2
1 Dai Madu anhte hpe hkang dat ai hte maren, anhte gaw jahtum e Nawng Hkyeng de hkrang ai lam dingyang na nam mali kata de kayin bang mat wa saga ai. Shing rai Edom bum ga e anhte aten na na kayin brak hkawm kau saga ai. Ref 2:1: Bhk 21:4.
2 Dai hpang dai Madu gaw ngai hpe
3 anhte ndai kawng marawn hkan hkawm kayin ai aten ram ram na mat saga ai majaw dingdung maga de anhte lung wa ra saga ai, nga nna tsun ai.
4 Shi gaw nanhte hkan sa na matsun maroi ga ni hpe mung ning ngu ngai hpe tsun ni ai: ?Edom bum ga e nga nga ai dai nanhte hte daw hkrang ai nhpu nnau Esaw a amyu matu mara ni a lamu ga hku, nanhte ga lai wa na rai nga myit dai majaw shanhte mahtang nanhte hpe yu hkrit na mara ai;
5 rai ti mung shanhte a lamu ga lahpa mi pyi nanhte hpe ngai ap ya na n re ai majaw shanhte hte majan hpaw lu na myit dai n rai; Edom mung hpe mung Esaw amyu matu mara ni hpe ngai jaw da se ai.
6 Nanhte chyawm gaw shanhte kaw na lusha hte hka mari lu na mai nga myit dai.?
7 ?Dai Madu nanhte a Karai Kasang gaw nanhte galaw sai lam magup hta kaning rai shaman ya manit dai hpe adum nga mu. Ndai htat ai nam mali kata hkan nanhte hkawm sa nga myit yang, nanhte hpe lanu lahku la manit dai. Shing rai nanhte hta ra kadawn nga ai lam magup lu la hkra, ndai shaning mali shi ning tup nanhte hte rau nga lai wa nu ai.
8 ?Dai rai nna anhte htawt hkawm nhtawm Elat hte Eziongebera mare kaw na sa wa na lam hku Jum Nawng de hprang, dai kaw na sinpraw dingdung e nga ai Moba mung maga de byawn rai anhte kayin lung wa saga ai.
9 Dai Madu gaw ngai hpe, ?Moba mung e nga ai Lawt a amyu matu mara ni hpe hkum sharu shatsang myit; shanhte hte majan hkum baw myit. Ara mare gaw ngai shanhte hpe jaw da mawe ai majaw shanhte a lamu ga lahpa mi hpe mung nanhte hpe ngai jaw na mawe ai n rai,?? ngu nna tsun wu ai. Ref 2:9: Nin 19:37.
10 (N-gun rawng nna grai galu kaba ai amyu ngu nna shamying ai Emim masha ni gaw Ara mare hta nga nga ma ai. Shanhte gaw kaga grau galu kaba ai Anakim masha ni zawn rai ma ai.
11 Shanhte gaw Anakim masha ni zawn rai nna, shanhte hpe Rehpim ni ngu nna mung tsun ma ai. Rai ti mung Moba masha ni chyawm gaw shanhte hpe Emim ngu nna shamying ma ai.
12 Edom mung hta e Hori masha ni shawng de nga lai wa sai rai ti mung Esaw a matu mara ni shanhte hpe shachyut nna shanhte a amyu hpe shamyit kau ai hte dai yang e shanhte nan shanu nga ma ai; dai zawn hpang e Israela masha ni mung dai Madu shanhte hpe jaw da ai lamu ga kaw na shanhte a gumlau hpyen ni hpe shachyut kau ma ai.)
13 ?Dai hpang dai Madu gaw anhte hkan galaw na matu tsun mi ai hte maren anhte dai Zered hka rap di ga ai.
14 Dai gaw Kadesha Barnea kaw na anhte pru mat wa ai hpang sumshi matsat ning hta rai nga ai. Shanhte hta byin wa na lam, dai Madu hkang da mu ai hte maren dai ban na hpyen masha ni yawng si htum mat ma ai. Ref 2:14: Bhk 14:28-35.
15 Shanhte yawng hpe shamyit jahtum kau ai aten du hkra, dai Madu mung shanhte hpe ninghkap wu ai.
16 ?Shanhte yawng si htum mat ai hpang mahtang,
17 dai Madu gaw anhte hpe,
18 Dai ni nanhte gaw Moba mung a lamu ga Ara mare lam hku ga lai mat wa na rai myit dai.
19 Nanhte gaw dai Lawt a matu mara ni ngu na Amon masha ni nga ai mung hte htep sha rai na myit dai. Shanhte hpe hkum sharu shatsang myit; ngai shanhte hpe jaw da sai lamu ga lahpa mi hpe mung nanhte hpe ngai ap ya na n rai nga nngai majaw shanhte hpe majan hkum baw myit,?? ngu nna tsun mi ai. Ref 2:19: Nin 19:38.
20 (Dai lamu ga mung Rehpim ngu ai masha ni a lamu ga rai nga ai hpe chye lu nga ai. Amon masha ni chyawm gaw dai masha ni hpe Zamzumim masha ni ngu nna shamying ma ai.
