18
1 ?Lewi amyu bawsang na hkinjawng ni gaw Israela mung na lamu ga sali kumhtaw hpa mung lu la nga ma ai n rai; shing rai na malai dai Madu hpe jaw ya ai hkungga ni hte shagu hkungga ni hpe shanhte sha nna hkrung nga lu na rai ma ai.
2 Shanhte gaw kaga amyu bawsang ni zawn lamu ga sali lu madu la lu na mu ai n rai. Shanhte lu la ai kumhtaw gaw dai Madu ga sadi tawn da nu ai hte maren, dai Madu a hkinjawng tai na ahkaw ahkang sha lu nga ma ai. Ref 18:2: Bhk 18:20.
3 Sagu dumsu ni hpe shagu hkungga hku nawng ya shagu, hkinjawng wa hpe lahpa, shabyi hte pu kan ni jaw na rai myit dai.
4 Shawng shu la ai nai mam, sabyi ntsin, tsanlun sau hte sagu mun re ai kumhtaw ni hpe shanhte lu la na rai ma ai.
5 Dai Madu gaw na a amyu bawsang ni yawng hta na Lewi amyu bawsang ni htani htana hkinjawng amu gun hpai nhtawm shi hpe daw jau na matu lata san da nu ai.
6 ?Israela mung na mare ni hta Lewi masha kadai mung nawku shara langai de du sa na sharawng yang,
7 dai yang e daw jau nga ai kaga Lewi masha ni hte maren, dai Madu shi a Karai Kasang a hkinjawng wa zawn dai yang daw jau mai nga ai.
8 Kaga hkinjawng ni zawn lusha gambum hpe mung maren hkam la mai nga ai; shi a dinghku masha ni shagun ya ai hpa hpe mung shi mazing mai na rai wu ai.
9 ?Dai Madu nanhte a Karai Kasang nanhte hpe jaw ai mung de shang sha myit dai shaloi, dai yang na masha amyu baw ni a matsat shabat re ai arawn alai ni hta hkum hkan nga myit.
10 Nanhte a tawn hkungri ntsa na wan hta nanhte a shayi shadang sha ni hpe shagu hkungga nat nawng lu na n rai; nanhte a amyu masha ni hpe shaba wawt ai, lamik kumla myit mada ai, ahkyu hkyu ai amu ni hpe hkum galaw shangun myit; Ref 18:10: Jaw 19:26; Pru 22:18.
11 mandan bau ai hte si ai masha a tsu minla hte ga shaga ai mung shanhte hpe hkum galaw shangun myit. Ref 18:11: Jaw 19:31.
12 Dai zawn re ai matsat shabat amu galaw ai amyu masha ni hpe dai Madu nanhte a Karai Kasang n dawng nga ai; dai majaw nanhte rawt lung wa myit dai shaloi, dai masha amyu ni hpe shi shaden ya nga ai.
13 Dai Madu hta tsep kawp sadi dung nga mu.? Ref 18:13: Mat 5:48.
14 Dai hpang Mawshe gaw, ?Masha ni gaw nanhte madu la hkyen ai mungdan hta shaba wawt ai ni a hpaji jaw ga hte lamik kumla myit mada nna hkan galaw nga ma ai; rai ti mung, dai Madu nanhte a Karai Kasang nan dai zawn re ai amu nanhte hpe galaw shangun nga ai n rai.
15 Shing rai na malai, nanhte a amyu masha ni hta na ngai zawn re ai myihtoi langai mi, shi nanhte hpang de shangun dat ya na rai wu ai. Shing rai shi a ga hpe nanhte madat mara hkan sa lu na rai myit dai. Ref 18:15: Kas 3:22, 7:37.
16 ?Nanhte Sina Bum e hpawng nga myit dai shani hta, nanhte si na hkrit nga myit dai majaw, dai Madu tsun ai ga hpe bai n na lu myit ga mung, wan zawn re ai dai Madu a hpung shingkang hpe galoi mung bai n mu mada lu myit ga, hpyi nem yu manit dai.
17 Dai rai nna dai Madu ngai hpe, ?Shanhte mahtang hpaji ga hte hpyi lajin manu ai.
18 Nang zawn re ai myihtoi langai, shanhte hpang de shangun dat ya na we ai; shi kaning ngu tsun na ga, shi hpe ngai tsun dan na we ai. Shing rai shi gaw ngai hkang da mada lam magup amyu masha ni hpe tsun dan na rai wu ai.
19 Shi gaw nye a mying ningsang hta ga shaga na rai wu ai; shi tsun ai ga n madat ai ni kadai hpe mung ngai ari jaw na we ai. Ref 18:19: Kas 3:23.
20 Rai ti mung ngai n hkang da ai hku nye a mying ningsang gang let mungga tsun gwi ai myihtoi kadai mung, hpara shaje ni a mying gang nna tsun ai myihtoi kadai mung, shing re ai lam a majaw shi si lu na rai nga ai,? ngu nna tsun wu ai.
21 ?Dai myihtoi ga gaw dai Madu a mungga n rai nga ai hpe nanhte chye lu myit dai shaloi mau kajawng mat na rai myit dai.
22 Dai Madu a mying ningsang hte myihtoi wa tsun nga ti mung shi tsun ai ga n teng nga ai rai yang, dai gaw dai Madu a mungga n rai nga ai. Dai myihtoi wa mahtang shi a ahkang aya hte tsun ai rai ti mung shi hpe hkrit lu na myit dai n rai.