3
1 Nanhte gaw Hkristu hte rau hkrung sharawt la ai hkrum manit dai rai
nna, Karai Kasang a hkra maga e
dung ningngai nga ai Hkristu nga
ai sumsing lamu na arai ni hpe ra
marit nga mu.Ref 3:1: Kol 1:29; Hpl 1:30.
2 Ga ntsa e nga ai arai ni hpe n manoi nga ai sha ningtsa na arai ni hpe
myit manoi nga mu.
3 Hpa majaw nga yang, nanhte gaw si mat sai ni rai nna, nanhte a asak gaw
Hkristu hte rau, Karai Kasang hta
kyem makoi da nga sai.
4 Nanhte a asak majing gaw Hkristu rai nna, shi bai dan pru ai shaloi anhte
mung shi hte rau hpung shingkang hta
dan pru na raga ai.
5 Dai re ai majaw anhte a kata e amu galaw nga ai mungkan ga a ra marin ai myit ni,
hpye ai amu, n tsawm n htap awu asin re
ai amu, ngang kayut ai, n hkru n hkra re
ai marin marit ai hte lawhpa ai (lawhpa
ai gaw gawkngu naw ai amyu mi rai nga
ai.) lam re ai ni hpe nanhte sat kau
lu na rai myit dai.
6 Shing re ai lam ni a majaw shi hpe n madat n mara ai ni a ntsa e Karai
Kasang a pawt sindawng ai gaw du na
ra ai.
7 Moi shawng de nanhte a asak hkrung lam ting hpe dai lam ni e dang ka-up
tawn mu ai shaloi e, nanhte nan mung
dai zawn re ai yubak mara ni hpe galaw
let asak hkrung lai wa manit dai.
8 Ya chyawm gaw, masin pawt ai, n yun bu ai, n ju n dawng ai myit, mara matsing
ai, shatan nhkan ai hte ga kinsha re ai
ni yawng hte hpe yeng seng kau mu.
9 Shada da masu magaw ga hkum tsun myit; hpa majaw nga yang, dai gawng shingyan
dingsa hte hpawn tinang a arawn alai ni
hpe nanhte raw kau nna gawng shingyan
ningnan hpe dagraw la manit dai.Ref 3:9:
Ehp 4:22,25.
10 Hpan da ai Karai Kasang gaw dai masha ningnan hpe Karai Kasang shi a
hkrang sumla hte grau grau bung wa hkra
galaw lajang nga dingyang rai nga ai.
Shing rai galaw ai gaw nanhte dai Madu
hpe hkum tsup hkra chye chyang wa lu
na matu rai nga ai.Ref 3:10: Rom 12:2.
11 De a majaw, Heleni masha hte Yuda masha, matu gadoi hkam ai wa hte matu gadoi n
hkam ai wa, karing karang masha, masha
chyazai chyalam ni, mayam ni, shanglawt
masha ni ngu nna shanhte a lapran e naw
ginhka chyai nga na lam mi n nga sai.
Hkristu gaw nanhte yawng mayawng a kraw
lawang hta shanu nga ai rai nna Hkristu
gaw yawng mayawng hta ahkyak dik ai wa
mung rai nga ai.
12 Nanhte gaw Karai Kasang a masha ni rai nga myit dai rai nna, shi gaw nanhte
hpe tsaw ra nna shi a matu mara lata
la hkrum ai ni rai nga myit dai. Dai
re ai majaw nanhte gaw n ja n hpra ai,
matsan dum lama ai, myit nem ai, sumnung
shingdi ai myit galu kaba ai hpe bu hpun
dagraw nga mu.Ref 3:12: Gal 5:22; Hpl 2:1;
1Pe 1:2; 2Pe 1:10.
13 Nanhte hta marai langai ngai a ntsa e mara shagun shara nga ai shaloi shada
da hkam sharang ai hte shada da mara
raw dat hkat nga mu. Dai Madu gaw nanhte
hpe mara raw dat kau ya manit dai hte
maren, nanhte shada da mung mara raw
dat lu na rai myit dai.Ref 3:13: Mrk 11:25; Ehp 4:2,32.
