7
1 Shaloi Hkinjawng Agyi Kaba wa gaw Stehpan hpe, ?Ndai ni tsun ai ga teng nga a ni?,?
ngu nna san wu ai.
2 Stehpan gaw, ?Hpu nau ni hte wa ni e, ngai tsun ai hpe madat mara yu mu! Anhte a kaji
daju Abraham, Haran mare de garai n wa nga,
Mesopotamia mung e naw rai nga yang, hpung
shingkang rawng ai Karai Kasang gaw shi kaw
dan pru nna,
3 ?Na amyu hte na a mung na pru nhtawm ngai nang hpe madun na de ai mung de sa wa su,? ngu shi hpe tsun dan wu ai.Ref 7:3: Nin 12:1.
4 Shaloi Hkalde mung na shi pru nna Haran mare e wa shingbyi nga ai. Abraham a kawa si mat ai
hpang, ya nanhte nga nga ai ndai mung de Karai
Kasang shi hpe woi htawt wa wu ai.
Ref 7:4: Nin 11:31; 12:4-5.
5 Dai mung e Karai Kasang gaw Abraham hpe sali wunli ngu na lamu ga lagaw kabye na shara daram
pyi n jaw wu ai, rai ti mung, Karai Kasang
gaw dai mungdan shi hpe jaw na nga nna ga
sadi jaw nu ai rai nna dai gaw shi hte shi
kashu kasha ni hte mung seng nga ai. Dai zawn
ga ndat jaw ai ten Abraham hta kashu kasha
garai n lu ai.Ref 7:5: Nin 12:7; 15:3,18; 17:8; 26:3.
6 Abraham hpe Karai Kasang tsun wu ai gaw, ?Na a amyu matu ni, masha tsasam ni a
mung hta sa shingbyi nga nna dai mung e
shaning mali tsa ning mayam tai nna, zingri
zingrat hkrum na mara ai.Ref 7:6: Nin 15:13,16; Pru 12:40; Gal 3:17.
7 Rai ti mung, shanhte hpe yam sha nga ai amyu masha ni hpe mung ngai jeyang na mawe ai.
Dai hpang shanhte dai mung na pru wa nna,
ndai yang e ngai hpe jaw jau lu na mara
ai,? nga nna tsun ai.Ref 7:7: Pru 3:12.
8 Dai hpang Karai Kasang gaw shi tawn da sai ga shaka a kumla langai mi hku nna
Abraham hpe matu gadoi ai lam jaw da wu ai.
Shing rai Abraham gaw kasha Isak hpe shangai
ai hpang matsat ya nhtoi hta matu gadoi ai
lam galaw ya wu ai. Dai hte maren Isak gaw Yaku
hpe matu gadoi ya wu ai. Yaku mung anhte a
kaji daju ni ngu ai shi a kasha marai
shi lahkawng hpe matu gadoi ya wu ai.
9 ?Yaku a kasha ni gaw shanhte a kanau Yosep hpe manawn nna, Egutu mung de mayam hku dut
kau dat mu ai. Rai ti mung Karai Kasang gaw
shi hte rau rai nga ai rai nna,Ref 7:9:
Nin 37:4,11,28; 39:2,21,23; Shk 105:17.
10 ru yak tsin-yam tsindam yawng na shi hpe shaw la wu ai. Karai Kasang gaw Yosep hpe Egutu
Hkawhkam a man e dan pru shangun nna, man pa
ai arawn asam hte hpaji byeng-ya jaw wu ai
majaw dai Hkawhkam wa gaw Yosep hpe Egutu
mung ting a mung gyi hku nna mung, Hkawhkam
htingnu up ai du hku nna mung san da wu ai.
Ref 7:10: Nin 41:37; 42:6.
11 Dai ten hta Egutu mung hte Hkanan mung ting hta hku wa kaba wa nna kyin dut kaba byin wa
sai. Anhte a aji daju ni mung lusha htum mat
malu ai.Ref 7:11: Nin 41:54.
12 Egutu mung e mam nga ai lam Yaku na wu yang anhte a aji daju ni rai nga ai shi a kasha ni
hpe shawng na lang shangun dat wu ai.Ref 7:12: Nin 42:1.
13 Lahkawng ngu na bai sa ai shaloi Yosep gaw shi kahpu kanau ni hpe shi a lam tsun hpaw
dan wu ai rai nna, Egutu hkawhkam mung Yosep
a bawsang ni a lam chye ya wu ai.Ref 7:13: Nin 45:4,16.
