5
1 Rai ti mung, Anani mying ai la wa hte madu jan Sahpira gaw, shan lu ai ga dachyawk dut nna,
2 shan la myit hkrum ai hte, dai jahpu kau mi, shan a matu ip da nhtawm, kau mi sha kasa
ni a lata de sa jaw ma ai.
3 Petru gaw ?Anani e, hpa majaw nang gaw Satan wa hpe na myit masin up madu na ahkang jaw ai
hte ga dachyawk dut nna lu ai gumhpraw nkau mi
tinang a matu ip la ai hku nna dai Chyoi
Pra ai Wenyi hpe masu kau n ta?
4 Ga dachyawk hpe nang garai n dut yang na a rai nga ai, dut kau ai hpang mung dai gumhpraw
gaw na a rai nga ai. Dai rai yang hpa majaw dai
hku galaw na myit daw dan n ta? Nang gaw masha
hpe masu ai n rai, Karai Kasang hpe masu kau nu
ai,? ngu wu ai.
5 Anani gaw, dai ga hpe na ai shaloi jang kadawng si mat ai. Dai na ai ni yawng
mung nachying hkrit kahpra nga ma ai.
6 Shaloi jang shabrang ma ni shang wa nna sumpan hte ahkyen kayawp nhtawm sa hpai
lup kau ma ai.
7 Dai hpang hkying hkum masum daram na jang madu jan mung shing rai hpa byin ai lam n
chye ai sha shang wa ai.
8 Petru gaw, ?Nang hte na a madu wa ga dachyawk dut nna lu ai gumhpraw ndai
hte yawng rai sa ni? Ngai hpe tsun dan
rit ngu wu yang shi mung rai sa, ndai
hte mahkra rai sai,? ngu nna htan wu ai.
9 Shaloi Petru gaw, ?Madu a Wenyi hpe chyam yu na nan hpa majaw ndai hku myit hkrum myit
ta? Yu u, na a madu wa hpe lup kau ai ni ya
chyinghka lam de du wa mara ai rai nna nang
hpe mung shanhte hpai kau na mara ai,? ngu
wu ai.
10 Shaloi jang shi mung kasa wa a lagaw nhpang e kadawng si mat ai. Shabrang ni mung shang
wa yu yang, dai numsha si taw nga ai hpe mu
nna hpai sa nhtawm, madu wa a makau e lup kau
mu ai.
11 Hpung ting hte dai lam na mana ni yawng nachying hkrit kahpra mat ma ai.
12 Ya kasa ni gaw lamik kumla ni hte mauhpa amu law law hpe mung masha ni a man e madun
dan mu ai. Kam sham ai ni yawng gaw
Shawlumon mying ai jarawp hta hpawng de
nga ma ai.
13 Masha ni shan hte hpe grai tsun shakawn ma ai rai tim shinggan masha gale kadai mung
shan hte n kanawn wam ma ai.
14 Rai ti mung, Karai Kasang hpe hkap la kam sham ai numsha, lasha hpung kaba grau grau
nna dai hpung hta jat bang wa ma ai.
15 Kasa ni galaw dan nga ai magam bungli ni a majaw, Petru lai sa wa yang nkau mi a
ntsa e shi a shingnip sha pyi hkra u ga,
nga nna machyi makaw hkrum ai ni hpe mare
lam makau de hpai shapraw nhtawm yup ku ni
hte panep ni hta tawn da shajang ma ai.
16 Dai hta kaga, Yerusalem grup yin mare ni hkan na masha wunawng law law wa machyi
ai ni hte nat shang zingri hkrum ai ni
hpe woi nna, du shajang ma ai, dai ni
mung yawng hte shamai shatsai ai hkrum
ma ai.
17 Dai shaloi Hkinjawng Agyi Kaba wa hte, shi a manang ni buga Saduke hpung hta lawm ai masha
ni gaw nachying manawn ai myit hkrai chyat rai
nga malu ai rai nna kasa ni hpe lama ma di na
hku shanhte daw dan ma ai.
18 Shing rai shanhte gaw kasa ni hpe rim la nhtawm mare na htawng hta bang da mu ai.
19 Rai ti mung, dai shana e Madu a lamu kasa langai mi gaw, htawng chyinghka ni hpe
hpaw kau ya nna shanhte hpe shapraw dat
let,
20 ?Nanhte pru wa nna Nawku Htingnu e wa tsap let, ndai asak hkrung ai lam ningnan hte seng
ai ga yawng mayawng shawa masha ni hpe tsun
dan mu,? ngu dat wu ai.
21 Kasa ni mung ga madat nna jahpawt nhtoi hprim hpram rai wa ai aten hta dai Htingnu
de shang wa nna sharin shaga hpang wa nga
ma ai.
