34
(Trj 10:1-5)
1 Dai Madu gaw Mawshe hpe, ?Shawng na lungpa yan zawn re ai lungpa lahkawng ga la u; nang agrawp kau ai shawng na lungpa yan hta ka da ai ga hte maren, dai lungpa yan hta ngai bai ka da na we ai.
2 Hpawt ni na jahpawt manap aten, Sina Bum de lung wa nna bum pungding e ngai hte hkrum na matu jin jin rai nga u.
3 Kadai mung nang hte rau hkan lung wa lu na n rai; kadai hpe mung dai bum a gara shara hpe mung mu shangun lu na n rai; sagu dumsu ni hpe mung bum lagaw hkan e ushat sha shangun lu na n rai,? ngu nna tsun wu ai.
4 Shaloi Mawshe gaw lungpa lahkawng ga la nna, hpang jahpawt manap jau jau aten hta, dai Madu hkang da ai hte maren, dai lungpa lahkawng hpai let Sina Bum de lung wa wu ai.
5 Dai Madu mung sumwi hta yu hkrat wa nna, shi hte rau dai yang e tsap let dai Madu ngu ai chyoi pra ai amying hpe shapraw dan wu ai.
6 Dai Madu mung shi a man hku lai wa let, ?Ngai Madu nan gaw matsan dum ai n-gaw n wai ai myit hpring hkra rawng ai, myit galu kaba nna tsaw ra myit hte sadi sahka ai hpe madun dan ai Karai Kasang rai nga nngai. Ref 34:6-7: Pru 20:5-6; Bhk 14:18; Trj 5:9-10; 7:9-10.
7 Ngai gaw nye a ga sadi hpe prat ban hkying mun du hkra shadik shatup nna n hkru ai amu hte yubak mara ni hpe raw dat kau ya nga nngai; rai ti mung, kashu kasha ni hpe chyawm gaw shanhte a kanu kawa ni shut hpyit kau ai yubak mara ni a majaw prat ban masum mali du hkra ari n jaw ai nga na n rai,? ngu nna tsun wu ai.
8 Mawshe mung ga de du hkra tin tin gum dagup nhtawm nawku wu ai.
9 Shi gaw, ?Madu e, nang ngai hpe teng teng awng sharawng ndai rai yang, anhte hte rau sa wa na matu ngai nang hpe lajin nngai. Ndai amyu masha ni du ja nga ma ti mung, anhte a n hkru n hkra ai hte shut hpyit ai yubak mara hpe dat kau ya nna, na a amyu masha majing ni zawn anhte hpe hkap la mi law,? ngu nna tsun wu ai.
(Pru 23:14-19; Trj 7:1-5; 16:1-17)
10 Dai Madu gaw Mawshe hpe, ?Ya ngai Israela amyu masha ni hte ga shaka langai shagrin da na nngai. Ga ntsa ting na mungdan amyu mahkra hta galoi mung n galaw yu ai mauhpa amu kaba ni hpe shanhte a man e ngai galaw shapraw na we ai. Na a matu ngai galaw na amu gaw hkrit hpa amu rai nga ai majaw, Ngai Madu nan galaw lu ai amu kaba ni hpe amyu masha ni yawng mu lu na mara ai.
11 Dai ni, ngai nang hpe jaw ya ai tara ni hpe madat mara hkan sa nga u; nang rawt lung wa ai shaloi, Amori, Hkanan, Hiti, Hperizi, Hiwi hte Yebusi masha ni hpe ngai gawt shapraw kau ya na we ai.
12 Nang sa du na mung na masha ni hte jinghku ga shaka hpa mung hkum tawn et; hpa majaw nga yang, dai gaw na a matu si shangun lu ai mahkam tai na ra ai.
13 Shing rai na malai, shanhte a tawn hkungri ni hpe run kau ya nna, chyoi pra ai shadaw ni hpe mung agrawp jahten kau ai hte shanhte a Ashera hpara num a hkrang sumla ni hpe kran daw kau ya na rai ndai. Ref 34:13: Trj 16:21.
14 Ngai Madu nan shingjawng kashun ai hpe n hkam sharang lu nga nngai majaw kaga hpara shaje hkum nawku myit.
15 Dai mung na masha ni hte jinghku ga shaka hkum tawn da myit; shanhte mahtang tara maigan hpara ni hpe nawku nna dai ni hpe hkungga nawng jau ma ai majaw shanhte hte kanawn na matu, nanhte hpe saw shaga ai hte shanhte a hpara ni hpe nawng jau ya ai lusha hte lau la ai hkrum na rai myit dai.
16 Nanhte a shadang sha ni mung maigan num ni hpe la nhtawm ngai hta sadi n dung shangun ai hte shanhte a tara maigan hpara ni hpe woi nawku shangun na mara ai.
17 ?Nhprang arai ni hte shachyaw ai hpara ni hpe hkum galaw, hkum nawku myit. Ref 34:17: Pru 20:4; Jaw 19:4; Trj 5:8; 27:15.
18 ?Matsi n rawng ai Muk Sha Poi galaw lu na rai myit dai. Nanhte gaw Abi shata hta nan Egutu mung kaw na pru wa myit dai re majaw, ngai nanhte hpe hkang da ni ai hte maren, dai shata hta sanit ya tup matsi n rawng ai muk sha lu na rai myit dai. Ref 34:18: Pru 12:14-20; Jaw 23:6-8; Bhk 28:16-25.
