4
1 Anhte gaw Karai Kasang a sung htum nna makoi magap da ai teng man ai lam ni
hpe lit la nna kunhting tai nga ai
Hkristu a shangun ma ni re ai ngu nna
nanhte myit la ang myit dai.
2 Shing rai lit la nna magam gun hpai ai shangun ma wa hta nga ra ai atsam
marai langai mi gaw, shi a Madu a ntsa
e kangka sadi dung na lam rai nga ai.
3 Ya e ngai hpe jep san jeyang ai mi rai rai, shawa tara rung madang hku jeyang
ai mi rai rai, ngai hpa zawn n nawn
nngai. Ngai gaw nye a hkum hpe pyi n
jeyang nngai.
4 Hpa majaw nga yang, ngai hkum dai myit asan sha, mara n lu dum nngai; rai ti
mung ngai hta mara n kap ai ngu nna
ngai n tsun mayu nngai, Ngai hpe jeyang
ai wa gaw dai Madu rai nga ai.Ref 4:4: Yob 9:2; Gsh 21:2; Rom 4:2.
5 Dai re ai majaw, aten hkrak garai n du yang, kadai hpe mung hkum jeyang myit.
Hpang jahtum na jeyang daw dan ai lam
hpe, dai Madu bai du sa ai nhtoi shani
du hkra la nga lu na rai nga ai; Shi
gaw nsin hta makoi magap da ai nga
manga hte hpe mung, masha a myit kraw
lawang kata hta makoi magap da ai myit
mang yaw shada ai lam ni hpe mung,
shapraw shadan dan na ra ai. Dai shaloi
e langai hte langai gaw tinang hte ging
dan ai hte maren Karai Kasang kaw na
shakawn shagrau ai hpe hkam la na ra
ai.
6 Hpu nau ni e, nanhte a matu mai kaja ai lam hpe myit tau yu let, ndai lam
hta ngai hte Apolo a lam hpe ga shadawn
kasi shatai nna tsun dan made ai. Dai
hku tsun dan ai lam gaw, ?Hkan sa tara
madung hpe lai nna hkum galaw mu,? nga
ai ga malai a sung ai lachyum hpe nanhte
chye na lu na matu rai nga ai. Nanhte
gaw langai wa hta myit kaba gumrawng
nna kaga wa hpe n gawn n sawn hkum rai
myit.
7 Kadai wa mi nang hpe masha kaga hta grau shangun nga a ta? Nanhte lu ai
yawng mayawng hte gaw Karai Kasang
jaw ai n rai ni? Dai re ai mi nanhte
hkam la lu ai arai ni gaw Karai Kasang
kaw na hkam la lu ai chyeju kumhpa n
re ai zawn nanhte gumrawng ai gaw,
kaning re ai rai ta?
8 Ya nanhte hta ra mara hkum tsup hkra lu rau manit dai n rai ni? Nanhte lu
su rau wa manit hka i? Anhte pyi
hkawhkam garai n tai yang nanhte
hkawhkam tai wa manit hka! Rai sa,
nanhte hkawhkam tai yang she anhte
mung nanhte hte rau hkaw dung lu na
re ai majaw, kaja wa nanhte ni
hkawhkam tai na ngai ra nga nngai.
9 Hpa majaw nga yang, majan poi awng dang nna yan hkawm dan ai shaloi,
sat kau hkrum na bawng ni hpe hpang
ningdim e hkan nang shangun ai zawn,
Karai Kasang gaw shinggyim masha ni
hte lamu kasa ni a man e jawm yu mada
mu ga, anhte kasa ni hpe hpang ningdim
tawn da mi ai ngu nna ngai myit nawn
nngai.
10 Hpa majaw nga yang, anhte gaw Hkristu a majaw mana angawk ni rai nga ga ai,
nanhte mahtang Hkristu hte langai sha
rai nga ai hpaji rawng ai ni rai nga
myit dai! Anhte gaw n-gun n ja ga ai,
nanhte mahtang n-gun ja myit dai; anhte
arawng hpoi saga ai, nanhte mahtang
hpung rawng ai ni rai nga myit dai.
11 Ya ten du hkra anhte kawsi hpang gara, singgu krin, adup ajin zingri hkrum nna
nga shara garen let shara mi kaw nna
shara mi de hkawm nga ga ai.
12 Anhte a lata hte shakut nna bungli shaja galaw sha ga ai, anhte matsa
mawa hkrum yang shaman ya ga ai,
zingri zingrat hkrum yang anhte hkam
sharang ga ai.Ref 4:12: Kas 18:3; 1Ht 2:9; 2Ht 3:8.
13 Anhte roi asawng ai hkrum yang, ga ngwi ga pyaw hte htan ga ai. Anhte
gaw ya du hkra ndai mungkan ga a
shanut shanaw hte masha yawng mayawng
e kabai ayai da ai maza mala zawn rai
nga ga ai.
14 Nanhte hpe kaya jahkrum na matu ndai lam ngai ka nngai n rai; ngai tsaw
ngai ra ai nye a kashu kasha ni hpe
zawn ngai nanhte hpe shadum jahprang
made ai.
15 Hpa majaw nga yang, nanhte a Hkristan asak hkrung lam hta nanhte hpe sharin
achyin ya na sara mun mi dang lu myit
ti mung, nanhte kawa langai sha lu myit
dai. Ngai gaw dai Kabu Gara Shiga hkaw
dan ai hku nna, nanhte hpe Hkristu hte
kahkyin gumdin ai asak hkrung lam de du
wa shangun ai nanhte a shangai kawa tai
wa ni ai.
16 Dai re ai majaw nye a kasi hkan ai ni tai nga mu ga ngu nna ngai nanhte hpe
hpyi lajin made ai.Ref 4:16: 1Ko 11:1;
Hpl 3:17; 1Ht 1:6; 2Ht 3:9.
17 Dai lam a majaw ngai gaw Hkristan asak hkrung lam hta nye a tsaw ra ai, kangka
sadi sahka nga ai ngai sha Timohti hpe
nanhte hpang de ngai shangun dat we ai.
Shi gaw, ngai nan hkan sa nna shara
shagu na nawku hpung ni yawng hpe sharin
shaga ya ai Hkristu hte langai sha re ai
asak hkrung lam ningnan a lam nanhte hpe
bai myit dum shangun na matu shadum
jahprang na ra ai.
18 Nanhte hpang de ngai bai n sa du sana zawn nawn nna, nanhte hta na nkau mi
gaw gumrawng gumtawng rai wa masai.
19 Dai Madu hkraw a yang gaw, ngai nanhte hpang de alawan sa du na ring ngai. Dai
shaloi shing rai gumrawng gumtawng nga
ai ni a n-gup atsam hpe sha n rai,
shanhte a n-gun atsam hpe mung ngai nan
chye la lu na ring ngai.
20 Hpa majaw nga yang, Karai Kasang a mungdan gaw n-gup aga hta rawng nga
ai n rai, n-gun atsam hta she rawng
nga ai.
21 Ngai gaw nanhte hpang de shingna lang nna sa na rai ni? Shing n rai, tsaw
ra nna sumnung shingdi ai wenyi hte
nanhte hpang de sa du na kun? Nanhte
gara mahtang hpe grau ra sharawng nga
myit ta?