14 Dai rai nna Yosep gaw kawa Yaku hte hpawn nta masha yawng marai sanit shi manga hte
Egutu mung de yu wa na matu Kawa Yaku hpang
de shiga htet shana dat wu ai.
Ref 7:14: Nin 45:9,27; 46:27; Trj 10:22.
15 Yaku mung Egutu mung de yu wa nna dai yang e shi hte shi kasha ni yawng si mat wa
masai.Ref 7:15: Nin 46:5; 49:33; Pru 1:6.
16 Shanhte a moi mang hpe Shehkem de la wa nna, Shehkem e nga ai Hamon a kashu kasha ni kaw na Abraham gumhpraw manu hte mari da ai lup
hta wa lup ma ai.Ref 7:16: Nin 23:16;
Pru 13:19; Ysh 24:32.
17 Ya Karai Kasang gaw Abraham hpe jaw da ai ga ndat hpe shadik shatup na aten ni wa magang
yang, Egutu mung e Israela amyu masha ni law
htam kaba wa ma ai.Ref 7:17: Pru 1:7-9; Shk 105:24-25.
18 Dai shaloi Egutu mung e Yosep hpe n chye ai Hkawhkam paw pru wa ai.
19 Dai Hkawhkam wa gaw, anhte a bawsang ni hpe hpaji hte manai nna zingri zingrat di ma ai,
shanhte a ma chyangai ni si mat mu ga, nta
shinggan e adip arip tawn da shangun ma ai.
Ref 7:19: Pru 1:22.
20 Dai aten hte yang Mawshe shangai wa ai rai nna shi gaw ahpraw nsam grai tsawm ai ma rai
nga ai. Shata masum tup nta e bau maka
da ai hkrum wu ai,Ref 7:20: Pru 2:2; Heb 11:23.
21 Shi hpe nta shinggan de kabai tawn da ai shaloi hkawhkam a shayi sha e hta la
nhtawm shi a kasha majing hku yin la nna
shapan da wu ai.
22 Mawshe mung Egutu hpaji yawng sharin la nna, mungga hte marai grai rawng ai masha kaba
langai mi tai wa sai.Ref 7:22: Luk 24:19.
23 ?Ya Mawshe asak mali shi ning du ai shaloi shi a kahpu kanau Israela kashu kasha ni hpe gara
hku di nga ma ai lam mu chye na matu sa kawan
katsan yu na myit daw dan ai hte sa wa ai.
Ref 7:23: Pru 2:11-12.
24 Shingrai sa yu hkawm nga ai ten hta Israela masha ni hta na marai langai mi hpe Egutu
masha langai mi e kayat adup nga la ai hpe
mu jang, Israela masha wa hpe maga nna
zingri nga ai Egutu masha hpe matai htang let
sat kau wu ai.
25 (Mawshe gaw, Israela amyu masha ni lawt wa lu na matu shi hpe Karai Kasang asung jashawn
hkyen nga ai lam shanhte chye na ma dawng,
ngu nna myit wu ti mung, shanhte gaw n chye
na ma ai.)
26 Hpang shani e Israela la lahkawng shada da gasat hkat nga ai hpe sa mu hkrup nna shi
gaw shan a lapran e shangwi shapyaw
htingram na matu, ?hkau yan e, nan gaw hpu
nau Israela shada she rai yang me, hpa rai
gasat hkat nga myit ta?,? ngu nna nem mu ai.
Ref 7:26: Pru 2:13.
27 ?Rai ti mung, htingbu manang wa hpe zingri ai wa mahtang, ?anhte a ntsa e du hte tara agyi
tai na, nang hpe kadai san da a ta?
28 Mani e Egutu masha hpe sat kau ai zawn ngai hpe mung sat kau mayu nga nni?,? ngu nna htan
let Mawshe hpe kanawng kau wu ai.
29 Mawshe dai ga na jang, Egutu mung na hprawng mat wa nna Median mung e sa nga mat ai. Dai kaw shi gaw shadang sha lahkawng lu wu ai. Ref 7:29: Pru 2:15,22; 4:20; 18:3-4.
30 Shaning mali shi ning lai ai hpang, ?Sina bum makau na nam mali e, wan grung nga ai
singwum hta lamu kasa langai mi Mawshe kaw
dan pru ai.
31 Mawshe gaw shi mu lu ai hpe mau nna dai hpe atsawm sha yu yu na nga makau de sit sa wa
yang, dai Madu a nsen ngoi pru ai gaw:
32 ?Ngai gaw na a nji nwa ni a Karai Kasang, Abraham, Isak, Yaku a Karai Kasang rai nga
nngai,? nga ai. Mawshe chyawm gaw hkrit gari
nna n mada wam wu ai.Ref 7:32: Mat 22:32; Heb 11:16.
