23
1 ?Dawn kau hkrum ai, shing n rai lasha hkrang daw kau hkrum ai lasha kadai mung dai Madu a amyu masha hpawng hta lawm mai nga ai n rai.
2 ?N-gyi ma rai ti mung, shing re ai masha hta ban shi du hkra pra hkrat wa ai matu mara ni kadai mung dai Madu a amyu masha hpawng hta lawm mai nga ma ai n rai.
3 ?Amon hte Moba masha ni hta ban shi du hkra pra hkrat wa ai shanhte a matu mara ni kadai mung dai Madu a amyu masha hpawng hta lawm mai nga ai n rai. Ref 23:3-5: Neh 13:1-2.
4 Nanhte Egutu mung na pru wa myit dai shaloi, malu masha hte lu hka ntsin nanhte hpe n hkap jaw ma ai majaw mung, nanhte hpe hkap matsa na matu Mesopotamia mung Pehtora mare na Beora a kasha Balam hpe saw shaga da ma ai.
5 Rai ti mung dai Madu nanhte a Karai Kasang gaw Balam a ga n madat ai sha, shing di na malai shi nang hpe tsaw ra nga ai majaw dagam ai hpe shaman ai shatai kau ya wu ai. Ref 23:5: Bhk 23:7-24:9.
6 Nanhte gaw amyu baw hku grin nga dingsa, ndai masha amyu baw ni hpe karum la na matu mung, shanhte hpe ngamu ngamai shangun ai lam galoi mung hkum galaw ya myit.
7 ?Edom masha ni hpe chyawm gaw n kaw n law hkum rai myit; shanhte gaw nanhte a kahpu kanau ni rai ma ai. Egutu masha ni hpe mung n sawn n sang hkum rai myit; shanhte a mungdan hta nanhte nga yu manit dai.
8 Ban masum a hpang pra sa wa ai shanhte a matu mara ni mahtang dai Madu a amyu masha hpawng hta lawm mai na rai ma ai.
9 Nanhte gaw majan aten, dap kata e rawng nga myit dai shaloi, nanhte hpe n san n seng shangun ai lam magup hpe koi gam lu na rai myit dai.
10 Shana mu ai yup mang hta byin chye ai madi manyap a majaw marai langai ngai hta n san n seng mat ai rai yang, dai wa gaw dap shinggan de pru sa nna dai yang e nga nga na rai wu ai.
11 Shi gaw jan du wa maga de shi hkum nan hka shin kau nna jan shang jang mahtang dap de shi bai nhtang shang mai na rai wu ai.
12 ?Nanhte a nam sa shara mung dap a shinggan de rai na rai myit dai.
13 Tinang a hpyen rai langai zawn alang nga ai shingban hpe lang nna, tinang hkum sa tsan yang, dai hte nhkun htu nna bai kaput kau da na rai myit dai.
14 Nanhte hpe makawp maga la nhtawm gumlau hpyen ni a ntsa awng padang hkam la shangun na nga, dai Madu nanhte a Karai Kasang gaw nanhte a dap e, nanhte hte rau nga nga ai majaw nanhte a hpyen dap san seng nga na rai malit dai. Dai Madu nanhte hpe bai n kayin koi kau u ga, matsat shabat re ai lam magup hpe hkum galaw nga myit.
15 ?Mayam madu kaw na nang kaw shingbyi na matu hprawng shang wa ai mayam rai yang, dai wa hpe bai nhtang ap ya lu na n rai.
16 Dai wa gaw shi lata la ai mare langai ngai hta sa nga na mai nga ai; shi hpe zingri zingrat di nna roi rip lu na n rai.
17 ?Israela numsha lasha kadai mung htingnu shawa num shawa la tai lu na ma ai n rai. Ref 23:17: Jaw 19:29.
18 Dai zawn re ai amu galaw let lu ai gumhpraw hpe ga shaka shatup na nga, dai Madu nanhte a Karai Kasang a nta de shawn mai nga ai n rai. Dai Madu gaw htingnu shawa num shawa la d 23:18: Shawa la: Ndai shawa la ngu ai ga hpe Hebre ga hku gwi ngu nna lachyum shapraw da nga ai. Dai majaw Chyum Laika nkau mi hta gwi ngu nna tsun da nga ai. amu galaw ai hpe matsat nga ai.
19 ?Israela hpu nau wa hpe gumhpraw shing n rai shahpa, shing n rai kaga arai hpa rai tim, nang hkoi ya ai rai yang shi kaw na amyat hkum hpyi la nga et. Ref 23:19-20: Pru 22:25; Jaw 25:36-37; Trj 15:7-11.
20 Maigan masha wa hpe hkoi ya ai rai yang chyawm gaw shi kaw na amyat hpyi la na rai ndai; rai ti mung Israela hpu nau wa hta na hpyi la lu na n rai. Dai tara hpe madat mara hkan sa nga u. Shaloi nang madu la na mungdan hta dai Madu nanhte a Karai Kasang gaw nanhte galaw ai lam magup hpe shaman ya na ra ai.
21 ?Dai Madu nanhte a Karai Kasang hpe ga shaka tawn ai shaloi nanhte a ga sadi hpe n shatup ai hkum rai myit; dai Madu gaw nanhte a ga shaka hpe hpyi na wu ai; dai hpe n galaw shatup ai rai yang, dai gaw yubak rai na rai nga ai. Ref 23:21: Bhk 30:1-16; Mat 5:33.
22 Dai Madu hta ga shaka n tawn da ai rai yang chyawm gaw yubak n rai nga ai;
23 rai ti mung nanhte myit ra ai hku ga shaka tawn da myit dai rai yang, nanhte dai hpe teng teng shatup lu na rai myit dai.
24 ?Marai langai ngai a sabyi sun de nanhte shang hkawm myit dai shaloi sha mayu ai made sha mai nga myit dai; rai ti mung ka hta di bang nna hpai mat wa lu na myit dai n rai.
25 Marai langai ngai a yi hkauna hta shang hkawm ai shaloi, nanhte a lata hte mayut di la lu ai nsi yawng hpe sha mai nga myit dai; rai ti mung nhkyau hte dan la lu na myit dai n rai.