24
Dai Madu gaw Mawshe hpe, ?Nang hte Arun, Nadab, Abihu hte hte Israela ningbaw marai sanit shi, ngai nga ai bum de lung wa marit. Nanhte gaw tsan tsan e dingnyawm nawku nga mu. Kaga kadai n lawm ai sha, nang chyu ngai kaw sit sa wa lu na rai ndai. Amyu masha ni pyi dai bum de lung lu na ma ai n rai,? ngu nna tsun wu ai.
Mawshe gaw yu sa nhtawm amyu masha ni yawng hpe dai Madu hkang da ai lam ni hte hkan sa na tara ni yawng hpe tsun shana wu ai; Amyu masha ni yawng gaw, ?Dai Madu anhte hpe tsun matsun mahkra hpe anhte hkan galaw na ga ai,? ngu nna rau sha tsun ma ai. Mawshe gaw dai Madu hkang da ai tara ni hpe ka jahkrat da wu ai. Hpang jahpawt manap jau jau aten hta, shi gaw bum lagaw e tawn hkungri langai gaw nhtawm Israela amyu bawsang shi lahkawng hta hkan nna amyu mi a matu langai ngai di let, nlung shi lahkawng jun da wu ai. Dai hpang shabrang ni hpe shi shangun dat nna, shanhte gaw dai Madu hpe shagu hkungga ni nat nawng nhtawm mahku hkungga a matu dumsu nkau mi hpe mung nawng jau ma ai. Mawshe gaw yam nga asai ka-ang hkup la nhtawm jarung ni hta bang da wu ai; kaga ngam ai ka-ang hkup hpe tawn hkungri hta lapri bun wu ai. Dai hpang dai Madu a hkang da ai ga matsun ni hpe ka da ai ga shaka laika hpe la nna, amyu masha ni a man e, dai hpe aja wa hti dan wu ai. Shanhte gaw, ?Dai Madu a ga hpe madat mara nna, shi hkang da sai lam shagu hpe anhte galaw na ga ai,? ngu nna tsun ma ai.
Dai hpang Mawshe gaw jarung ni hta rawng ai asai la nhtawm amyu masha ni a ntsa e lapri bun wu ai. Shi gaw, ?Da ndai gaw hkang da mada yawng hpe shi jaw ai shaloi, dai Madu nanhte hpe galaw da ai ga shaka hpe dazik shakap ai asai rai nga ai,? ngu nna tsun wu ai. Ref 24:8: Mat 26:28; Mrk 14:24; Luk 22:20; 1Ko 11:25; Heb 10:29.
Mawshe, Arun, Nadab, Abihu hte Israela ningbaw sanit shi hte gaw bum de lung wa ma ai rai nna 10 shanhte gaw Israela a Karai Kasang hpe mu ma ai. Shi a lagaw npu e sawm tsit ai lamu nsam zawn pru ai sahpira lung seng hte nep da nga ai. 11 Karai Kasang gaw Israela hpe woi awn nga ai masha ni hpe hpa mung n di wu ai; shanhte gaw Karai Kasang hpe mu ma ai rai nna shanhte rau lu rau sha nga ma ai.
12 Dai Madu gaw Mawshe hpe, ?Ngai nga ai bum de lung wa rit; ndai yang e nang nga nga ai shaloi, amyu masha ni hpe sharin achyin ya lu na matu, ngai ka da ai tara ni yawng lawm ai lungpa lahkawng ngai nang hpe jaw dat na we ai,? ngu nna tsun wu ai. 13 Mawshe hte shi hpe karum ai Yawshu yan gaw jin jin hkyen da nhtawm, Mawshe mahtang chyoi pra ai bum de lung hpang wu ai. 14 Mawshe gaw ningbaw ni hpe, ?An bai yu wa ai aten du hkra anhte a matu galaw da ai ndai yang na dabang hta ala nga mu. Arun hte Hura mung ndai yang e nanhte hte rau rai nga ma ai majaw nanhte hta ndang kalang lam pru wa jang shan kaw sa lu na rai myit dai,? ngu nna tsun wu ai.
15 Mawshe gaw Sina Bum de lung wa wu ai; Sumwi gaw dai bum hpe ka-up da nga ai. 16-17 Htoi kabrim ai Karai Kasang a hpung shingkang gaw bum ntsa e dan hkung nga ai hte bum pungding e wan hkru nga ai zawn Israela masha ni nga ai maga de htoi kabrim nga ai. Sumwi mung dai bum hpe kru ya tup ka-up da nhtawm sanit ya ngu na nhtoi hta dai Madu gaw Mawshe hpe sumwi kata kaw na ga shaga wu ai. 18 Mawshe gaw dai bum de lung mat wa nna sumwi kata de shang mat wa wu ai. Dai yang e nhtoi mali shi ya mali shi na nga nga wu ai. Ref 24:18: Trj 9:9.