TARA JAHPRANG LAIKA
(DEUTERONOMY)
Ga Nhpaw
Ndai Tara Jahprang Laika gaw nam mali hkrun lam galu a hpang jahtum ngu na Hkanan mung hpe shang madu la hkyen na matu shanhte hkring nga ai Moba mung hta Mawshe gaw Israela amyu masha ni hpe jaw ya ai ga matsun lam hte hpe gumhpawn da ai rai nga ai.
Grau nna ahkyak htum ai lam nkau mi hpe lawu de na hte maren ndai laika hta ka matsing da nga ai: 1) Mawshe gaw lai sai shaning mali shi ning a mabyin lam kaba ni hpe bai dum nga ai. Shi gaw amyu masha ni hpe Karai Kasang shanhte hpe nam mali hku kaning rai woi wa sai hpe myit dum na matu mung, Karai Kasang a ga madat mara let sadi dung nga na matu mung aja awa hpyi lajin wu ai. 2) Mawshe gaw Jep ai Tara Kanu Shi hpe nhtang myit yu nna Shawng na Hkang Da ai Ga a lachyum hpe ahkyak madung la nhtawm Madu hpe chyu sha nawku lu na lam amyu masha ni hpe saw shaga nga ai. Dai hpang ga sadi mungdan hta Israela masha ni a asak hkrun lam hpe up hkang na matu kaga tara ni hpe mung shi bai myit yu nga ai. 3) Mawshe gaw shanhte hte rau nga nga ai Karai Kasang a ga shaka a lachyum hpe amyu masha ni hpe bai shadum ya ai hte de a magam amu ni hte shanhte a ap nawng ai lam ningnan atai nga na matu shanhte hpe saw shaga wu ai. 4) Yawshu gaw Karai Kasang a amyu masha ni hpe woi awn na hpang na ningbaw ahkang aya hkam la hkrum nga ai. Karai Kasang a sadi dung ai hpe mahkawn shakawn ai poi hte Israela amyu bawsang ni hpe shaman ga tsun ngut ai hpang Mawshe gaw Yawdan hka a sinpraw hkran na Moba mung hta si mat sai.
Ndai laika hta madung tawn ai lam kaba gaw Karai Kasang tsaw ra nna lata la hkrum sai shi a amyu masha ni hpe hkye hkrang la nna shaman ya nu ai lam, dai lam hpe shi a amyu masha ni adum nga nna shi hpe tsaw ra let shi a ga madat mara na lam rai nga ai; shaloi shanhte gaw asak hkrun lam hpe lu la nna shaman chyeju matut hkam la na rai ma ai. Ndai laika hta ahkyak tawn ai chyum ga gaw 6:4-6 rai nna, ?Dai Madu na a Karai Kasang hpe na a myit masin mahkra hte, na a asak mahkra hte na a n-gun lagaw mahkra hte tsaw ra u,? ngu ai hkang da ai lam yawng hta kaba htum ai ga re ngu nna Yesu tsun ai ga rawng nga ai.
1
Ndai laika hta rawng ai ga ni gaw Israela amyu masha ni Yawdan hka sinpraw maga na nam mali hta nga nga yang, Mawshe shanhte hpe tsun ai lam ni rai nga ai. Shanhte mung Yawdan Kadit makau na Suhpa, dai hte tawtap na Paran, Tohpela, Laban, Hazerot hte Dizahab a lapran hkan nga nga ma ai. (Sina Bum kaw nna Kadesha Barnea du hkra, Edom bum lam hku lung wa yang nhtoi shi langai ya hkawm ra ai.) Egutu mung kaw nna shanhte pru mat wa ai hpang, mali shi ning a shata shi langai a praw langai ya ngu na shani e, dai Madu shi hpe hkang da mada hte maren, Israela amyu masha ni hpe tsun na lam Mawshe htawn tsun wu ai. Ndai lam gaw Heshbon mare e hkaw dung ai Amori Hkawhkam Sihon hte Edri, Ashtarot e hkaw dung ai Bashan Hkawhkam Oga yan hpe dang kau ai hpang, dai Madu a 1:4:\xq Dai Madu: Dai gaw dai Madu; shing n rai Mawshe hpe mung tsun mayu nga ai.\x* tsun ai ga rai nga ai. Ref 1:4: Bhk 21:21-35. Ndai lam gaw amyu masha ni Yawdan hka a sinpraw hkran, Moba mung hta e nga nga yang, Karai Kasang a tara ni hte sharin shaga ga ni hpe Mawshe tsun sanglang hpang ai lam rai nga ai.