19 ?Shawng shangai ai shadang sha alat shagu gaw nye a rai nga li ai hte maren, shawng hkrat ai yam nga ala shagu mung rai nga li ai. Ref 34:19: Pru 13:2.
20 Rai ti mung shawng hkrat ai lawze shagu hpe chyawm gaw de a malai sagu kasha nawng ya nna bai hkrang la lu nga myit dai. Nanhte gaw dai hpe hkrang la na myit n rawng sai rai yang, de a du hpe gang daw kau ya lu na rai myit dai. Shawng shangai ai shadang sha alat shagu hpe chyawm gaw hkrang la lu na rai nga myit dai.
Kadai mung hkungga n lawm ai sha nye a man de dawng pru lu na n rai. Ref 34:20: Pru 13:13.
21 ?Nanhte a magam amu galaw na matu nanhte hta nhtoi kru ya tup lu nga myit dai; rai ti mung nai mam dat ai laman e mung, hkai nmai shu la ai aten hta rai ti mung, sanit ya ngu na shani hta amu bungli galaw lu na myit dai n rai. Ref 34:21: Pru 20:9-10; 23:12; 31:15; 23:12; 31:15; 35:2; Jaw 23:3; Trj 5:13-14.
22 ?Shawng ngai ai nanhte a hkaulan mam hpe dan hpang ai shaloi, nmut shinggyin poi galaw na rai myit dai. Dai sha n-ga, namsi namsaw ni hpe shinggyin la ai shaloi Sum Poi galaw lu na rai myit dai. Ref 34:22: Jaw 23:15-21; Bhk 28:26-31.
23 ?Nanhte a lasha ni yawng gaw laning mi hta kalang, dai Madu Israela a Karai Kasang Ngai hpe sa nawku lu na rai myit dai.
24 Masha amyu ni hpe nanhte a man kaw na ngai gawt shapraw kau ngut ai hpang, nanhte a lamu ga hpe maden ya ni ai, laning mi hta masum lang galaw ai poi laman hta, nanhte a mungdan hpe kadai mung ka-up la kau ya na ra ai n rai.
25 ?Nanhte nye a matu yam nga hkungga nawng jau ai shaloi, matsi hte galaw ai muk nawng ya lu na n rai; Shalai Wa Ai Poi hta lang ai hkungga shan hpe hpang jahpawt du hkra tawn da lu na myit dai n rai. Ref 34:25: Pru 12:10.
26 ?Nanhte shu la lu ai shawng ngai ai nsi naisi ni hpe dai Madu a man de shaning shagu la sa na rai myit dai.
?Sagu kasha shing n rai bainam kasha hpe kanu a chyu hte hkum shapyaw myit,? ngu nna tsun wu ai. Ref 34:26: Trj 26:2.
27 Dai Madu gaw Mawshe hpe, ?Ndai ga ni hpe ka tawn u; ndai ga hta tsun ai hku hkan nna, nang hte mung, Israela amyu masha ni hte mung ga shaka tawn da nga nngai,? ngu nna tsun wu ai.
28 Mawshe gaw dai yang e shat mung n sha, ntsin mung n lu ai mali shi ya, mali shi na tup dai Madu hte rau nga nga wu ai. Dai lungpa yan hta ga shaka ngu na Tara Kanu Shi hpe ka da wu ai.
29 Mawshe gaw dai Tara Kanu Shi ka da ai lungpa lahkawng hpai nna Sina Bum na yu wa yang, dai Madu hte ga shaga wu ai majaw shi a myi man ahpraw tu kabrim nga ti mung, dai lam shi n chye da wu ai.
30 Arun hte amyu masha ni yawng mung Mawshe hpe hkap yu ma yang, shi a myi man ahpraw htoi kabrim nga ai hpe mu ma ai rai nna, shi kaw sit sa na hkrit nga ma ai.
31 Rai ti mung, Mawshe gaw shanhte hpe shaga la wu ai rai nna, Arun hte shawa hpawng a ningbaw ni shi hpang de sit sa ma ai majaw Mawshe shanhte hpe ga shaga wu ai.
32 Dai hpang Israela amyu masha ni yawng shi hpang de sa zup ma ai rai nna, Sina Bum hta dai Madu shi hpe jaw dat ai tara ni yawng shanhte hpe jaw wu ai.
33 Mawshe gaw shanhte hpe ga shaga ngut jang, shi a myi man hpe man magap hte magap da wu ai.
34 Mawshe gaw dai Madu a hpung shingkang shanu nga ai Sum kata de shang nna dai Madu hpe ga shaga ai aten shagu man magap raw kau wu ai; shi bai pru wa ai shaloi, shi hpe hkang dat ai lam magup, Israela amyu masha ni hpe htawn tsun tsun di nga ai;
35 shanhte gaw shi a myi man ahpraw htoi kabrim nga lu ai hpe mu nga ma ai. Dai hpang dai Madu hpe ga shaga na matu bai shang sa ai aten du hkra, shi a myi man magap hte man magap da da di wu ai.