6
1 Ma ni e nanhte a Kanu yan Kawa a ga hpe madat mara nga mu, shing rai galaw ai
gaw Hkristan ni hku nna galaw na ang ai
amu rai nga ai;Ref 6:1: Gsh 23:22; Kol 3:26.
2 Chyum Laika hta, ?Na nnu yan nwa hpe hkungga lara di mu, shing rai yang nang
ngamu ngamai ai hkrum nna ga ntsa e asak
galu ai hte nga lu na ndai,? nga ai.
3 Shing nga nna htet da ai ga gaw ga ndat lawm ai shawng ningnan na hkang da ai ga
rai nga ai.Ref 6:3: Pru 20:12; Trj 5:16; Mat 15:4.
4 Nanhte mung Nu wa ni e, nanhte a kasha ni hpe masin pawt na hku hkum galaw mu. Shing
rai na malai shanhte hpe dai madu a daru
sharin lam hte matsun madun ai hta bau
maka nga mu.Ref 6:4: Trj. 4:9;
Gsh 19:18; 22:6; Kol 3:21.
5 Mayam ni e, nanhte Hkristu hpe daw jau nga ai zawn, nanhte a shinggyim madu
ni hpe madat mara let hkrit kamyin ai
hte myit malang nna myit su ai hku galaw
mu.Ref 6:5: 2Ko 7:15; Hpl 2:12; Tit 2:9;
1Pe 2:18.
6 Madu ni yu nga ai shaloi myi man pa mayu ai majaw sha hkum galaw myit; Hkristu a mayam
ni zawn, Karai Kasang a myit ra ai hku hte
maren, myit masin yawng hte galaw nga mu.
7 Masha a matu daw jau ai zawn sha n rai, dai Madu a matu zawn sharawng awng ai
myit hte nanhte a amu bungli hpe galaw
nga mu.
8 Mayam hpe rai ti mung, shanglawt hpe rai ti mung Karai Kasang gaw langai hte
langai hpe shi galaw ai mai kaja ai amu
a matu jaw htang na ra ai dum chye nga
mu.
9 Madu ni e, nanhte mung dai hte maren nanhte a mayam ni a ntsa e galaw hkan sa nga mu;
shanhte hpe jahkrit ai lam ni jahkring kau
mu. Nanhte hte nanhte a mayam ni gaw sumsing
lamu hta e Madu langai sha hte seng ai ni
rai nna dai Madu gaw langai hte langai hpe
myi man n lata ai sha tara daw dan ai wa
rai nga ai hpe myit dum nga mu.Ref 6:9: Jaw 25:43; Rom 2:11; 1Ko 7:22; Kol 4:1.
10 Hpang jahtum dai Madu hte langai sha tai ai hku nna mung, shi a hpung shingkang
hte mung, nanhte a n-gun lapyin shagreng
da nga mu.
11 Nat e maw ai hkalem hkalau ai lam ni yawng hte hpe nanhte hkap manga kau lu
myit ga, Karai Kasang nanhte hpe jaw da
ai hpyen hking nlang hpe bu hpun dagraw
da nga mu.Ref 6:11: Rom 13:12; 2Ko 6:7; 1Ht 5:8.
12 Hpa majaw nga yang, anhte shinggyim masha ni hte gasat hkat nga ai n rai; sumsing
lamu lahta tang e nga ai n hkru n hkra
ai nat luksuk ni hte mung, ndai sin mak
ai mungkan hpe up hkang nga ai du ni,
ahkang aya lu ai ni hte gasat gala hkat
nga ga ai.
13 Dai re ai majaw, Karai Kasang a hpyen hking nlang hte hpe ya jang bu hpun dagraw
da nga mu. Shing rai jang she n hkru n hkra
ai hte ruyak ai nhtoi du ai shaloi nanhte
gaw hpyen wa a gasat gala ai lam ni hpe
hkap manga kau lu na myit dai. Jahtum du
hkra gasat shangut ai hpang e mung, nanhte
ngang ngang kang kang lahpran tsap nga lu
na marin dai.
14 Dai rai nna nanhte a nshang hpe teng man ai hte shingkyit zawn kyit da nna, ding
hpring ai hpe sinda magap zawn dagap
nhtawm,Ref 6:14: Esa 11:5; 59:17; 2Ko 6:7; 1Ht 5:8.
15 Ngwi pyaw ai Kabu Gara Shiga hpe tsun shana na matu jin jin rai nga u ga, lagaw hta
hkyepdin din let lahpran tsap nga mu.
16 Dai hta n ga, makam masham ngu ai n- gang hpe tut nawng e lang da nga mu; hpa majaw
nga yang nanhte gaw dai n gun hte N hkru
N hkra ai Wa gap dat ai wan pala nlang hte
hpe sat dang kau lu na myit dai.
17 Bai hkye hkrang la ai lam hpe hpri gup chyawp zawn, hkap chyawp la nna, dai Wenyi
e jaw ya ai Karai Kasang a mungga ngu ai
nhtu hpe ahpye nga mu.Ref 6:17: 1Ht 5:8; Heb 4:12; Shr 19:15.
18 Karai Kasang kaw na karum ai lam lu la u ga, hpyi nem let akyu hpyi ai hta ndai lam
yawng hte hpe agalaw nga mu. Ndai lam a
majaw amaja nga mu; galoi mung myit shayaw
asum hkum jaw myit; Karai Kasang a masha
ni a matu tut tut akyu hpyi nga
mu.
19 Ngai tsun na matu jin ai ten hta Karai Kasang ngai hpe mung sumtu jaw u ga, hte
dai Kabu Gara Shiga a sung htum ai lachyum
hpe n hkrit n kang nden marai hte tsun
dan lu hkra nye a matu mung akyu hpyi nga
mu.
20 Ya ngai bawng dung ai wa rai nga ti mung, dai Kabu Gara Shiga a jaw e kasa langai
mi rai nga nngai; Dai Kabu Gara Shiga hpe
hkaw tsun na ngai hta lit nga ai hte maren
nden ja ai hte tsun shana lu u ga, akyu
hpyi nga mu.
21 Ngai kaning rai nga ai shiga azin ayang hpe nanhte chye lu hkra dai Madu a bungli
hta kangka sadi dung ai shangun ma rai
nga ai anhte a tsaw ra ai hpu nau wa Tuhkiku
gaw nanhte hpe tsun dan na ra
ai.Ref 6:21: Kas 20:4; Kol 4:7; 2Tm 4:12.
22 Dai re ai majaw, anhte yawng kaning rai nga ga ai lam shiga yawng nanhte hpe tsun
dan u ga hte, nanhte hpe karum n-gun jaw
ya na matu shi hpe nanhte hpang de shangun
dat se ai.
23 Kawa Karai Kasang hte Madu Yesu Hkristu gaw Hkristan hpu nau ni yawng hpe ngwi
pyaw ai, tsaw ra ai hte, makam masham
jaw ya u ga law.
24 Galoi mung n hpoi n hten mat lu ai tsaw ra myit hte anhte a Madu Yesu hpe tsaw ra nga
ai ni nlang hte hta Karai Kasang a chyeju
gaw anga nga u ga law.