10
1 Persi Hkawseng Kuru gaw hkaw dung ai masum ning hta Belteshaza mying ai Daniela kaw mungga langai dan pru nga ai. Dai mungga gaw teng man nga ai, rai ti mung chye na na matu nachying yak la nga ai. Dai hpe shingran langai mi hta shi hpe tsun shaleng da nga ai.
2 Dai aten hta, ngai gaw bat masum tup yawn hkyen hkrum nga nngai.
3 Ngai chyawm gaw bat masum lai mat wa hkra, mu mai ai lusha hte ashan hpa mung n sha, sabyi ntsin n lu ai hte kara n masit nngai.
4 Dai shaning na shawng shata a hkun mali ya shani e Tigri hka nu kaba a hkin-gau ntsa e ngai tsap nga nngai.
5 Ngai sharawt mada dat yu we yang, lachyit nba bu hpun nna, jet ai ja shingkyit kyit da nga ai masha langai hpe mu nngai. Ref 10:5-6: Shr 1:13-15; 2:18; 19:12.
6 Shi a hkum gaw lung seng zawn htoi leng nga ai. Shi a myi man mung myihprap wan zawn htoi gala nga nna shi a myi ni wan zawn grung nga ai. Shi a lahpum hte lagaw ni gaw kabrim ai magri zawn htoi leng ai hte shi a nsen mung shawa wunawng wuwa a shabam ai nsen hte bung nga ai.
7 Ngai chyu sha dai shingran mu ai wa rai nga nngai. Ngai hte rau nga ai masha ni kadai mung hpa n mu ma ai, rai ti mung shanhte gaw hkrit gari ai hte hprawng makoi mat ma ai.
8 Ngai chyu sha dai yang e ngam nga nna dai mauhpa shingran hpe mada yu nga nngai. Ngai mung n-gun n rawng mat ai hte myi man nsam grai shai mat ai majaw kadai mung ngai hpe n lu yu matsing ma ai.
9 Ngai gaw shi a nsen hpe na ai shaloi, ngai gaw n dum mat hkra ga e kadawng taw mat ai hte dai yang e gum dagup nga nngai.
10 Dai hpang marai langai mi a lata hte ngai hpe jum da nna nye a lata hte lahput magra da let ngai hpe sharawt la nga ai. Ngai gaw dai aten du hkra hkrit gari nga nngai.
11 Dai lamu kasa gaw ngai hpe, ?Daniela e, Karai Kasang nang hpe tsaw ra nga ai majaw rawt tsap let ngai tsun dan na ga hpe sadi sahka hte madat la u. Ngai hpe nang hpang de shangun dat ai,? ngu nna tsun wu ai. Dai lam hpe shi tsun nga yang, ngai rawt tsap nga tim pyi naw gari ashun nga nngai.
12 Dai hpang shi gaw, ?Daniela e, hkum hkrit et. Karai Kasang gaw chye na hkawn hkrang ai lam hkam la na hte nang hkum nan shagrit shanem na matu nang daw dan ai shawng shani kaw nna pyi na a akyu hpyi ga hpe na ya nit dai; Na a akyu hpyi ga hpe htan ya na, ngai du sa nngai.
13 Persi mungdan hpe makawp maga ya ai dai lamu kasa hkawhkam kasha gaw hkun langai ya tup ngai hpe hkap shingdang da nga ai. Dai hpang lamu kasa ni a agyi Mihkaela gaw Persi mung e ngai chyu sha hti ngam nga ai majaw ngai hpe sa karum la nga ai. Ref 10:13,21: Shr 12:7.
14 Na a amyu masha ni du na ra ai aten hta hpa byin wa na mara ai lam nang hpe chye na shangun na matu ngai sa du nngai. Da ndai gaw du wa na aten hte seng ai shingran langai rai nga ai,? ngu nna tsun wu ai.
15 Dai lam hpe shi tsun nga yang, ngai gaw ga de yu mau ai hte hpa mung n shaga ai sha nga nga nngai.
16 Dai hpang masha zawn rai nga ai lamu kasa gaw shi a lata lalam dat nhtawm nye a nten hpe ahtawk ya nga ai. Shaloi ngai gaw shi hpe, ?Madu e, ndai shingran gaw ngai hpe grai n-gun kya kau shangun nga ai rai nna hkrit gari nga ai hpe ngai n jahkring da lu nngai.
17 Ngai gaw mayam langai mi shi a madu a man e tsap nga ai zawn rai nga nngai. Ngai nang hpe kaning rai ga tsun lu na rai ta? Ngai n-gun n rawng nngai, ngai hta nsoi nsa mung htum mat sali ai,? ngu nna tsun we ai.
18 Shi gaw ngai hpe lang mi bai jum dat yang, n-gun ja wa ai zawn ngai hkam sha nngai.
19 Shi gaw, ?Karai Kasang nang hpe tsaw ra nga ai majaw nang hpe hpa mung myit ru shangun na n rai; nang hpe jahkrit shama na n rai,? ngu nna tsun wu ai.
Shi dai zawn nga nna tsun jang, ngai hta n-gun ja wa ai zawn hkam sha nna, ?Madu e, nang hpa tsun ra ai lam ngai hpe tsun dan e. Nang gaw ngai hpe grau kaja hkra hkam, sha shangun nit dai,? ngu nna tsun nngai.
20-21 Shi mahtang, ?Ngai nang hpang de hpa majaw sa ai lam nang chye nga n ni? Ngai gaw nang hpe Teng Man Ai Laika hta hpa baw ka da ai lam tsun dan na nngai. Ya chyawm gaw ngai naw nhtang wa nna Persi sin langa lamu kasa hpe gasat na nngai. Dai hpang Grik sin langa lamu kasa paw pru na ra ai. Israela a sin langa lamu kasa Mihkaela hta kaga kadai mung ngai hpe karum la nga ai n rai.