20
(Trj 5:1-21)
1 Ndai ni gaw Karai Kasang tsun ai shi a mungga ni rai nga ai:
2 ?Ngai gaw nang mayam sa tai nga ai Egutu mung kaw na woi shapraw wa ai dai Madu na a Karai Kasang rai nga nngai.
3 ?Ngai hta kaga karai kasang shaje hpe nawku lu na n rai.
4 ?Sumsing lamu hta mung, ginding aga ntsa e mung, ga a npu na hka hta rawng ai arai hte bung ai sumla ni mung, nang na a matu hkum galaw et. Ref 20:4-5: Pru 34:17; Jaw 19:4; 26:1; Trj 4:15-18; 27:15.
5 Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai. Ref 20:5-6: Pru 34:6-8; Bhk 14:18; Trj 7:9-10.
6 Rai ti mung, ngai hpe tsaw ra nna nye a tara ni hpe madat mara ai ni hpe chyawm gaw prat ban hkying mun du hkra, nye a tsaw ra myit madun nga nngai.
7 ?Nye a mying ningsang hpe n hkru ai shatawng shada lam ni hta hkum lang et. Ngai gaw dai Madu na a Karai Kasang rai nga nngai majaw, nye a mying ningsang hpe n sawn n sang di ai wa kadai hpe mung ari jaw na we ai. Ref 20:7: Jaw 19:12.
8 ?Bansa Nhtoi hpe hkungga lara ai hte dai nhtoi hpe shachyoi shapra nga u. Ref 20:8: Pru 16:23-30; 31:12-14.
9 Na a magam bungli shachyen na, kru ya nhtoi tup nang lu nga ndai, Ref 20:9-10: Pru 23:12; 31:15; 34:21; 35:2; Jaw 23:3.
10 rai ti mung, sanit ya nhtoi gaw nye a matu ap nawng da sai bansa ai shani rai nga ai. Dai shani e, nang mung, na a kashu kasha ni mung, na a mayam ni mung, na a yam nga ni mung, na a mung hta sa shanu nga ai maigan masha ni kadai mung magam bungli galaw lu na myit dai n rai.
11 Ngai Madu nan dai kru ya laman e, sumsing lamu hte ginding aga, panglai hte dai hta rawng marawng mahkra hpe hpan shajang da ni ai; rai ti mung, sanit ya shani e chyawm gaw ngai bansa la nngai. Dai re ai majaw, Ngai Madu nan dai Bansa Nhtoi hpe shaman ai hte dai hpe shachyoi shapra da ni ai. Ref 20:11: Nin 2:1-3; Pru 31:17.
12 ?Na nnu yan nwa hpe hkungga lara di u; shaloi ngai nang hpe jaw da ai lamu ga hta asak galu ai hte shanu nga lu na ndai. Ref 20:12: Trj 27:16; Mat 15:4; 19:19; Mrk 7:10; 10:19; Luk 18:20; Ehp 6:2.
13 ?Masha hkum sat et. Ref 20:13: Nin 9:6; Jaw 24:17; Mat 5:21; 19:18; Mrk 10:19; Luk 18:20; Rom 13:9; Yak 2:11.
14 ?Num shaw la shaw amu hkum shut et. Ref 20:14: Jaw 20:10; Mat 5:27; 19:18; Mrk 10:19; Luk 18:20; Rom 13:9; Yak 2:11.
15 ?Masha arai hkum lagu et. Ref 20:15: Jaw 19:11; Mat 19:18; Mrk 10:19; Luk 18:20; Rom 13:9.
16 ?Kadai hpe mung n teng n man ai hku mara hkum shagun et. Ref 20:16: Pru 23:1; Mat 19:18; Mrk 10:19; Luk 18:20.
17 ?Kaga masha wa a nta hpe ra marit ai myit hkum rawng et. Shi a madu jan hpe mung, mayam num ni hpe mung, shi a dumsu hte lawze ni hpe mung, shi madu tawn ai arai hpa hpe mung hkum ra marit nga et. Ref 20:17: Rom 7:7; 13:9.
(Trj 5:22-23)
18 Amyu masha ni gaw mu ngoi ai hte pahtau ngoi garu ai nsen na nna myi hprap galam ai hte wan hkut hku ai bum hpe mu ma ai shaloi, shanhte hkrit gari mat ai hte tsan tsan e tsap nga ma ai. Ref 20:18-19: Heb 12:18-19.
19 Shanhte gaw Mawshe hpe, ?Nang anhte hpe tsun ai rai yang chyawm gaw anhte madat na ga ai; rai ti mung, Karai Kasang anhte hpe tsun ai rai yang, anhte hkrit ga ai, anhte si mat na ga ai,? ngu nna tsun ma ai.
20 Mawshe gaw, ?Hkum hkrit myit; Karai Kasang gaw nanhte hpe chyam yu na matu du sa nu ai rai nna, shi a ga hpe tut nawng madat shangun mayu nga ai, shaloi nanhte yubak n galaw hkrup na rai myit dai,? ngu nna htan wu ai.
21 Rai ti mung, amyu masha ni mahtang tsan tsan e sha atsap nga ma ai rai nna, Mawshe chyu sha Karai Kasang nga ai dai htat ai sumwi de shani sa wa wu ai.
22 Dai Madu gaw Israela amyu masha ni hpe ning ngu tsun na matu Mawshe hpe hkang da wu ai: ?Sumsing lamu kaw nna nanhte hpe Ngai Madu nan kaning ngu tsun shaga dat ni ai hpe nanhte mu manit dai.
23 Ngai hpe nawku ai hta, tinang a matu aja hpara, gumhpraw hpara ni hpe galaw lu na myit dai n rai.
24 Nye a matu chyawm gaw hkungri langai galaw nhtawm, de a ntsa e na a sagu dumsu ni hpe mahku hkungga ngu nna hkum dingnawng nat nawng ai shagu hkungga hpe nawng ya e. Ngai hpe nawku lu na matu mung, shara shagu hkan na a matu shara ni hpe ngai san da ya na de ai. Ngai nang kaw sa nna shaman ya na de ai.
25 Nye a matu nlung hkungri nang galaw ai rai yang, tawk shapri da ai nlung hte hkum galaw et, tawk shapri da ai nlung hpe nang lang ai a majaw dai ni gaw nye a akyu jashawn lang ai hta n htap n htuk shangun nga ai. Ref 20:25: Trj 27: 5-7; Ysh 8:31.
26 Hkungri ntsa de lung wa ai lakang rawng ai hkungri hpe nye a matu galaw lu na n rai; dai zawn re ai hpe nang galaw ai rai yang, dai lakang hku nang lung wa ai shaloi na a kaya kahpa dawng wa na lit dai.