Shi gaw, ?Anhte Sina Bum e naw rai nga ga yang, dai Madu anhte a Karai Kasang gaw, ?Nanhte ndai abum e ram ram na mat hkra nga kau manit dai. Dai re ai majaw dap run kau nhtawm hkawm sa wa manu. Amori masha ni nga ai bum ga hte de a makau grup yin na ginwang ni de du hkra mung, Yawdan Kadit e mung, bum ga hte layang ga de mung, dingda ginwang daw hte Ka-ang Panglai de du hkra sa wa manu. Dai de sha n-ga, Uhprat hka nu du hkra dam ai Hkanan mung hte Lebanon bum lai hkra pru sa wa manu. Dai yawng gaw nanhte a kaji kawa Abraham, Isak, Yaku hte shanhte a amyu matu mara ni hpe Ngai Madu nan jaw na ngu nna ga sadi tawn da ai lamu ga rai nga li ai. Dai rai nna pru sa nhtawm dai mung hpe madu la masu,?? ngu nna anhte hpe tsun mi ai.
(Pru 18:13-27)
Mawshe gaw amyu masha ni hpe, ?Anhte Sina Bum e naw rai nga yang, ?Nanhte hpe woi lakawn wa na amu, nye a matu nau wa lit li la nga li ai. Dai lit hpe ngai hkrai sha n dang galaw lu nngai. 10 Dai Madu anhte a Karai Kasang mung nanhte hpe lamu na shagan ni zawn law htam shangun manit dai. 11 Dai Madu nanhte a nji nwa ni a Karai Kasang gaw ga sadi tawn da nu ai hte maren, nanhte hpe htam hkying mun sha n-ga, shalaw jahtam nna ngamu ngamai shangun nga myit ga law! 12 Rai ti mung nanhte a ga li ga law, ndang kalang hte gasat ningjet lam re ai li la ai lit hpe ngai hkrai kaning rai gun lu na rai nga a ta? 13 Amyu bawsang shagu na hpaji byeng-ya rawng nhtawm chye na hkawn hkrang ai hpaji hte hpring nna mahkrum madup nga ai masha ni hpe lata tawn mu; shing rai ngai shanhte hpe nanhte a ntsa na hpareng dang ya na made ai,? ngu nna ngai nanhte hpe tsun yu mase ai. 14 Nanhte mung dai hku galaw na mai kaja nga ai nga nna myit hkrum lawm myit dai. 15 Dai rai nna nanhte a amyu bawsang ni kaw na lata da sai dai hpaji byeng-ya rawng nna mahkrum madup nga ai ningbaw ni hpe ngai woi la nhtawm nanhte hpe hpareng na shanhte hpe ngai dang da ya mase ai. Dai re ai majaw masha nkau mi gaw masha hkying mi, nkau mi masha latsa, nkau mi manga shi, nkau mi masha shi di nna up hkang na lit lu nga ma ai. Ngai gaw kaga du salang ni hpe mung amyu bawsang hku hkan nna san tawn da ni ai.
16 ?Dai aten hta, ngai shanhte hpe, ?Nanhte a amyu masha ni hta na pru wa ai ga li ga law, ndang kalang, gasat ningjet ai amu ni hpe madat ya mu. Dai zawn re ai ndang kalang, gasat ningjet ai gaw nanhte a amyu masha ni hte sha seng nga ai; nanhte hta hkan shanu nang nga ai maigan masha ni hte seng nga ai rai ti mung, dai amu shagu hpe rap ra ai tara hte jeyang ya nga mu. 17 Nanhte tara daw dan ai amu ni hta myi man tau ai lam madun lu na myit dai n rai; shi kadai wa mi rai nga ai rai tim, myi man n lata ai sha masha shagu hte hpe maren mara jeyang lu na rai myit dai. Nanhte daw dan ai amu ni gaw Karai Kasang kaw na rai nga ai majaw kadai hpe mung hkrit agam lu na myit dai n rai; nanhte a matu daw dan hparan yak ai amu pru wa ai rai yang, ngai hpang de shashawn myit; dai hpe ngai daw dan ya na de ai,? ngu nna sharin matsun se ai. 18 Nanhte hkan galaw na magup mung dai aten hta nan ngai nanhte hpe hkang da ma sade ai.