33 Bai dai Madu gaw, ?Na a kyepdin raw kau u, hpa majaw nga yang nang tsap ai shara chyoi
pra ai ga rai nga ai.
34 Egutu mung na nye a amyu masha ni a zingri zingrat nni nkri hkrum sha nga ai hpe ngai
mu se ai. Shanhte a madai ai nsen hpe ngai
na ni ai; Shanhte hpe hkye shalawt la na
ngai yu wa ring ngai. Ya sa rit, ngai nang
hpe Egutu mung de shangun dat de ga,? ngu
nna shi hpe tsun wu ai.
35 Mawshe gaw, Israela masha ni e n hkap la ai ndang kau hkrum ai wa rai nga ai. Shanhte
gaw, ?Nang hpe anhte a ntsa e du hte tara gyi
tai na kadai san da a ta?,? nga nna san ma ai.
Dai wa nan dai singwum hkru ai shara e dan
pru ai lamu kasa a karum ai hte amyu masha
ni hpe up hkang ai hte shalawt dat na matu
Karai Kasang dat dat ai wa rai nga ai.
Ref 7:35: Pru 14:19; Bhk 20:16.
36 Shi gaw Egutu mung hte Nawng Hkyeng hta mung, shaning mali shi ning tup nam mali hta mung, mauhpa hte lamik kumla ni madun nna Israela
amyu masha ni hpe Egutu mung na woi shapraw
wa ai wa rai nga ai.Ref 7:36: Pru 12:41; 14:21; 16:1,35; Shk 105:27.
37 ?Nan hpu nan nau ni hta na, ngai zawn re ai myihtoi langai mi, nanhte a matu Karai Kasang
paw pru shangun na ra ai,? nga nna Israela amyu
masha ni hpe tsun da ai wa gaw Mawshe shi nan
rai nga ai.Ref 7:37: Kas 3:22; Mat 17:5.
38 Nam mali e hpawng nga ai Israela amyu masha ni hte mung, anhte a ji wa ni hte mung, Sina
bum e shingran jaw ai lamu kasa hte mung rau
rai nga ai wa gaw shi nan rai nga ai. Anhte
hpe bai htawn tsun na ap ya ai Karai Kasang
kaw na asak hkrung ai mungga hkap la ai wa
mung shi rai nga ai.Ref 7:38: Gal 3:19; Heb 2:2.
39 ?Rai ti mung, anhte a ji wa ni chyawm gaw, shi a ga hpe n madat ma ai. Shi hpe ndang
kau nna Egutu mung de bai yu wa mayu ma ai.
40 Shanhte gaw, ?Anhte a shawng e sa wa na hpara ni galaw ya mi. Anhte hpe Egutu mung na shaw woi wa ai ndai Mawshe ngu ai masha hta
hpa byin sai kun? Anhte n chye saga ai,? ngu
nna Arun hpe tsun ma ai.Ref 7:40: Pru 32:1.
41 Dai hpang shanhte gaw dumsu kasha sumla galaw nna dai sumla hpe hkungga jaw let shanhte galaw ai amu hpe shagrau sha-a ai kabu gara
poi kaba galaw ma ai.Ref 7:41: Trj 9:16; Shk 106:19.
42 Dai rai nna myihtoi laika hta,
?Israela amyu masha ni mali shi ning tup
nam mali e nanhte a dusat hkungga ni hpe sat nna nawng jau ai gaw ngai hpe jaw ai
n rai myit dai!
43 Nanhte hpai hkawm ai gaw Molek hpara a sum hte
nanhte a shagan hpara Rehpan a sumla rai malit dai.
Dai ni gaw nanhte nawku na matu galaw la ai sumla ni rai malit dai.
Dai majaw Babelon mung a shinggan de lai hkra ngai nanhte hpe gau kau na made ai,?
nga nna ka da nga ai hte maren Karai Kasang
gaw shanhte kaw na myi man kayin kau nna
shanhte hpe sumsing lamu na gintawng shagan ni hpe nawku na matu ap kau mu ai.
44 ?Anhte a ji wa ni gaw, Karai Kasang shanhte hte rau rai nga ai sakse madun ai sum hpe nam mali e lu la ma ai. Karai Kasang gaw dai sakse sum
galaw na matu Mawshe hpe hkang da nu ai. Dai hpe
Karai Kasang madun dan ai kasi hte maren galaw
nu ai.Ref 7:44: Pru 25:40; 26:30; Heb 8:5.
