GALATI NI KAW SHAGUN DAT AI LAIKA
(GALATIANS)
Ga Nhpaw
Madu Yesu a lam kabu gara shiga hpe hkaw tsun ai hte Yuda masha n re ai ni kam sham
hkap la shajang wa ai shaloi, teng man ai
Hkristan masha langai mi tai na matu Mawshe
a jep ai Tara hpe madat mara hkan sa lu na
shing n rai n hkan sa ra ai ngu ai ga san
manghkang pru wa ai. Kasa Pawlu gaw,
?Dai jep ai Tara hkan sa n ra ai; Hkristu
hta asak hkrung na matu ngang kang ai npawt
madung langai sha nga ai, dai gaw Madu Yesu
hpe kam sham ai lam re. Dai lam hku nna sha
masha gaw Karai Kasang a man e ding hpring
ai wa ngu nna sawn ya ai hte hkap la nga
ai,? ngu ai lam hpe tang madun nga ai.
Rai ti mung Asi kaji mung, Roma mungdaw
a kata na Galati mungdaw e nga ai hpung
ni hta Kasa Pawlu hpe ninghkap ai ni sa
nna, ?Masha langai mi gaw Karai Kasang
a man e ding hpring ai masha tai na matu,
Mawshe a jep ai Tara ni hpe hkan sa shadik
ra ai,? ngu nna aja awa hkan tsun ma ai.
Shing rai dai shut ai makam masham hta lam shadam kau hkrum ai masha ni hpe teng man
ai makam masham hte hkan sa galaw ai lam
de bai woi nhtang wa na matu ndai Galati
ni hpang de shagun dat ai Pawlu a Laika
hpe Korinhtu mare kaw hkring sa nga yang
A.D. 56 (sh) 57 hta shi nan ka dat nu ai.
Kasa Pawlu gaw, Hkristu a kasa langai mi
re ngu nna shi hpe gang shaga na ahkaw
ahkang lu ai wa re ai hpe makawp maga tsun
sanglang dan nga ai. Shinggyim masha a
ahkang aya hte n rai, Karai Kasang a
ahkang aya hte sha kasa aya hta san da
hkrum sai lam hte shi hpe laksan ap ya
da ai gun hpai na lit gaw Yuda masha n
re ai ni hpang de sasana sa na matu re
ai lam hpe aja awa tsun shaleng wu ai.
Dai hpang shi gaw kam sham ai hte sha
masha gaw Karai Kasang a man e ding hpring
ai ngu nna sawn ya ai hkrum lu nga ai lam
hpe madung dat nna galu galang sanglang
dan nga ai. Ga hpungdim daw hta, Hkristan
arawn asam ngu ai gaw Hkristu hpe kam
sham ai makam masham a majaw lu la ai
tsaw ra ai myit kaw nna lwi pru wa ai
re ai hpe tsun shaleng dan nga ai.
1
1 Masha a ahkang hte kasa aya hta dang da hkrum ai wa mung n rai; masha e san da
ai kasa mung n rai, Yesu Hkristu hte si
mat ai ni kaw nna shi hpe hkrung sharawt
la ai Kawa Karai Kasang a ahkaw ahkang
hte kasa rai nga ai ngai Pawlu gaw,
2 nang e ngai hte rau rai nga ai hpu nau ni yawng hte Galati mung na hpung ni
hpang de laika ka nna shakram dat ga
ai.
3 Anhte a Wa Karai Kasang hte Madu Yesu Hkristu kaw na chyeju hte ngwi pyaw ai
gaw, nanhte hte anga nga malit ga law.
4 Ndai ya na n hkru n kaja ai prat kaw na mawai la u ga, anhte a Kawa Karai
Kasang myit ra ai hte maren madat
mara let anhte a yubak mara a matu
mara Hkristu gaw shi hkum hpe nan ap
ya kau nu ai.
5 Dai Kawa Karai Kasang kaw htani htana prat dingsa e hpung shingkang anga
nga u ga law, Amen.
6 Hkristu a chyeju hta nanhte hpe shaga la ai wa kaw na nde wa lawan ai hku
hka wa nna, Kabu Gara Shiga kaga amyu
ni hkap la nga myit dai majaw nanhte
hpe mau nga nngai.
7 Kaja wa nga yang Kabu Gara Shiga kaga mi n nga sai; rai ti mung ndai ya ngai
tsun nga ai gaw, Hkristu a Kabu Gara
Shiga hpe galai jashai shabyak kau na
matu shakut nga ai masha nkau mi nanhte
hpe myit ung ang mat hkra sharu
shatsang nga ma`ai majaw tsun ai re.
