6
Ya gade nna yang, Sape ni law htam wa ma ai rai nna Grik ga shaga ai Yuda ni hte Yuda majing ni a lapran e aput angun nga nna ga shai hkat wa ma ai. Grik ga shaga ai Yuda masha ni mahtang shani shagu jai na gumhpraw garan ai hta shanhte a maga na gaida jan ni hpe hprai kau nna shadawng da ya mi ai, nga nna tsun mara ai. Dai rai nna dai kasa shi lahkawng hte gaw, sape hpung ting hpe shaga la nna, ?Anhte wa Karai Kasang mungga hkaw tsun ai amu hpe hprai kau rap di nna dai ja gumhpraw a 6:2: Ja gumhpraw: Na matu (to handle finances) ngu nna gale da ai. King James version. New International Bible, Revised Standard Version, Jerusalem Bible, New English Bible ni hta gaw, sha ku kaw daw jau ai amu ngu nna gale da ma ai. Rai ti mung Tev, the Philips modern translation hte Tev hta gaw Grik ga shaga ai gaida ni hpe shanhte tara ngu ai shani shagu na lusha mari na fund gumhpraw karum jaw ai amu re ngu nna gale da ai. lam hpajang chyai nga na gaw n jaw nga ai. Dai majaw hpu nau ni e, nanhte hta na Chyoi Pra ai Wenyi hte hpaji machye machyang hpring ai marai sanit lata tawn mu. Anhte dai ni hpe dai amu galaw hpajang na matu san da na ga ai. Anhte nan chyawm gaw, akyu hpyi ai lam hte mungga hkai dan ai amu hta aten tup gunhpai nga na ga ai,? ngu nna tsun mu ai.
Shing nga hpaji jaw ai ga dai hpe hpung ting na ni na ra ma ai rai nna, makam masham hpring tsup ai hte Chyoi Pra ai Wenyi hpring ai Stehpan ngu ai wa hte Hpilip, Prokoru, Nikanora, Timun, Parmena hte Antioki mare na Proselutu hpung na Nikola hte hpe lata la ma ai. Dai hpang shanhte hpe kasa ni a man de jashawn dat nna dung nga shangun mu ai, kasa ni akyu hpyi ngut jang, shanhte a ntsa e lata mara jaw da mu ai. Shing rai Karai Kasang a mungga matut manoi chyam bra wa nna kam sham ai hpung masha ni Yerusalem mare hta grau grau law htam wa ma ai. Hkinjawng ni law law pyi gaw dai Kabu Gara Shiga hpe hkap la kam sham wa ma ai.
Stehpan gaw Karai Kasang kaw na chyeju ra n rawng hkra hkam sha ai wa, n-gun atsam hpring tsup ai wa rai nna, mung masha ni a man e lamik kumla kaba ni hte mauhpa amu ni madun dan nu ai. Rai ti mung Kureni mung hte Alexandru mare na Yuda ni lawm ai ?Shanglawt?b 6:8: Shanglawt: Ndai Yuda ni gaw shawng de shangun ma tai ai kaw na shalawt dat ai hkrum ai ni, mari la nna dat kau hkrum ai ni rai ma ai. ngu ai tara jawng hte seng ai ni, bai, shanhte hte rau Kiliki hte Asi kaji mung na Yuda amyu masha nkau mi rawt nna Stehpan hte ndang kalang hkat hpang wa ma ai. 10 Rai ti mung Stehpan gaw dai Wenyi e jaw ya ai nyan hpaji hte tsun shaga ai majaw shanhte shi hpe n dang lu mu ai. 11 Dai rai nna shanhte gaw, ?Ndai wa Mawshe hte Karai Kasang hpe shatan ai ga tsun nga ai gaw anhte na saga ai,? ngu nna masha kaga hpe mayun kumhpa jaw nna tsun shangun ma ai. 12 Shing rai shanhte gaw mung masha ni hte agyi salang ni, Tara sara ni hpe myit sharawt ya nna shi hpe sa rim la nhtawm Kongsi hpawng a man e woi tawn mu ai. 13 Dai hpang shanhte gaw masu ai sakse ni hpe shaga shawn dat mu ai rai nna shanhte gaw, ?Dai wa, ndai Chyoi Pra ai Nawku Htingnu hte Mawshe a Tara hpe jahpoi asawng ai ga atsun nga ai. 14 Nazaret na Yesu ngu ai wa gaw, Nawku Htingnu hpe hpya kau nna anhte hpe Mawshe jaw da ai Tara a htung hking ni hpe galai kau na rai nga ai nga nna ndai wa shi nan tsun ai ga anhte na saga ai,? ngu nna tsun mu ai. 15 Shaloi dai hpawng shingra e dung nga ai nlang, shi hpe jawm azi yu mu yang shi a myi man gaw lamu kasa langai mi a myi man zawn rai nga lu ai hpe shanhte mu ma ai.