(Bhk 13:1-33)
19 ?Dai Madu anhte a Karai Kasang anhte hpe hkang da mani ai hte maren, anhte galaw saga ai. Dai rai nna Sina Bum kaw na Amori masha ni nga ai bum ga de hprang ai lam hta nga ai hkrit hpa nam mali kaba hku anhte ga lai wa saga ai. Anhte dai Kadesha Barnea de du ai shaloi, 20-21 ngai gaw nanhte hpe, ?Dai Madu anhte a kaji kawa ni a Karai Kasang anhte a Karai Kasang anhte hpe jaw ya ai dai Amori masha ni nga ai bum ga de ya nanhte du manit dai. Yu mu, dai gaw htawra wa rai nga sai. Shi hkang da sai hte maren, dai mungdan hpe lung madu la manu; dai de lung wa na myit hkum kanung nga myit, hkrit mung hkum hkrit myit,? ngu nna tsun ni ai.
22 ?Rai ti mung, nanhte mahtang ngai kaw sit sa nna, ?Anhte a shawng e dai mungdan hpe kin-yu yu na masha naw shangun dat yu ga, shaloi grau manu htum ai lam hte dai mungdan na mare ni kaning re ai ni re ai gaw, anhte hpe wa tsun dan manu ga,? ngu nna tsun myit dai.
23 ?Dai hku galaw na mai kaja ai zawn ngai nawn kau ai majaw, amyu bawsang shagu na marai langai ngai di nna marai shi lahkawng hte hpe ngai lata la we ai. 24 Shanhte mung bum ga de lung wa nhtawm Eshkola Kadit de du hkra dai mung na lam hpe hkan maram yu kau da lu ma ai. 25 Shanhte gaw dai mung e mu ai namsi namsaw nkau mi hpe di hpai let anhte hpang de la wa nna dai Madu anhte a Karai Kasang anhte hpe jaw ai mungdan gaw teng teng ga sau hte hpring nna grai ningru ningja ai she rai nga ai,? nga nna tsun dan mi ai.
26 ?Rai ti mung, nanhte mahtang dai Madu nanhte a Karai Kasang hkang da ai ga hpe gumlau nhtan jashai ai hte dai mungdan de n shang hkraw myit dai. Ref 1:26: Trj 9:23; Heb 3:16. 27 Nanhte langai hte langai mung, ?Dai Madu anhte hpe n dawng mi ai majaw Egutu mung kaw na anhte hpe woi shapraw wa nhtawm Amori masha ni anhte hpe sat kau lu mu ga nga, shanhte a lata hta anhte hpe ap kau mi ai. 28 Anhte dai de hpa majaw lung wa na rai nga ga ta? Anhte hkrit ga ai. Anhte shangun dat ai masha ni mung dai mung na masha ni anhte hta grau n-gun ja ai hte hkum shingyan mung tsaw ma ai; shanhte gaw lamu dep bunghku hte kum da ai mare ni hta rawng nga ma ai. Shanhte gaw dai mung na grai galu kaba ai masha ni hpe mu ma ai!,? nga nna tsun dan let shada da aput myit dai.