21 Shanhte gaw Anakim masha ni zawn hkum shingyan tsaw nga ma ai. Shanhte hta na law law wa n-gun rawng ai hte galu kaba ai amyu ni rai ma ai. Rai ti mung, dai Madu gaw shanhte hpe shamyit kau nga sai; shing rai Amon masha ni gaw shanhte a mungdan hpe madu la ya nna dai mung e nga nga ma ai.
22 Dai hte maren, Edom bum ga e shanu nga ai Esaw a matu mara Edom masha ni a matu mung dai Madu lajang ya nu ai. Shing rai dai mung na Hori masha ni hpe shi shamyit kau ya ai rai nna shanhte a mung hpe Edom masha ni madu la ya ai hte dai mung e dai ni du hkra shanhte naw nga lu nga ma ai.
23 Kreti zunlawng e nga ai masha ni mung, Ka-ang Panglai hkin-gau mayan kaw nna dingda de Gaza mare du hkra dam ai shara hta moi kaw nna nga nga sai Awim masha ni hpe gasat shamyit kau nhtawm shanhte a lamu ga yawng hpe madu la nna dai mung e de nga ma ai.)
24 ?Anhte Moba mung hpe ga lai mat wa ai hpang, dai Madu gaw anhte hpe, ?Ya chyawm gaw rawt hkawm sa wa manu, Arnon hka rap di manu. Amori masha Heshbon Hkawhkam Sihon hte hpawn shi a lamu ga, ngai nanhte a lata hta ap ya nga nngai; shi a lamu ga hpe madu la magang na matu shi hpe htim gasat magang mu.
25 Dai ni kaw nna na a majaw shara shagu hkan nga ai masha ni hpe ngai hkrit shangun na nngai. Na a mying hpe na ai masha shagu hte mung hkrit gari na mara ai,? ngu nna tsun ma ai.
(Bhk 21:21-30)
26 ?Dai hpang ngai gaw Kedemot nam mali kaw nna Heshbon Hkawhkam Sihon hpang de lawu de na ngwi pyaw ai ga ni hte hpawn kasa ni hpe shangun dat nngai:
27 ?Na a mungdan hku anhte ga lai wa lu mi ga; anhte gaw nmaw lam dingyang sha lai sa nna, lam numshe n shang na ga ai.
28-29 Anhte sha na lusha a matu mung, anhte lu na lu hka ntsin a matu mung, ra ai manu jahpu jaw na ga ai. Anhte ra sharawng ai lam gaw dai Madu anhte a Karai Kasang anhte hpe jaw ai mungdan de shang wa na matu, Yawdan hka rap kawt mat wa ai aten du hkra, na a mung hku ga lai wa mayu ga ai. Edom mung e nga ai Esaw a matu mara ni hte Ara mare e nga ai Moba masha ni chyawm gaw shanhte a mung hku ga lai wa na ahkang anhte hpe jaw mani ai.?
30 ?Rai ti mung, Hkawhkam Sihon gaw anhte hpe shi a mung hku ga lai wa na ahkang n jaw mi ai. Dai Madu nanhte a Karai Kasang gaw shi a myit shaja ya nhtawm gumlau shangun mi ai majaw shi hpe anhte dang kau ai hte shi a lamu ga la kau ya nna ya du hkra anhte naw madu da nga ga ai.
31 ?Dai hpang dai Madu gaw ngai hpe, ?Yu u, ngai gaw Hkawhkam Sihon hte shi a lamu ga hpe na a man e jaw da ya se ai. Dai rai nna shi a lamu ga hpe madu la sanu,? ngu nna tsun wu ai.
32 Sihon gaw shi a masha ni yawng hte Yahaza mare makau e anhte hpe hkap gasat na nga, pru sa wa nga ai;
33 rai ti mung dai Madu anhte a Karai Kasang chyawm gaw anhte a lata hta shi hpe ap ya mi ai majaw shi hpe mung, shi a shadang sha ni hte shi a masha ni yawng hpe anhte sat kau lu ga ai.
34 Dai shaloi e nan, anhte gaw mare nga manga ni kashun la nhtawm jahten kau ya ga ai; lasha, numsha hte ma kaji ni yawng hpe mung sat kau ga ai rai nna hkrung nga ai masha langai mi hpe mung n ngam da ga ai.
35 Anhte gaw yam nga ni hte mare hkan na kashun la ai lanep ni hpe la ga ai.
36 Dai Madu anhte a Karai Kasang gaw Arnon Kadit makau na Aroera hte dai Kadit ka-ang e nga ai mare kaw na Gilead mung lam dingyang hkan nga ai mare ni yawng hpe dang la shangun mi ai. Anhte a matu nau wa ja la ai ngu na bunghku hte kum da ai mare langai mi mung n nga nga ai.
37 Rai ti mung dai Madu anhte a Karai Kasang anhte hpe n sa na matu hkang da ai dai Amon masha ni a lamu ga de mung, Yabok hka hkin-gau mayan, bum ga na mare kahtawng ni hte kaga shara ni de anhte n shani sa ga ai.