shanem ai, hte tinang a myit hpe hkang lu ai lam ni rai nga ai.
Dai lam hte hpe hkum lu na tara mi
n nga ai.
24 Hkristu Yesu hte seng ai ni chyawm gaw tinang a hkum shan myit hpe mung,
myit kayut ai hte marin marit ai hte
nawng wudang hta jen sat kau manu ai.
25 Anhte Wenyi hta asak hkrung nga ga yang gaw, dai Wenyi e woi awn lam
matsun madun ai hte maren hkawm sa
nga ga.
26 Anhte gaw kaman lila grang gumrawng nna shada da jahte tam ai hte shada
manawn masham hkum rai nga ga.