29 ?Rai ti mung ngai chyawm gaw, ?Dai masha ni hpe hkrit kahpra shara n nga ra myit dai. 30 Dai Madu nanhte a Karai Kasang gaw nanhte hpe woi awn nna Egutu mung hte nam mali e shi galaw nu ai zawn shi gaw nanhte a matu gasat ya na ra ai. 31 Kawa gaw shi a kasha hpe pawn lahku la ai zawn shi gaw nanhte hpe ndai shara de du wa hkra hkrun lam dingyang shim lum ai hku kaning rai woi wa sai hpe nanhte mu manit dai,? ngu nna tsun yu ma sade ai. Ref 1:31: Kas 13:18. 32-33 Rai ti mung nanhte dabang but na shara tam nna nanhte sa wa na lam hpe madun na nga, shana e wan shadaw, shani e sumwi shadaw hte nanhte a shawng e shi tut nawng hkawm sa wa nga ai ngu nna ngai tsun tim pyi, nanhte gaw dai Madu hpe naw n kam n sham nga myit dai. Ref 1:32: Heb 3:19.
(Bhk 14: 20-45)
34 ?Shaloi dai Madu gaw nanhte a aput ai nsen hpe na nna, masin pawt ai hte, Ref 1:34-35: Heb 3:18. 35 ?Ndai n hkru ai ban masha hta na nanhte langai mi mung nanhte a nji nwa ni hpe jaw na ngu ngai ga sadi tawn da ai dai ga sau kaja ai hte hpring nna ningru ningja ai mungdan de shang lu na myit dai n rai. 36 Yehpuna a shadang sha Hkaleb chyu sha dai mungdan de shang lu na rai wu ai. Shi gaw ngai hta sadi sahka myit dung nga ai majaw shi lung maram yu sai mungdan hpe shi hte rau shi a amyu matu ni hpe ngai jaw na we ai,? ngu nna dagam let tsun shabra wu ai. 37 Dai Madu gaw nanhte a majaw ngai hpe mung pawt ai hte, ?Mawshe e, nang pyi dai mungdan de shang lu na n rai. 38 Rai ti mung nang hpe daw dan karum ai Nun a kasha Yawshu hpe chyawm gaw n-gun jaw u. Shi mahtang dai mungdan hpe madu la na matu Israela ni hpe woi awn na ra ai,? ngu nna tsun wu ai.
39 ?Dai hpang dai Madu gaw anhte yawng hpe, ?Nanhte a gumlau hpyen ni a lata hta rim hkrum na sha rai saga ai, ngu nna nanhte tsun ai ma kaji ni, jaw ai hte n jaw ai hpe chye na na matu nau wa naw kaji nga ai nanhte a ma kaji ni hpe sha dai mungdan, ngai jaw nna shanhte madu la na mara ai. 40 Rai ti mung nanhte chyawm gaw Nawng Hkyeng de hkrang ai lam dingyang na nam mali kata de kayin bang bang rai nna nhtang sa wa mu,? ngu nna tsun nga ai.
41 ?Nanhte mahtang, ?Mawshe e, anhte dai Madu hpe shut kau saga ai. Ya rai ti mung dai Madu anhte a Karai Kasang hkang da mi ai hte maren anhte lung gasat na ga ai,? nga nna htan myit dai. Shaloi nanhte langai hte langai mung dai bum ga hpe shang gasat na aloi sha rai na zawn nawn myit dai hte htim gasat na matu jin jin di da myit dai.
42 ?Rai ti mung dai Madu gaw ngai hpe, ?Ngai shanhte hte rau n rai nngai majaw hkum lung gasat myit; shanhte a gumlau hpyen ni mahtang dang kau na mara ai,? ngu nna shadum u, nga ai. 43 Dai Madu hkang dat ai hte maren, ngai tsun ni ai; rai ti mung nanhte hpa zawn n nawn kau ya manit dai. Nanhte gaw shi hte nhtan shai gumlau nna nanhte a gumrawng ai myit hte bum ga de lung wa manit dai. 44 Dai hpang bum ga e shanu nga ai Amori masha ni gaw nanhte hpe ninghkap na matu pru sa nhtawm lagat jawm ai zawn Horma shara de du hkra nanhte hpe hkan shachyut kau mu ai hte Edom bum ga e nanhte hpe dang kau nga manu ai. 45 Dai rai nna nanhte gaw karum la na matu dai Madu hpe hpyi jahtau myit dai; rai ti mung shi gaw nanhte a ga hpe n madat ya ai hte hpa zawn n nawn kau ya manit dai.
46 ?Shing rai, nanhte gaw Kadesha shara e aten na na nga kau da nna hpang jahtum e,