8 Rai ti mung, nanhte hpe anhte hkaw tsun dan sai Kabu Gara Shiga hte shai ai kaga
Kabu Gara Shiga hpe anhte shing n rai,
Sumsing lamu na lamu kasa langai mi
nanhte hpe hkaw tsun dan a yang gaw,
shi gaw ngarai hte ging dan ai dagam
dala hkrum u ga.
9 Nanhte hkap la da sai dai Kabu Gara Shiga hte shai ai kaga Kabu Gara Shiga
langai mi hpe masha langai ngai nanhte
hpe hkaw tsun dan a yang gaw shi dagam
dala hkrum u ga, ngu nna shawng e anhte
tsun yu saga ai hte maren, ya e ngai
bai naw tsun nga nngai.
10 Hpa majaw nga yang, ngai ning nga tsun ai gaw, masha a tau madi shadaw ai hpe
lu la na matu shakut nga nngai kun? Dai
hku n rai law! Ngai ra sharawng ai lam
gaw Karai Kasang a myit hkrum ra sharawng
ai lam sha rai nga ai. Ngai gaw masha a
man e kajai gumhkawng hkra shakut nga
a ni? ngai gaw masha a ra ai lam naw tam
shakut nga a yang gaw, Hkristu a ali
ama ngai rai na nngai n rai.
11 Hpu nau ni e, nanhte hpe ngai hkaw tsun dan yu ai Kabu Gara Shiga gaw, masha e
gyin shalat ai lam n rai nga ai lam,
nanhte hpe ngai shadum shahprang made
ai.
12 Hpa majaw nga yang, masha kadai kaw na mung ngai dai Kabu Gara Shiga hpe hkam
la nngai n rai; Yesu Hkristu shi
nan shingran ga hku nna ngai hpe shadan
dan ni ai.
13 Ngai gaw Yuda nawku htung hta naw nga ai shaloi e, ngai kaning rai hkan sa galaw
lai wa sai lam nanhte na yu manit dai.
Ngai gaw Karai Kasang a hpung hpe matsan
dum ai myit n rawng ai sha nachying ladu
lai hkra zingri zingrat ai hte jahten
shamyit kau na atsam htum hkra shakut
lai wa ni ai.Ref 1:13: Kas 8:3; 9:1; 26:11; 1Tm 1:13.
14 Yuda nawku htung hpe ta tut hkan sa ai lam hta ngai gaw nye a amyu na rau
ram manang ni law law hta jan nna myit
lawm ai hte ji wa ni a matsun maroi ni
hpe hkan sa shadik lai wa ni ai.
Ref 1:14: Kas 22:3; 26:9; Hpl 3:5.
15 Rai ti mung nye nu a hkritung nna ngai garai n shangai yang Karai Kasang gaw
shi a chyeju hte ngai hpe lata la nna
shi hpe daw jau na matu shaga la ni ai.
Ref 1:15: Esa 49:1,5; Yer 1:5; Kas 9:15; Rom 1:1.
16 Dai hpang maigan masha ni hpe shi a kasha a lam Kabu Gara Shiga hkaw tsun
dan lu u ga matu shi a kasha hpe ngai
e shadan dan ni ai. Dai shaloi e ngai
gaw kade a hpaji jaw ai lam hpe mung
n hpyi n hkam la nngai.
17 Dai hta kaga nye a shawng e kasa tai nga ai ni hte sa hkrum na ngai Yerusalem
de n lung wa ai sha Arabia mung de
kalang ta sa mat wa nhtawm Damasku
mare de bai wa nngai.
18 Dai hpang masum ning lai yang she, Kehpa ngu ai Petru hte hkrum nna shi kaw na
shiga lu la na matu Yerusalem mare de
lung wa nna shi hte shi manga ya tup
rau nga kau da nngai.Ref 1:18: Kas 9:26.
19 Dai Madu a kanau Yaku hta kaga kasa gale kadai hpe mung ngai n mu nngai.
20 Ya ngai ka dat ai lam gaw teng ai lam rai nga ai; ngai masu magaw ga n tsun
nga ai hpe Karai Kasang chye nga ai!
21 Dai hpang e Suri mung hte Kiliki ginwang hkan e ngai sa du nngai.
22 Dai aten hta Yuda mung na Hkristan hpung ni hta na hpung masha ni gaw ngai hte
myi man chyaw n chye n chyap shi ma ai.
23 Rai ti mung shanhte gaw, ?Shawng e anhte hpe zingri zingrat yu ai masha
wa gaw shawng e tinang nan akrin
atsai di shamyit jahten kau na matu
shakut lai wa sai makam masham a lam
hpe ya e hkaw tsun nga ai da!,? nga
nna masha kaga ni tsun kajai ai hpe
sha na ga ma ai.
24 Dai majaw shanhte gaw nye a lam ninghkan e Karai Kasang a hpung
shingkang hpe shakawn kungdawn
nga ma ai.