45
Amyu bawsang shagu hpe lamu ga sali hku garan jaw ai shaloi, ga dachyawk langai mi gaw dai Madu a matu nawng ya ra nga ai. Dai gaw galu de deng 10 rai nna nda de deng 8 rai na rai nga ai. Dai shara yawng hte gaw chyoi pra ai shara tai na ra ai. Dai shara hta Nawku Htingnu a matu man mali maren re ai ga dachyawk nga nna man maga ga de pe 840 galu nhtawm, de a grup yin ting hta pe 84 dam ai htingwan rai na ra ai. Galu de deng 10, nda de deng 4 dam ai shara hpe shadawn nhtawm dai shara a ka-ang hta Nawku Htingnu ngu ai yawng hta chyoi pra htum ai shara tai na ra ai. Dai gaw mungdan a chyoi pra ai shara tai nna dai Madu a Nawku Htingnu hta daw jau ai hkinjawng ni a matu san da ya na ra ai. Dai shara gaw shanhte a dum nta ni hte Nawku Htingnu a matu lamu ga tai na ra ai. Dai shara a kaga ka-ang hkup ngu na lamu ga gaw Nawku Htingnu kata hta amu galaw ai Lewi amyu masha ni madu da na matu san da ai shara tai na ra ai. Shanhte shanu nga na matu, dai shara hta mare kahtawng ni nga nga na ra ai.
Chyoi pra ai shara hte htep re ai shara hta, galu de deng 10, nda de deng 2 dam ai kaga shara gaw Israela amyu masha ni kadai rai tim mai shanu nga na mare a matu san da nga ai.
Mungdan up hkang ai du wa a matu mung lamu ga hpe san da ya nga ai. Chyoi pra ai shara a sinna lamu ga jarit kaw nna, sinna maga de nga ai Ka-ang Panglai du hkra dam na ra ai; chyoi pra ai shara a sinpraw lamu ga jarit kaw nna mungdan a sinpraw maga de na jarit du hkra dam nga ai, dai dam ai gaw Israela amyu bawsang langai mi hpe garan jaw ai shara daram kaba nga ai. Israela mungdan na dai shara gaw mungdan up hkang du wa a sali tai na ra ai, shi gaw amyu masha ni hpe loi mi mung zingri zingrat na n rai, dai hta n-ga, naw ngam ai lamu ga hpe mung Israela amyu bawsang ni hpe madu la shangun na ra ai.
Tsaw Htum ai dai Madu gaw, ?Israela a up hkang du ni e, nanhte yubak mara galaw shut ai gaw nau wa na la manit dai! Nanhte galaw ai kashun kashe du daw sai hkaw amu hte dip gamyet sha ai amu ni hpe kau da manu. Ding hpring ai hte teng man ai amu hpe galaw nga mu. Nye a amyu masha ni hpe shanhte a mungdan kaw nna galoi mung bai hkum gau shapraw myit. Tsaw Htum ai dai Madu ngai nan nanhte hpe dai lam hkang da nga nngai.
10 ?Masha shagu ding man ai joi jang hte shadawn shadang ni hpe lang lu na rai nga ai:
11 ?Gun rai chyahkraw hpe hteng ai ehpa gaw ntsin hteng ai bat hte maren rai ra ai. Shadawn shadang gaw Home rai nga ai. Akyu jashawn jai lang ai shadaw shadang ni gaw lawu de na hte maren rai nga ai:
home
= 10
ehpa
= 10
bat
12 ?Nanhte a joi si ni gaw ndai hku rai nga ai:
gera
= 1
shekela
shekela
= 1
mina
13-15 ?Nanhte jaw ya na hkungga gaw ndai hku rai nga ai:
Hkaulan mam: 1/60, shu la lu ai htam 60 kaw na htam mi
Muk-yaw mam: 1/60, shu la lu ai htam 60 kaw na htam mi
Tsanlun sau: 1/100, hpun kaw na pru ai htam 100 na htam mi
 
(Dai ni hpe bat hte hteng ra ai,
bat
10
bat
= 1
home
= 1
hkora
)
Sagu: Israela a tsit lali ai udat shara na sagu 200 rai shagu, langai mi jaw ya ra ai.
?Nanhte gaw shadung hkungga ni hpe mung, hkum ting nat nawng na dusat ni hpe mung, mahku hkungga ni a matu dusat ni hpe mung la sa na myit dai, shaloi nanhte a shut hpyit ai yubak mara ni raw dat ai hkrum na ra ai. Tsaw Htum ai dai Madu ngai nan dai amu hpe hkang da ni ai.
16 ?Mung masha ni yawng hte gaw Israela mung hpe up hkang ai du wa hpe ndai hkungga ni sak jaw lu na mara ai. 17 Hkum ting nat nawng na dusat ni hpe mung, shadung hkungga ni hpe mung, shata praw e galaw ai poi ni, Bansa nhtoi ni hte ndat da ai poi ni hta amyu ting a matu jaw ya na sabyi hkungga ni hpe shapraw ya na, shi a lit rai nga ai. Israela amyu masha ni a shut hpyit ai yubak mara ni hpe la kau ya na matu, mara raw hkungga, shadung hkungga, hkum ting nat nawng na hkungga hte mahku hkungga ni hpe shi shapraw ya na ra ai,? ngu nna tsun ai.
(Pru 12:1-20; Jaw 23:33-43)
18 Tsaw Htum ai dai Madu gaw, ?Shawng shata a langai ya shani e, ra n rawng ai usu uram hpe shagu hkungga nawng ya nhtawm Nawku Htingnu hpe jasan jaseng ra nga ndai. 19 Hkinjawng wa mung dai mara raw hkungga asai nkau mi la nhtawm Nawku Htingnu a chyinghka shadaw ni hta mung, tawn hkungri a jut shara mali hta mung, kata wang de shang wa ai chyinghka lam na shadaw ni hta chya na ra ai. 20 Shawng shata a sanit ya ngu na shani e, dingsang sang n re ai hte angawk nna tawt lai ai yubak mara a matu, dai hte maren nang galaw ra nga ndai. Dai lam hku nna sha, Nawku Htingnu hpe nang shachyoi shapra lu na rin dai.
21 ?Shawng shata a shi mali ya shani e, nanhte gaw Shalai Wa Ai Poi hpe galaw hpang na rai myit dai. Masha shagu mung dai nhtoi sanit ya tup matsi n rawng ai muk sha na myit dai. Ref 45:21: Pru 12:1-20; Bhk 28:16-25. 22 Dai ndat da ai poi shani e, up hkang du wa gaw shi a hkum hte amyu masha ni yawng a matu mara raw hkungga usu langai mi shapraw ya na ra ai. 23 Poi galaw ai sanit ya tup hta, shi gaw ra n rawng ai usu sanit hte sagu la sanit hpe dai Madu hpang de nawng ya nhtawm dai ni hpe hkum ting nat nawng na ra ai. Dai sha n-ga, shi gaw mara raw hkungga a matu shani shagu bainam la langai nawng jau na rai nga ai. 24 Hkungga nawng ya sai usu hte sagu la shagu a matu shadung hpai mi hte tsanlun sau palin masum hte daw mi mung shapraw na rai nga ai.
25 ?Dai shata sanit a shi manga ya shani e galaw ai Sum Poi a matu mung, up hkang du wa gaw sanit ya tup hkan ai htung hte maren, mara raw hkungga, hkum ting nat nawng ai wan nat hkungga, shadung hkungga hte tsanlun sau hkungga ni hpe nawng jau na ra ai,? ngu nna tsun wu ai. Ref 45:25: Jaw 23:33-36; Bhk 29:12-38.