3
Kaja wa tsun ga nga yang, hpu nau ni e, Wenyi myit rawng ai ni hpe zawn, nanhte hpe ngai tsun dan lu made ai n rai; shinggyim ta naw re ai ni hte Hkristu hta ma chyangai naw re ai ni hpe zawn, ngai nanhte hpe tsun shaga na nngai. Nanhte ya e rin mani yak ai lusha garai n lu sha myit dai majaw, ja ai lusha n re ai sha, chyu dwi hkrai sha ngai nanhte hpe gawn jaw made ai. Ya e pyi nanhte garai n rin lu myit dai.Ref 3:2: Yhn 16:12; Heb 5:12-13; 1Pe 2:2. Dai majaw nanhte gaw shinggyim ta re ai hku naw nga nga myit dai. Nanhte hta manawn masham ai hte ga li ga law rai nga myit dai majaw, dai gaw nanhte ndai mungkan hte seng ai hku asak hkrung nga ai ni re ngu ai hpe sakse madun nga ai n rai ni? Nanhte hta na langai ngai, ?Ngai gaw Pawlu a hpang hkan ai wa rai nngai,? nga nna tsun ai shaloi, nanhte gaw mungkan masha ni zawn galaw hkawm sa asak hkrung ai ni nan rai nga myit dai n rai ni?Ref 3:4: 1Ko 1:12.
Apolo gaw kadai wa rai nga a ta? Pawlu mung kadai wa rai nga a ta? Anhte gaw Karai Kasang a shangun ma ni sha rai nna, anhte a marang e nanhte Karai Kasang hpe kam sham wa lu myit ga, woi awn lanu lahku ya ai ni sha rai nga ga ai. Dai rai nna anhte langai hte langai gaw Karai Kasang e garan masat jaw da ya ai amu hpe gun hpai lu ga ai.Ref 3:5: 1Ko 4:1; Rom 12:3,6; 2Ko 3:3; 1Pe 4:11. Ngai gaw nli tum hkai da nngai, Apolo gaw hka jaw wu ai, Karai Kasang e she tu shangun nga ai.Ref 3:6: 1Ko 1:30; Kas 18:4; 8:24; 2Ko 3:5; 10:14-15. Shing rai hkai da ai wa hte hka jaw ai wa gaw hpa n rai nga ai, tu shangun ai Karai Kasang chyu sha she ahkyak madung rai nga ai. Nli tum hkai da ai wa hte hka jaw ai yan hta hpa shai hkat ai n rai, langai sha rai nga ma ai. Karai Kasang gaw langai hte langai hpe tinang a galaw shakut sharang ai hte maren shabrai jaw na maru ai. Hpa majaw nga yang, anhte gaw Karai Kasang a matu amu bungli galaw nga ai shingdep shingtau ni rai nga ga ai.
Nanhte gaw Karai Kasang a yi hkauna hte Karai Kasang a wahpang htingnu rai nga myit dai. 10 Karai Kasang ngai hpe jaw ai chyeju kumhpa hpe lang let, hpaji rawng ai nta shachyaw ai wa zawn, ngai npawt nhpang gaw jahkrat da se ai; kaga masha langai mi gaw dai hta e gaw kahtap nga ai. Rai ti mung gaw kahtap ai ni langai hte langai gaw, tinang gara hku gaw kahtap ai hpe sadi sahka hte yu yu nga u ga. 11 Hpa majaw nga yang, Karai Kasang kalang mi gaw jahkrat da sai Yesu Hkristu ngu ai npawt nhpang langai mi hta kaga npawt nhpang shaje gaw da lu ai n rai. 12 Masha nkau mi gaw, dai npawt nhpang a ntsa e aja, gumhpraw, lung seng ni hte gaw kahtap na mara ai; masha nkau mi gaw, hpun nawnam, yihku hte gaw kahtap na mara ai. 13 Masha langai hkrai a gaw gap ai kaja ai n kaja ai marai ningja gaw Madu Yesu du sa ai shani e dan dawng wa na ra ai. Hpa majaw nga yang, dai shani e masha langai hte langai a galaw ai bungli hpe shadan dan na ra ai, dai wan gaw langai hte langai galaw ai bungli marai nsam hpe chyam ginhka na ru ai. 14 Gaw gap ai hta lang ai arung arai gaw dai wan hta jen yu ai lam hpe hkam lu ai rai yang gaw, gaw gap ai wa gaw shabrai lu la na ru ai. 15 Langai ngai a bungli hkru mat a yang gaw, shi sum mat ai hkrum na ra ai: rai ti mung shi nan gaw wan hpyen kaw na lawt pru ai wa zawn, shi hkum sha hkye hkrang la ai hkrum na ra ai.
16 Nanhte gaw Karai Kasang a nawku htingnu rai nga nna, Karai Kasang a Wenyi gaw nanhte hta e rawng nga ai hpe nanhte kaja wa chye nga myit dai!Ref 3:16: 1Ko 6:19; Ehp 2:21-22; Heb 3:6; 1Pe 2:5. 17 Marai langai ngai Karai Kasang a nawku htingnu hpe sharun shabya nga a yang gaw, Karai Kasang dai wa hpe sharun shabya kau na ru ai. Hpa majaw nga yang, Karai Kasang a nawku htingnu gaw chyoi pra nga ai rai nna, nanhte mung dai zawn rai nga myit dai.
18 Kadai rai ti mung tinang hkum hpe hkum hkalem nga myit ga. Nanhte hta na marai langai ngai ndai mungkan a madang hku nna tinang hkum hpe hpaji byeng-ya rawng nga nngai nga nna grang a yang gaw, hpaji byeng-ya rawng ai wa majing tai na matu angawk angak re ai masha tai wa u ga. 19 Hpa majaw nga yang, ndai mungkan ga na hpaji byeng-ya gaw, Karai Kasang a man e angawk angak rai nga ai. Dai Chyum Laika hta tsun ai hte maren, ?Karai Kasang gaw hpaji byeng-ya rawng ai ni hpe, shanhte nan lang ai hpaji mahkam hta lu si mat shangun mu ai.?Ref 3:19: 1Ko 1:20; 2:6; Yob 5:13. 20 Bai kaga chyum ga hta mung, ?Hpaji rawng ai ni a myit ai lam ni hpa manu n rawng nga malu ai gaw, dai Madu chye ya nga ai,? nga nna ka da nga ai. 21 Dai re ai majaw, kadai rai ti mung, masha e galaw lu ai atsam hta hkum gumrawng nga u ga. Kaja wa nga yang, yawng mayawng hte hpe nanhte madu nga myit dai.Ref 3:21: 1Ko 3:4-6; 1:12; 2Ko 4:5,15. 22 Pawlu mung, Apolo mung, Petru mung, ndai mungkan ga mung, asak hkrung lam hte si ai lam mung, ya e nga ai hte htawm hpang e pra na ra ai mung, yawng mayawng hte gaw nanhte a rai nga malit dai. 23 Nanhte hpe Hkristu madu nga nna, Hkristu hpe chyawm gaw Karai Kasang madu nga ai.