22
?Marai langai ngai dumsu kanu shing n rai sagu langai ngai lagu la nna sat kau ai shing n rai dut kau ai rai yang, dumsu kanu langai mat ai a matu dumsu kanu manga, sagu langai mi a matu sagu mali bai wa lu na rai nga ai. 2-4 Shi hta wa na arai hpa mung n lu ai rai yang, shi galaw hkrup kau sai lagu ai arai hpe wa na matu mayam zawn shi dut kau ai hkrum na rai wu ai. Shi lagu la sai yam nga ni hta dumsu kanu mi rai rai, sagu mi rai rai, shi hta na chyahkrung mu la lu yang gaw htam lahkawng shi wa na rai wu ai.
?Lagut gaw shana e nta sa hpya nna rim hkrum ai hte sat kau hkrum ai rai yang, shi hpe sat ai wa gaw dai masha sat ai amu a majaw mara lu na wu ai n rai; rai ti mung shani e byin ai rai yang chyawm gaw dai masha sat ai amu a majaw mara lu nga ai.
?Marai langai mi gaw yi hkauna hta rai yang rai, sabyi sun hta rai yang rai, shi a yam nga ni hpe makret sha shangun nna, kaga masha wa a yi hkauna de dat shalam dat nna, tu nga ai nsi naisi hkai nmai ni hpe abrut sha kau shangun ai rai yang, shi a yi hkauna shing n rai sabyi sun na kaja ai hkai nmai ni hpe shapraw nna, bai wa lu na rai wu ai.
?Marai langai ngai gaw shi a yi sun hpe wan nat dat ai hte dai gaw tsingdu tsingman hta hkru hkrawn mat wa nhtawm kaga masha wa a yi sun hta tu nga ai hkai nmai shing n rai dan da sai hkauling sumpum hpe hkru kau ya ai rai yang, dai wan jahkru dat ai wa mahtang hten za mat ai a matu wa na rai wu ai.
?Marai langai ngai gaw kaga wa a gumhpraw shing n rai, shi a matu manu dan ai arai ni hpe kyem da na matu myit hkrum da ai arai ni hpe shi a nta kaw na lagut e lagu la hkrum mat ai rai yang, dai lagut hpe bai mu tam ai shaloi, dai lagut wa htam lahkawng bai wa lu na rai wu ai. Rai ti mung, lagut hpe n mu tam ai rai yang chyawm gaw dai manu dan ai arung arai ap da hkrum ai wa mahtang nawku shara de sa nna, kaga masha wa a sut rai hpe shi n lagu la ai lam dagam shaka na rai wu ai.
?Sut rai hte seng nna ndang kalang hkat ai lam shagu hta dumsu, lawze, sagu, hpun palawng re ai hte kaga mat ai arai ni lawm nga ai. Shan lahkawng gaw dai sut rai ni hpe nawku ai shara de la sa na rai ma ai. Karai Kasang e mara lu ai ngu tsun hkrum ai wa mahtang kaga wa hpe htam lahkawng wa lu na rai wu ai.
10 ?Marai langai ngai gaw kaga wa a lawze, dumsu kanu, sagu hte kaga yam nga ni hpe bau rem ya na matu myit hkrum da ai hta na, si mat ai rai ti mung, hkala nna machyi ai rai ti mung, garawt hpai mat wa ai rai ti mung, sakse n nga ai rai yang, 11 rem ya ai wa gaw nawku ai shara de sa nna kaga wa a yam nga hpe shi n lagu la ai lam dagam shaka na rai wu ai. Dai yam nga n lagu la hkrum ai rai yang, arai madu mung hkraw ya ai hte kaga wa mung shi hpe wa ra na wu ai n rai; 12 rai ti mung, dai yam nga lagu la hkrum sai rai yang chyawm gaw rem ya ai wa mahtang arai madu hpe wa ra na rai wu ai. 13 Dai gaw matse labye dusat e kawa sat ai rai yang mung, sakse madun lu na matu ngam ai si mang hpe la wa na rai wu ai. Matse labye dusat ni e kawa sat hkrum ai a matu shi wa ra na wu ai n rai.