14 Dai atsam marai ni yawng a ntsa e hkum tsup re ai myit hkrum kahkyin gumdin
lam byin hkra arai yawng mayawng hpe
gyit hkang ya ai tsaw ra myit hpe
kahtap hpun nga mu.
15 Hkristu jaw ya ai ngwi pyaw ai gaw nanhte a myit masin hta e a-up nga
nna, dai gaw nanhte a daw dan hparan
ai lam ni hta lam matsun madun nga u
ga, hpa majaw nga yang, dai ngwi pyaw
ai lam hpe hkam sha lu na matu Karai
Kasang gaw nanhte hpe hkum hkrang langai
sha hku shaga la manit dai; dai re ai
majaw chyeju adum nga mu.
16 Hkristu a mungga gaw nanhte a myit masin hta hpring tsup hkra shanu
nga u ga. Hpaji byeng-ya nga manga
hte nanhte shada da sharin achyin,
matsun madun hkat nga mu. Shakawn
kungdawn ga, mahkawn mangoi ai ga
ni, Wenyi hte seng ai laka ga ni
hte nanhte a kraw lawang hta Karai
Kasang hpe chyeju dum ai hte mahkawn
mangoi nga mu.Ref 3:16: 4:6; 1Ko 14:26;
Ehp 5:19.
17 Dai rai nna nanhte hpa galaw ti mung, mung sumtu tsun ai hta, magam bungli
lam hta Madu Yesu a mying nsang gang
let, yawng mayawng hte hpe agalaw nga
nna, shi a marang e Kawa Karai kasang
hpe chyeju shakawn nga mu.
18 Madu jan ni e, tinang a madu wa ni hkang ai hku hkan nga mu, dai gaw Hkristan
langai mi hku nna dai Madu hta hkan sa
na matu sut ai lam rai nga ai.Ref 3:18: Ehp 5:3,22; Tit 2:5; 1Pe 3:1.
19 Madu wa ni e, nanhte a madu jan ni hpe tsaw ra nga nna, shanhte hpe kajet
kaje hkum rai nga myit.Ref 3:19:
Ehp 4:31; 5:25,28; 1Pe 3:7.
20 Ma ni e, kanu kawa ni a ga hpe tut nawng madat mara nga mu: dai gaw Karai
Kasang sharawng awng ai Hkristan ni
galaw ang ai amu rai nga ai.Ref 3:20: Ehp 5:24; 6:1; Tit 2:9.
21 Kanu kawa ni e, nanhte a kasha ni hpe masin hkum shapawt myit; shing rai
yang shanhte myit kaji myit daw mat
na mara ai.
22 Mayam ni e nanhte a shinggyim madu ni hpe lam shagu hta madat mara nga mu:
nanhte gaw myi man pa mayu ai hte
shanhte a man e ga madat ai hku n re
ai sha, Karai Kasang hpe hkrit hkungga
let shanhte a ga hpe san seng ai myit
hte madat mara nga mu.Ref 3:22: Ehp 6:5;
1Tm 6:1; Tit 2:9; 1Pe 2:18.
23 Nanhte hpa galaw ti mung, masha a matu galaw ai zawn n rai, Karai Kasang a
matu galaw ai zawn, nanhte a myit
masin yawng hte ashaja nga mu.
24 Karai Kasang gaw shi a amyu masha ni hpe ga ndat tawn da ai shaman chyeju
sali wunli hpe nanhte hkam la na rai
nga myit dai hpe galoi mung adum nga
mu. Hpa majaw nga yang, Hkristu chyawm
gaw nanhte daw jau nga ai Madu majing
rai nga ai.
25 N ding n man ai hku galaw ai masha shagu hpe shi galaw ai n ding n man
ai amu a matu bai htang jaw ai hkrum
na ra ai. Hpa majaw nga yang, Karai
Kasang gaw tara jeyang ai lam hta myi
man tau yu ai lam n nga lu ai.Ref 3:25: Trj 10:17; Rom 2:11; Ehp 6:9; 1Pe 1:17.