5
1 Ya Hkristan n re ai maigan masha ni pyi n hkan galaw ai hkrithpa num la
nse nsa lam nanhte hta nga nga ai lam
masha ni hkrak tsun kajai nga ma ai
hpe ngai na lu nngai. Masha langai mi
gaw shi a hpang kanu hte rau nga sha
nga ai lam ngai na lu nngai.Ref 5:1: Jaw 18:8; Trj 22:30; 2Ko 7:12; Ehp 5:3.
2 Dai zawn arawn alai hten nga myit ti mung, nanhte gumrawng gumtawng naw
rai nga myit ni? Nanhte hta yawn ai
myit rawng let, dai zawn nse nsa galaw
ai masha hpe nanhte hte kanawn mazum
nga ai kaw na shaden jahka kau ang
myit dai.
3 Ngai gaw nanhte hpang de hkum hkrang nan n du ti mung, myit wenyi hta nanhte
kaw du nna rau rai nga ai. Ngai hkum
nan nanhte kaw du taw nga ai zawn, dai
hkrithpa n shawp ai amu galaw ai wa a
ntsa e dai Madu Yesu a mying nsang hte
ngai jeyang daw dan we ai.
4 Anhte a Madu Yesu a mying nsang hta nanhte hpawng de nga myit dai shaloi
e nye a wenyi nanhte hte rau rai nga
ai, anhte a Madu Yesu Hkristu a n-gun
atsam mung nanhte hta nga nga ai.
5 Dai tara daw dan ai Madu a nhtoi hta e dai wa a wenyi hkye hkrang la hkrum
na matu, dai wa a hkum hkrang hpe
jahten kau ra ai majaw, nanhte gaw
dai wa hpe Satan a lata de ap kau
na rai myit dai.
6 Nanhte gumrawng gumtawng rai nga na gaw n jaw n kaja nga ai. ?Matsi loi
mi gaw muk tawng ting hpe shabawm
dat wu ai,? nga ai ga malai hpe
nanhte n na yu myit ni?Ref 5:6: 1Ko 3:21; 15:33; Gal 5:9; Yak 4:16.
7 Nanhte tsep kawp san seng ai ni tai na matu matsi dingsa ngu ai yubak
mara hpe ran kabai kau mu. Dai shaloi
e nanhte gaw, matsi n rawng ai muk
tawng ningnan zawn, tai na
marin dai. Dai zawn nanhte kaja wa
tai lu nga myit dai hpe ngai hkrak
chye nngai. Hpa majaw nga yang,
Hkristu ngu ai anhte a shalai wa ai
hkungga gaw sat kau hkrum nu ai rai
nna, anhte a Shalai wa ai Poi galaw
na jin jin rai nga sai.Ref 5:7: Esa 53:7; Yhn 1:29; 19:14; 1Pe 1:19; Shr 5:6,12.
8 Dai rai nna yubak mara hte n hkru n shawp ai arawn alai ngu ai matsi dingsa
lawm ai muk tawng hte n re ai sha, san
seng ai myit masin hte teng man ai ngu
ai matsi n rawng ai muk tawng hte
Shalai wa ai Poi galaw sha ga.Ref 5:8: Mat 16:6,12; Luk 12:1.
9 Shawng na lang ngai nanhte hpang de ka dat ai laika hta hpye ai amu galaw
ai ni hte n kanawn mazum na lam ngai
htet dat ni ai.
10 Shing rai htet dat ai hta, ndai mungkan ga na hpye ai amu galaw ai ni, nammak
lawhpa ai ni, lagu lagut ni, gawkngu
sumla nawku ai ni hte n kanawn lu na
rai myit dai ngu nna ngai n tsun mayu
nngai. Shanhte hpe koi kau lu na nga
yang gaw, nanhte ndai mungkan ga na
tsep kawp pru mat wa ra na sha rai
nga ai.
11 Ya ngai ngu mayu ai gaw, tinang hkum hpe Hkristan hpu nau wa rai nga nngai
nga nhtawm me, hpye ai lam hkan ai,
nammak lawhpa ai, gawkngu sumla naw
ai, shatan nhkan ai; chyaru ya tai
ai hte lagu lagut re ai ni hte n
kanawn lu na hta n ga, shing re ai wa
hte rau dung nna pyi n jawm lu n jawm
sha lu na, ngu ai lam rai nga ai.
12 Hpa majaw nga yang, Hkristan hpung masha n re ai, shinggyim masha ni
hpe jeyang na ngai hte hpa n seng
nga ai. Karai Kasang mahtang shanhte
hpe jeyang na maru ai.Ref 5:12: 1Ko 6:1-4; Kol 4:5; 1Ht 4:12.
13 Rai ti mung nanhte gaw hpung dinghku kata na ni hpe jeyang ang myit dai n
rai ni? Chyum Laika hta ka da nga ai
hte maren, ?Nanhte a kata na n hkru n
hkra ai wa hpe nanhte kaw na shaden
kau mu.?Ref 5:13: Trj 13:5; 21:21; 22:21-22.