45 Dai hpang anhte a kaji kawa ni gaw shanhte a kawa ni kaw na hkam la ai sakse sum hpe
Karai Kasang shachyut kau ya ai masha amyu
ni a mung hta Yawshu hte rau shanhte shang
madu sha wa ai shaloi, dai sum hpe la shawn
shang wa ma ai. Dai sum gaw Dawi a ban prat
du hkra dai mung e nga nga ai.Ref 7:45: Kas 13:19; Ysh 3:14; Neh 9:24; Shk 44:2.
46 Dawi chyawm gaw Karai Kasang a man e myi man pa ai rai nna Yaku a Karai Kasang shanu nga na shara langai mi galaw na ahkang jaw ya na
matu Karai Kasang kaw hpyi wu ai.Ref 7:46:
2Sa 7:1-16; 1Hl 17:1-14; Shk 89:16.
47 Rai ti mung Shawlumon she Karai Kasang a nta gap wu ai.Ref 7:47: 1Hk 6:1-8:20; 1Hl 17:12.
48 ?Rai ti mung Tsaw Htum ai Karai Kasang gaw masha a lata hte sha gap da ai nta kaw
rawng ai n rai, dai lam myihtoi wa htawn
tsun ai gaw,Ref 7:48: 1Hk 8:27; 2Hl 2:6; 6:18.
49 ?Sumsing lamu gaw nye a tingnyang
ginding aga gaw nye a lagaw kabye lahkum rai nga ai.
Kaning re ai nta nye a matu nang gap na n ta?
Ngai shanu nga na shara gaw gara kaw rai ta?
50 Ngai nan dai arai ni yawng mayawng hpe galaw da sai n rai ni?,? nga nna myihtoi tsun ai.
51 ?Dai daram wa nanhte du ja nga myit hka! Nanhte a myit masin ni gaw Karai Kasang hpe
dai daram wa n kam n sham nga malit hka!
Karai Kasang a shingran mungga hpe na la na
dai daram wa na lahpang nga myit hka! Nanhte
gaw, nanhte a nji nwa ni galaw ai zawn Chyoi
Pra ai Wenyi hpe nanhte galoi mung ninghkap
nga myit hka! Ref 7:51: Esa 48:4; Yer 6:10.
52 Nanhte a nji nwa ni n zingri yu ai myihtoi kadai wa nga a ta? Shanhte gaw Karai Kasang
a ding hpring nga ai shangun ma du sa na ra
ai lam tau hkrau nna htawn tsun ai myihtoi
ni hpe sat kau ma ai; ya nanhte mung dai wa
hpe ap kau sat kau ai ni rai nga myit dai.
53 Nanhte gaw lamu kasa ni a lata hku nna shalai jaw ya ai tara lu ai ni rai nga myit ti mung,
dai hpe madat mara hkan sa myit dai n rai,?
ngu nna Stehpan tsun wu ai.
54 Yuda tara kongsi hpung hta lawm ai ni gaw Stehpan a ga hpe na jang masin nachying pawt
nna wa wudik let yu da mu ai.
55 Rai ti mung Stehpan chyawm gaw Chyoi Pra ai Wenyi hpring nna lamu de azi yu wu yang Karai
Kasang a hpung shingkang hte Karai Kasang a
hkra maga de tsap nga ai Yesu hpe mu wu ai.
56 Dai shaloi Stehpan gaw ?Yu mu! Ngai gaw sumsing lamu hpaw malang nga ai hpe mung,
Karai Kasang a hkra maga dai Masha Kasha
tsap nga ai hpe mung, ngai mu se ai,? ngu
nna tsun mu ai.
57 Shaloi shanhte gaw aja awa jahtau let tinang a na ni hpe pat kau nhtawm lang lata rau shi
hpang de htim nna,
58 Mare shinggan de dun shapraw nhtawm, nlung hte jawm kabai mu ai. Sakse ni mung Shawlu
mying ai shabrang wa a lagaw nhpang e shanhte
a hpun palawng ni hpe yu ya na matu raw tawn
ma ai.
59 Shing rai kabai nga mayang Stehpan gaw akyu hpyi let, ?Madu Yesu e Nye a Wenyi hpe hkap
la ya rit law!,? nga ai.
60 Bai hput di let, ?Madu e ndai mara shanhte hpe hkum shagun ya et,? nga nna nsen kaba hte
jahtau wu ai, dai tsun ngut jang shi nsa hti
mat ai.