29
(Jaw 8:1-36)
1 ?Da ndai gaw ngai hpe nawku daw jau ai amu hta hkinjawng amu ap nawng gun hpai na matu Arun hte shi a shadang sha ni hpe nang galaw shangun na lam rai nga ai. Ra n rawng ai usu kasha hte sagu la lahkawng, la sa na rai ndai.
2 Kaja htum ai hkaulan mam shadung lang nna matsi n bang ai hte tsanlun sau hte kayau ai muk nkau mi, sau hte n kayau ai nkau mi, sau hte kayau gumchya nna galaw ai muk pa nkau mi rai na rai nga ai.
3 Nanhte gaw usu hte sagu la lahkawng hte hpe shagu hkungga nawng jau myit dai shaloi, muk ni hpe ka hta bang nna, nye a matu nawng jau ya na rai myit dai.
4 ?Nye a hpung shingkang shanu nga ai Sum chyinghka de Arun hte shi a shadang sha ni hpe woi sa nna htung lai hte maren, hka shin na shanhte hpe tsun u.
5 Dai hpang Arun hpe hkinjawng hpun palawng rai nga ai-palawng galu hte hpa hkai lawng hte seng ai ntsa palawng, hpa hkai lawng hte sinda magap ni hpun nna shingkyit kyit na rai wu ai.
6 Shi hpe bunghkaw hkaw ya nhtawm de a ntsa e, ?Dai Madu a matu ap nawng ai,? ngu nna tawk ka da ai chyoi pra ai ap nawng kumla gyit shakap da na rai wu ai.
7 Dai hpang namman sau la nhtawm shi a baw ntsa e ru bun let, shi hpe namman sau chya ya na rai nga ndai.
8 ?Shi a shadang sha ni hpe mung woi la nna shanhte hpe palawng jahpun ya na rai ndai.
9 Shanhte hpe shingkyit kyit ya nna abaw hta gumchyawp chyawp ya na rai ndai. Dai gaw Arun hte shi a shadang sha ni hpe nang kaning rai aya dang ya na lam rai nga ai. Shanhte hte shanhte a amyu matu ni mung htani htana hkinjawng amu gun let ngai hpe daw jau na rai ma ai.
10 ?Nye a hpung shingkang shanu nga ai Sum ndaw de usu dun sa nhtawm de a baw hta shanhte a lata mara na lam, Arun hte shi a shadang sha ni hpe tsun u.
11 Nye a chyoi pra ai hpung shingkang shanu nga ai Sum chyinghka lam e dai usu hpe sat na rai ndai.
12 Usu sai nkau mi la nna, na a lata layung hte tawn hkungri nrung ni hta chya nhtawm naw ngam ai asai hpe mahtang tawn hkungri a ninghpang e ru hkaw na rai nga ai.
13 Dai hpang, pu kan magap ai sau mahkra hte sin hta na kaja htum ai hpe mung, sade lahkawng hte dai hta kap ai sau la nna nye a matu ngu nna nawng jau ai shaloi dai ni hpe tawn hkungri hta nat na rai ndai.
14 Rai ti mung dai usu a ashan, ahpyi hte ahkyi rawng ai pu kaba ni hpe dap shinggan e nat kau na rai ndai. Dai gaw hkinjawng ni a yubak mara hpe la kau ya ai hkungga rai nga ai.
15 ?Sagu la langai mung la nna, dai sagu a baw hta shanhte a lata mara da na matu Arun hte shi a shadang sha ni hpe tsun u.
16 Dai hpe sat nhtawm de a asai la nhtawm tawn hkungri a man mali grup grup de ru hkaw na rai ndai.
17 Dai sagu la hpe daw hte daw kahtam daw nna de a pu kan ni hte hpang lagaw ni hpe kashin kau nhtawm abaw hte kaga shan tawng ntsa e dai ni hpe mara sumpum da na rai ndai.
18 Sagu la shan yawng hpe lusha hkungga nawng ya ai zawn tawn hkungri ntsa hta nat nawng na rai nga ai. De a nawng jau ai manam pyaw bat gaw ngai hpe awng sharawng shangun na ra ai. Ref 29:18: Ehp 5:2; Hpl 4:18.
19 ?Kaga sagu la langai hpe mung ap nawng ai hta lang na matu la nna, de a baw hta shanhte a lata ni hpe mara na matu Arun hte shi a shadang sha ni hpe tsun u.
20 Dai hpe sat nhtawm, de a asai nkau mi la nna Arun hte shi a shadang sha ni a hkra maga na na lapyen hta mung, hkra lata yungnu hta mung, hkra lagaw yungnu hta mung chya ya na rai ndai. Naw ngam ai asai hpe chyawm gaw tawn hkungri a man mali grup grup de ru hkaw na rai ndai.
21 Tawn hkungri ntsa na asai hte namman sau loi mi la nna Arun hte shi a hpun palawng hta mung, shi a shadang sha ni hte shanhte a hpun palawng ni hta mung lapri bun ya na rai ndai. Shi hte shi a shadang sha ni hte shanhte a hpun palawng ni gaw ngai hta ap nawng da hkrum na mara ai.
22 ?Sagu la a sau tawng hte sau kap ai nmai, pu kan magap ai sau rap, sin hta na kaja htum ai, sade lahkawng hte dai yan hta kap ai sau, hkra magyi re ai hpe gadoi di nna,
23 nye a matu nawng jau ai muk ka kaw na muk pa langai, sau hte n galaw ai muk hkrawp pa mi la nna,
24 dai malu masha yawng hpe Arun hte shi a shadang sha ni a lata hta bang ya nhtawm nye a matu laksan jaw jau ai kumhpa zawn dai hpe sak jaw na, shanhte hpe tsun u.