14 ?Marai langai ngai gaw kaga wa kaw na yam nga hpe shap la nna, de a madu n nga ai laman hkala nna machyi mat ai rai ti mung, si mat ai rai ti mung, de a matu dai wa teng teng wa lu na rai wu ai. 15 Rai ti mung, madu nga ai aten laman byin ai rai yang chyawm gaw dai masha wa wa ra na wu ai n rai. Shap la ai yam nga rai yang shap jahpu hte mat mat ai a manu hpyi la na rai wu ai.
16 ?Lasha langai gaw kadai mung garai n mahtan ai hkawn jet hpe lau la nna roi kau ai rai yang, shi hpe hpu ja bang nna hkungran la na rai wu ai.Ref 22:16-17: Trj 22:28-29. 17 Rai ti mung, shi a kawa mahtang shi hpe jaw sha na matu n hkraw ai rai yang, hkawn jet a matu hpu ja bang ang ai made, kawa hpe gumhpraw hte wa lu na rai nga ai.
18 ?Mandan chye galaw ai num kadai mung si lu na rai wu ai. Ref 22:18: Trj 18:10-11.
19 ?Yamnga hte kanawn ai wa kadai mung sat kau ai hkrum na rai wu ai. Ref 22:19: Jaw 18:23; 20:15,16; Trj 27:21.
20 ?Dai Madu Ngai hta lai nna hpara shaje hpe shagu hkungga nawng jau ai wa kadai mung si ari daw dan ai hkrum na rai wu ai. Ref 22:20: Trj 17:2-7.
21 ?Maigan masha wa hpe n sawn n sang di nna hkum dip gamyet sha et. Nanhte Egutu mung e maigan masha tai yu manit dai hpe adum nga mu. Ref 22:21-22: Pru 23:9; Jaw 19:33-34; Trj 24:17-18; 27:19. 22 Gaida jan hte chyahkrai ma hpe n gawn n sawn hkum di myit. 23 Nang shing di ai rai yang, shanhte ngai kaw karum hpyi ai shaloi, Ngai Madu nan shanhte a nsen hpe htan ya nna, 24 ngai masin pawt wa ai hte nanhte hpe majan e sat kau na we ai. Nanhte a madu jan ni gaida jan ni tai mat nna nanhte a kashu kasha ni mung chyahkrai tai mat na mara ai.
25 ?Nang gaw matsan mayan rai nga ai nye a amyu masha ni hta na kadai hpe mung gumhpraw hkoi ya ai rai yang, gumhpraw boi sha ai wa zawn hkum di et; shi kaw na amyat hpa mung hkum hpyi et. Ref 22:25: Jaw 25:35-38; Trj 15:7-11; 23:19-20. 26 Marai langai ngai gaw ga sadi hte nang kaw shi a ntsa palawng sa tang da ai rai yang, dai hpe jan garai n du ai shaloi shi hpe bai nhtang ya lu na rai ndai, Ref 22:26-27: Trj 24:10-13. 27 hpa majaw nga yang, shi a hkum shalum na ntsa palawng gaw dai chyu sha rai nga wu ai. Dai sha n-ga, shi kaning rai lu yup na rai nga a ta? Ngai kaw shi karum hpyi ai shaloi, ngai nan matsan dum nga nngai majaw shi hpe htan ya na nngai.
28 ?Karai Kasang hpe n sawn n sang hkum rai et; na a amyu masha ni hta na ningbaw wa hpe hkum matsa et. Ref 22:28: Kas 23:5.
29 ?Shawng myin ai na a nsi naisi, sabyi jahku hte tsanlun sau ni ngai hpe jaw jau lu na rai ndai.
Shawng shaprat ai na a shadang sha alat ni ngai hpe jaw na rai ndai. 30 Shawng hkrat ai dumsu hte sagu hpe mung jaw lu na rai ndai. Shawng shangai ai alat gaw shi a kanu hte nhtoi sanit ya tup nga nna, matsat ya nhtoi du jang, ngai kaw sa nawng jau lu na rai ndai.
31 ?Nanhte gaw nye a amyu masha ni rai nga myit dai, dai rai nna matse labye dusat ni e kawa sat da ai yam nga shan hpe sha lu na n rai; shing rai sha na malai, gwi ni hpe kabai jaw kau na rai ndai.