2
Moba
1 Dai Madu gaw, ?Moba masha ni lang hte lang yubak galaw shut kau nga masai, dai lam a majaw ngai shanhte hpe teng teng ari jaw na we ai. Shanhte gaw Edom hkawhkam wa a nrut nra ni hpe wan wu tai mat hkra ju kau let n gawn n sawn di ma ai. Ref 2:1-3: Esa 15:1-16:14; 25:10-12; Yer 48:1-47; Eze 25:8-11; Zep 2:8-11.
2 Ngai gaw Moba mung a ntsa e wan jahkrat dat nhtawm Keriot a hpyen dap ni hpe jahkru kau na we ai. Moba masha ni gaw hpyenla ni marawn jahtau nna pahtau dum nga ai hte yang majan a wu gadu ai nsen hta si mat na mara ai.
3 Ngai gaw Moba mungdu wa hte dai mung na ningbaw ni yawng hpe sat kau na nngai,? ngu nna tsun ai.
Yuda
4 Dai Madu gaw, ?Yuda amyu masha ni gaw lang hte lang yubak galaw shut kau manu ai, dai lam a majaw, ngai shanhte hpe teng teng ari jaw na nngai. Shanhte gaw nye a sharin shaga ai ga matsun ni hpe n kaw n law di ma ai, nye a hkang da ai ga ni hta n hkan sa ma ai. Shanhte gaw shanhte a kaji kawa ni hkan nang yu sai akyu n rawng ai hpara sumla ni hta nan lam yit nga masai.
5 Dai rai nna, ngai gaw Yuda a ntsa e wan jahkrat dat nhtawm Yerusalem a hpyen dap ni hpe jahkru kau na we ai,? ngu nna tsun ai.
6 Dai Madu gaw, ?Israela amyu masha ni lang hte lang yubak galaw shut kau manu ai, dai lam a majaw ngai shanhte hpe teng teng ari jaw na we ai. Shanhte gaw hka n lu wa ai ding man ai masha ni hte kyepdin man mi a manu hpe pyi n lu nhtang ya ai matsan mayan re ai masha ni hpe mayam hku dut kau ma ai.
7 Shanhte gaw n-gun kya nga ai ni hte karum la na masha n lu ai ni hpe kabye anut ma ai; matsan mayan masha ni hpe lam shadam kau nga ma ai. Kawa hte kasha gaw mayam mahkawn langai sha hte jawm kanawn let nye a chyoi pra ai amying nsang hpe awu asin di ma ai.
8 Shanhte gaw matsan mayan ni a hka a matu shadun da ai nba hpe Karai Kasang hpe nawku ai shara shagu hkan nep da nna yup ma ai. Shanhte gaw shanhte a Karai Kasang a Nawku Htingnu hta shanhte shawa la lu ai gumhpraw hte sabyi ntsin mari lu nga ma ai.
9 ?Ti mung, nye a amyu masha ni e, arit hpun daram tsaw nna wamyi hpun zawn n-gun ja ai Amori la wa-ngan ni hpe na a majaw ngai tsep kawp jahten shaza kau ni ai. Ref 2:9: Trj 3:8-11.
10 Ngai gaw nanhte Amori masha ni a lamu ga hpe madu la lu hkra nanhte hpe Egutu mung kaw na woi shapraw wa nhtawm nam mali kata e mali shi ning tup ngai woi lakawn wa ni ai.
11 Nanhte a kasha nkau mi kaw na myihtoi ni, nanhte a shabrang ni hta na nkau mi hpe Nazari masha ni hku ngai lata da ni ai. Israela amyu masha ni e, ndai lam teng nga ai, n rai ni? Dai Madu ngai nan tsun ni ai. Ref 2:11: Bhk 6:1-8.
12 Rai ti mung, nanhte gaw Nazari masha ni hpe sabyi lu shangun nna myihtoi ni hpe nye a mungga n tsun na matu hkang da manit dai.
13 Ya chyawm gaw, ngai gaw nanhte hpe ga de agrawp kau na we ai; nanhte gaw mam nsi lit htaw ai leng zawn madai na rai myit dai.
14 Kagat chyang ai ni pyi hprawng lawt lu na n rai; n-gun ja ai masha ni shanhte a n-gun htum mat na mara ai; hpyenla ni mung tinang asak hkrang shaw la lu na ma ai n rai.
15 Ndan lang ai wa mung tsap lu na n rai, kagat chyang ai wa mung hprawng lawt lu na n rai; gumra jawn ai ni mung shanhte a asak a matu lawt lu na ma ai n rai.
16 Dai shani e, share shagan ai hpyenla ni pyi shanhte a laknak ni hpe jahkrat da nna hprawng kagat mat wa na mara ai.? Dai Madu nan tsun nu ai.