47
Dai masha wa gaw Nawku Htingnu chyinghka de ngai hpe bai woi nhtang wa ai. Hka gaw chyinghka hkinbawng npu kaw nna pru wa nhtawm Nawku Htingnu man yawng ai sinpraw de lwi mat wa nga ai. Dai hka gaw Nawku Htingnu a dingda npu na hpaw pru wa nhtawm tawn hkungri a dingda maga de lwi mat wa nga ai. Ref 47:1: Zeh 14:8; Yhn 7:38; Shr 22:1. Shi gaw dingdung chyinghka lam hku Nawku Htingnu kata kaw nna woi shapraw la nhtawm sinpraw de yawng ai chyinghka grup yin de ngai hpe woi sa wa ai. Dai yang e, hka shi kasha langai mi gaw dingda chyinghka kaw nna lwi pru nga ai. Dai masha wa gaw shi a shadawn ningren hte sinpraw maga de lwi hkrat mat wa ai hka hpe pe 1680 du hkra shadawn nna dai hka shi hku rap sa wa na ngai hpe tsun wu ai. Hka dai gaw hkarutum kaw sha du nga ai. Dai hpang, shi gaw jat nna pe 1680 du hkra bai shadawn yang, hka dai gaw nye a lahput kaw du nga ai. Bai pe 1680 matut shadawn yang, hka dai gaw nye a nshang kaw du nga ai. Shi gaw matut nna pe 1680 du hkra bai shadawn yang, dai hka grai sung sai majaw ngai n lu rap kawt lu ni ai. Dai hka gaw nau sung nga sai majaw hpungyawt rap na hta lai nna kaga lam n nga nga sai. Shi gaw ngai hpe, ?Si chye ai masha wa e, ndai lam yawng hte hpe atsawm sha matsing tawn u,? ngu nna tsun wu ai.
Dai hpang, dai masha wa gaw hka kau de ngai hpe bai woi nhtang wa ai hte dai yang e ngai du ai shaloi, hka kau a ndai hkran hte wora hkran maga lahkawng de hpun ni law law tu nga ai hpe ngai mu nngai. Shi gaw ngai hpe, ?Ndai hka gaw hkarang hku nna sinpraw de lwi wa nhtawm Yawdan Kadit hte Jum Nawng de lwi shang mat wa nga ai. Hka dai Jum Nawng de lwi shang wa ai shaloi, panglai jum hka hpe hka kaja hte galai ya nga ai. Hka dai lwi ai shara shagu hta dusat dumyeng hte nga hkum sumhpa yawng rawng nga na ra ai. Hka dai gaw Jum Nawng hpe mu shangun nna, shi lwi mat wa ai shara shagu hkan asak hkrung nga na mara ai. 10 Engedi hka deng ni kaw nna Engalim hka deng lam dingyang, nga hkan sha ai masha ni hkin-gau hkan nga nna shanhte a sumgawn ni hpe hpyan lam da na mara ai. Dai shara hta law la ai nga amyu myu hte gaw Ka-ang Panglai e rawng ai ni zawn, law htam wa na mara ai. 11 Rai ti mung, hka kau mayan hku na hka sha-it hte hkumpup nawng hka ni chyawm gaw mu na n rai. Dai ni gaw dai shara hta jum ing ai shara tai na ra ai. 12 Dai hka hkin-gau maga mi hte maga mi de sha mai ai hpun amyu myu tu na ra ai; de a alap ni gaw galoi mung n nyip ai sha asi mung n wai na ra ai. Nawku Htingnu na lwi pru ai hka a majaw, mu ai namsi shata shagu si na ra ai. Hpun ni mung sha na namsi si jaw nna de a alap ni gaw amyu masha ni hpe shamai shatsai ai lam hta lang lu na ra ai,? ngu nna tsun ai. Ref 47:12: Shr 22:2.
13 Tsaw Htum ai dai Madu gaw, ?Ndai mungdan a lamu ga jarit ni gaw amyu bawsang shi lahkawng a lapran garan ya na lamu ga ni hte Yosep a amyu bawsang hta na mungdaw lahkawng lu la na lam ni rai nga ai. 14 Ngai gaw nanhte a nji nwa ni hpe ga sadi dagam da sai hte maren, ndai mungdan shanhte hpe ngai jaw we ai; ya chyawm gaw ndai mungdan hpe nanhte a lapran e maren mara garan la manu.
15 ?Dingdung maga de na lamu ga jarit gaw Ka-ang Panglai kaw nna sinpraw maga de nga ai Hetlon, Hamat Uhkan hte Zedad mare de byawn, 16 dai gaw Berohta hte Sibraim mare ni de htuk rai nga ai (dai ni gaw Damasku mung hte Hamat mung a lapran kaw nga ai mare ni rai nga ai), dai kaw nna Tikon mare de byawn rai nga ai (dai mare gaw Hauran ginwang a jarit makau e nga nga ai.) 17 Dai rai nna, dingdung maga de na lamu ga jarit gaw Ka-ang Panglai kaw nna sinpraw maga Enon mare du hkra, Damasku mungdaw a lamu ga jarit hte de a dingdung maga nga ai Hamat mare du hkra rai nga ai.
18 ?Sinpraw maga de na lamu ga jarit gaw Damasku mungdaw hte Hauran mung lapran nchyun shara kaw nna dingda daw Yawdan hka dingyang yu wa nhtawm Jum Nawng hte htep re ai Tamara mare du hkra rai nga ai. Dai Yawdan Hka gaw sinna maga Israela mung hte sinpraw maga Gilead mung yan hpe garan da ai jarit rai nga ai.
19 ?Dingda maga de na lamu ga jarit gaw sinna dingda maga Tamara kaw nna Kadesha Meriba hka hpawk pru ai shara du; dai hpang, sinna dingdung Egutu mung lamu ga jarit mayan kaw nna Ka-ang Panglai du hkra rai nga ai.
20 ?Sinna maga de na lamu ga jarit gaw Ka-ang Panglai hte dingdung de Hamat Uhkan a sinna jut du hkra rai nga ai.
21 ?Ndai lamu ga hpe nanhte amyu bawsang ni a lapran garan la na rai myit dai; 22 dai gaw nanhte a htani htana hte seng ai lamu ga sali rai nga ai. Nanhte a lapran e hkan matep nga ai hte dai lamu ga hta shangai wa sai kashu kasha ni lu ai maigan masha ni mung, nanhte dai lamu garan ai shaloi, lamu ga sali hkam la na rai ma ai. Shanhte hpe Israela mungchying masha ni hte maren masat la nna Israela amyu bawsang ni hte rau lamu ga sali hpe hpaida da la lu na ma ai. 23 Mungdan kata shanu nga ai maigan masha shagu gaw shi shanu nga ai Israela amyu masha ni a ka-ang hta shi a sali wunli hkam la lu na ra ai. Tsaw Htum ai dai Madu ngai nan tsun ni ai.?