15
(Jaw 25:1-7)
?Sanit ning hpring shagu, nanhte hpe wa ra ai ni a gumhpraw hka ni hpe shaprai kau ya na rai myit dai. Ndai gaw kaning rai galaw na lam rai nga ai. Israela hpu nau wa hpe gumhpraw hkoi ya ai wa kadai mung dai hka hpe shaprai kau ya na rai nga ai; Dai Madu nan gumhpraw hka shaprai ya na tsun da nu ai majaw hka madu wa gaw dai kap nga ai gumhpraw hka hkan ji la lu na n rai. Maigan masha wa nanhte hpe jaw ra ai hka hpe chyawm gaw ji la lu na rai myit dai; rai ti mung nanhte a amyu masha ni hta kap ai hka hpe gaw ji la lu na myit dai n rai. Dai Madu nanhte a Karai Kasang gaw nang hpe jaw ya nga ai mungdan hta shaman ya na ra ai. ?Dai ni ngai nanhte hpe hkang da ai lam magup hpe azin ayang hkan sa nna shi a ga madat mara myit dai rai yang, amyu masha ni hta na langai mi mung matsan mayan hkrum na ra ai n rai. Dai Madu gaw shi a ga sadi hte maren, nanhte hpe teng teng shaman ya na ra ai. Shaloi masha amyu baw law law hpe nanhte gumhpraw hkoi ya lu na rai myit dai; rai ti mung nanhte mahtang kadai kaw na mung hkoi shap la ra na myit dai n rai; masha amyu baw law law hpe nanhte up hkang lu na rai myit dai; rai ti mung nanhte hpe masha amyu kadai mung up lu na n rai.
?Dai Madu nanhte a Karai Kasang jaw ya nga ai mungdan na mare langai ngai hta Israela hpu nau wa matsan mayan hkrum nna ra kadawn nga ai rai yang, shawang myit kata rai shi hpe n karum la hkum rai myit. Ref 15:7-8: Jaw 25:36. Shing rai na malai, shi a matu nanhte a lata dam lada hpyan da nhtawm shi hta ra kadawn ai made hkoi shap ya na rai myit dai. Jaw ra ai hka ni hpe shaprai kau ya ai shaning ladaw du wa magang ra ai majaw arai lama ma shi hpe hkoi shap ya na matu lit hkum li dum myit. Dai zawn re ai n hkru n shawp ai myit mang lam nanhte a kraw hta hkum rawng shangun nga myit. Shi hpe hkoi shap ya na matu nanhte ningdang kau ai rai yang, dai Madu hpe shi jahtau shaga ai majaw mara jaw hkrum na rai myit dai. 10 Shi hpe shawang myit kaba hte myit kraw asan sha hte n dut n dang jaw ya mu. Shing rai nanhte galaw ai lam magup hta dai Madu nanhte hpe shaman ya na ra ai. 11 Dai mung hta matsan mayan hkrum nna ra kadawn nga ai Israela masha nkau mi galoi mung anga nga na ma ai majaw shanhte hpe lahpawt ai myit n rawng ai sha karum ya lu myit ga, nanhte hpe ngai hkang da mawe ai.
(Pru 21:1-11)
12 ?Israela numsha lasha langai ngai mayam hku nna shi hkum nan nang kaw sa dut ai rai yang, kru ning nang hpe daw jau ngut jang dat dat na rai ndai. Sanit ning du ai shaloi shi hpe shalawt dat lu na rai ndai. Ref 15:12-18: Jaw 25:39-46. 13 Shi hpe dat dat yang kaman dat dat lu na n rai. 14 Dai Madu nang hpe shaman ya nit dai sagu, nsi naisi hte sabyi ntsin ni hpe lahpawt dum ai myit n rawng ai sha shi hpe jaw na rai ndai. 15 Egutu mung hta nanhte mayam tai yu manit dai hpe mung, dai Madu nanhte a Karai Kasang nanhte hpe shalawt dat ai hpe mung adum nga mu; dai re ai majaw ndai hkang da ai ga, dai ni ngai nanhte hpe jaw ya nga nngai.
16 ?Rai ti mung nanhte a mayam wa mahtang nang hte na a dinghku masha ni hpe tsaw ra nna nga nga na matu myit dik ai rai yang, nga na ahkang jaw na rai ndai. 17 Dai hpang shi hpe na a nta chyinghka lam de woi la nna dai yang e shi a na shajut waw ya na rai ndai. Shi gaw prat tup na a mayam tai nga na rai nga ai. Bai mayam num jan hpe mung dai hte maren galaw na rai ndai. 18 Na a mayam wa hpe shabawn dat ai rai yang, myit nchyi nmu hkum rai et. Shi gaw na a matu kru ning tup daw jau ya nit dai rai nna nchyang langai a jahpu ka-ang hkup hte maren galaw nu ai. Ndai ga matsun hte maren galaw u, shaloi dai Madu nanhte a Karai Kasang nanhte galaw ai lam magup hte hpe shaman ya na ra ai.
19 ?Shawng hkrat ai nanhte a sagu dumsu ala ni hpe dai Madu nanhte a Karai Kasang a matu jahka san tawn da mu. Ndai shawng hkrat ai dumsu ni hpe bungli shangun lu na n rai; sagu mun ni rep lu na n rai. Ref 15:19: Pru 13:12. 20 Nawku na matu san da ai shara ngu na dai Madu a man e, nang hte na a dinghku masha ni shaning shagu dai ni hpe jawm sha lu na rai myit dai. 21 Rai ti mung dai sagu dumsu ni hta lagaw hten ai, myi kyaw ai, grai sawng ai lama ma a majaw hkrang n hkum mat ai yam nga rai yang, dai ni hte dai Madu nanhte a Karai Kasang hpe shagu hkungga nawng ya lu na n rai. 22 Dai zawn re ai yam nga ni hpe dum nta e sha mai nga ndai. Nanhte gaw chyahkyi hte zau nyi ni hpe sha myit dai zawn htung hte maren san seng ai ni rai ti mung, n san n seng ai ni rai ti mung dai ni yawng sha mai na rai myit dai. 23 Rai ti mung dai ni a asai hpe lusha hku mai lang na n rai; shing rai na malai hka hpe zawn ga de ru hkaw kau na rai myit dai. Ref 15:23: Nin 9:4; Jaw 7:26-27; Trj 12:16-23.