25 Dai hpe shanhte a lata na la nhtawm ngai hpe malu masha hkungga nawng jau ai zawn, tawn hkungri na wan nat hkungga a ntsa e nat na rai nga ai. Dai manam pyaw ai hkungga sangau gaw ngai hpe awng sharawng shangun na ra ai.
26 ?Dai sagu la a sinda hpe la nna, laksan kumhpa langai mi zawn nye a matu nawng jau na rai ndai. Dai daw gaw na a matu rai na rai nga ai.
27 ?Hkinjawng langai mi aya dang ai shaloi, sagu la a sinda hte magyi hpe laksan kumhpa langai mi zawn nye a matu lang nna dai hpe hkinjawng ni a matu san da ya na rai ndai.
28 Nye a amyu masha ni mahku hkungga jaw ai shaloi dai hkungga shan a sinda hte magyi ni hpe hkinjawng ni madu la na rai nga ai; dai gaw nye a galai shai n lu ai daw dan lam rai nga li ai. Dai gaw Ngai Madu a matu nawng jau ai amyu masha ni a kumhpa rai nga ai.
29 ?Arun a hkinjawng hpun palawng hpe shi si mat ai hpang shi a shadang sha ni a lata de hkringhtawng dagraw aya dang la ai shaloi, bu hpun lu na rai nga ai.
30 Arun a malai shi a hkinjawng amu hpe matut hkam la ai shadang sha wa gaw Chyoi Pra ai Shara hta daw jau na matu, nye a hpung shingkang shanu nga ai Sum kata de shang ai shaloi, dai hpun palawng ni hpe sanit ya tup hpun lu na rai nga ai.
31 ?Arun hte shi a shadang sha ni aya dang la ai shaloi lang ai sagu la a ashan la nhtawm chyoi pra ai shara hta dai hpe shadu na rai ndai.
32 Dai sagu la ashan hte ka na muk hpe nye a hpung shingkang shanu nga ai Sum chyinghka lam hta sha na rai ma ai.
33 Shanhte hpe aya dang ya ai aten hta mara raw htingrai htingrat ai hkungga sha lu na rai ma ai. Dai gaw chyoi pra nga ai majaw lusha dai hpe hkinjawng ni chyu sha sha mai nga ai.
34 Ashan rai ti mung, muk rai ti mung, jahpawt du hkra n sha ma ai rai yang, dai hpe nat kau na rai nga ai; dai gaw chyoi pra nga ai majaw n mai sha nga ai.
35 ?Ngai nang hpe tup hkrak hkang da ni ai hte maren, Arun hte shi a shadang sha ni hpe sanit ya tup aya dang ya ai daw jau amu galaw ya na rai ndai.
36 Nang gaw shani shagu shagu hkungga usu langai ngai nawng jau lu na rai ndai; shaloi yubak raw dat ai hkrum na rai ndai. Dai gaw tawn hkungri hpe jasan jaseng ya nga ai. Dai hpang dai hpe shachyoi shapra na matu tsanlun sau chya ya na rai ndai.
37 Dai amu hpe shani shagu ngu na nhtoi sanit ya tup galaw na rai ndai. Tawn hkungri gaw tsep kawp chyoi pra wa nna, dai hpe sa ahtawk hkra ai wa hte hkra ai arai hpa mung, de a chyoi pra ai daru magam hpung shingkang a majaw machyi ai hkrum na rai wu ai.
(Bhk 28:1-8)
38 ?Laning mi ladu hkrum sai sagu kasha lahkawng hpe tawn hkungri ntsa e shani shagu nawng jau nga lu na rai ndai.
39 Dai hpe jahpawt e langai mi, shana de langai mi nawng jau na rai nga ai.
40 Shawng nawng jau ai sagu kasha hta jet ai tsanlun sau laku mi hte kayau ai kaja ai hkaulan mam shadung pawng 2 hte sabyi jahku laku mi bang nna hkungga ru hkaw na rai ndai.
41 Hpang na sagu kasha hpe shana de nawng jau nna jahpawt e nawng jau yang lang ai hkaulan mam shadung, tsanlun sau hte sabyi jahku ni hpe shadang hte maren nawng jau na rai ndai. Dai gaw Ngai Madu a matu nawng jau ai lusha hkungga rai nna de a manam pyaw ai sangau gaw ngai hpe awng sharawng shangun nga ai.
42 Ndai wan nat hkungga hpe nye a hpung shingkang shanu nga ai Sum a chyinghka lam, nye a man e prat dingsa nat nawng na hkungga rai malit dai. Nye a amyu masha ni hte ngai hkrum ai dai shara hta nang hpe ga shaga na we ai.
43 Dai yang e Israela amyu masha ni hte ngai hkrum nna nye a htoi kabrim ai hpung shingkang hte chyoi pra shangun na nngai.
44 Dai Sum hte tawn hkungri ni hpe ngai shachyoi shapra na we ai; Arun hte shi a shadang sha ni hpe mung hkinjawng amu gun hpai let ngai hpe daw jau na matu san da na we ai.
45 Ngai gaw Israela amyu masha ni hta shanu nga nhtawm shanhte a Karai Kasang tai nga na nngai.
46 Ngai gaw shanhte hpe Egutu mung kaw nna woi shapraw wa ai dai Madu shanhte a Karai Kasang rai nga nngai hpe shanhte chye lu na mara ai; shaloi ngai gaw shanhte hta shanu nga lu na nngai. Ngai gaw dai Madu shanhte a Karai Kasang rai nga nngai.