Hkinjawng Agyi Kaba wa hte shi manang ni gaw Yuda agyi salang ni yawng hpe tara rap daw
hpawng kaba hpawng na matu shaga tawn ma ai.
Dai hpang kasa ni hpe shanhte a man de woi
shapraw sa wa na matu hkang da nna tara rap
daw hpawng sin ai ni hpe htawng de shangun dat
mu ai.
22 Rai ti mung shanhte du ai shaloi htawng hta kasa ni hpe n mu mu ai rai nna tara rap daw
hpawng de bai wa nhtawm,
23 ?Anhte du yang htawng chyinghka mung chyip chyip la nga ai, sin ai ni mung chyinghka
shinggan e sin nga ma la ai, dai wa mi hpaw
yu yang me, kata e kadai mung n nga nga la
ai,? ngu nna tsun dan mu ai.
24 Hkinjawng agyi ni hte htingnu sin ai du wa dai hpe na ma yang, kasa ni hta hpa byin
ai rai wa sai kun? nga nna grai mau mat
ma ai.
25 Dai hpang masha langai mi shang wa nna, ?Madat yu mu! Nanhte htawng hta e rawng da ai ni gaw Nawku Htingnu hta e masha ni hpe sharin shaga nga ma ai!? ngu nna shanhte hpe tsun dan mu
ai.
26 Dai rai nna hpyen du wa gaw shi a hpyen la ni hte sa nna kasa ni hpe bai sa woi la mu ai,
rai ti mung aja awa n di wam mu ai, hpa majaw
nga yang, shawa masha ni nlung hte kabai wa na
hpe hkrit da mu ai.
27 Shing di shanhte hpe woi jashawn la nna Kongsi hpawng a man e tsap da shangun nhtawm Hkinjawng
Agyi Kaba wa shanhte hpe ga san san mu ai gaw,
28 ?Nanhte hpe dai amying hte n sharin shaga na matu anhte aja awa hkang da saga ai.
Rai ti mung nanhte hpa galaw manit dai lam
yu yu mu! Nanhte gaw nanhte a sharin shaga ai
lam hpe Yerusalem mare ting shachyam shabra
dat manit dai rai nna, dai wa si ai gaw anhte
a majaw re ngu nna nanhte shadu mayu nga myit
dai,? ngu nna tsun mu ai.Ref 5:28: Kas 2:23,36; 4:18; 7:52.
29 Petru hte kaga kasa ni gaw, ?Anhte gaw masha a ga madat na hta Karai Kasang a
ga hpe mahtang madat lu na ga ai.
30 Anhte a ji wa ni a Karai Kasang gaw nanhte wudang hta jen sat kau ai Yesu hpe jahkrung
sharawt da nu ai.
31 Israela amyu masha ni hpe myit malai lu shangun nna shanhte a mara raw dat kau
ya ai ahkaw ahkang jaw ya na matu Karai
Kasang gaw dai Madu hpe shi a hkra maga
dung nga shangun nna ningbaw ningla hte
Hkye hkrang la ai wa tai na matu shagrau
shatsaw da nu ai.
32 Anhte mung ndai lam ni a sakse rai nga ga ai; Shi a mungga madat mara ai ni hpe
Karai Kasang jaw ya ai Chyoi Pra ai Wenyi
mung, dai hte a sakse rai nga ai,? ngu
mu ai.
33 Kongsi hpawng hta lawm ai ni dai ga na jang shanhte ja ja masin pawt bu nna kasa ni hpe
shanhte sat kau mayu da mu ai.
34 Rai ti mung, mung masha ni yawng e shagrau shatsaw hkungga tawn ai Tara sara kaba Gamale
ngu ai Hparishe langai mi kasa ni hpe
hkring mi shinggan de shapraw tawn shangun
nhtawm
35 tsun wu ai gaw, ?Israela amyu masha manaw manang ni e, ndai ni hpe nanhte kaning di na
ngu ai gaw atsawm sha sadi let naw myit yu mu.
36 Lai wa sai shaning gade n na shi ai ten hta, Htuda ngu ai wa, shi hkum hpe reng ai wa
rai nngai nga nna paw pru yang marai mali
tsa daram shi kaw hkan nang yu sai. Rai ti
mung shi sat kau ai hkrum nna shi kaw hkan
nang ai ni yawng ayai aya rai bra mat ai
hte shi a shamu shamawt ai lam sim mat sai.
37 Dai hpang mung, Galile masha Yuda ngu ai wa yuptung jahpan hta ai ten hte yang paw pru
nna, mung masha ni hpe shi hpang de lau la
mu ai; shi mung sat kau ai hkrum nna shi a
hpang hkan nang ai ni yawng bra ayai mat
ma sai.
38 Dai rai nna ya ndai amu hta ngai nanhte hpe tsun made ga, ndai masha ni hpe hpa hkum di
myit, ra mi nga nga mu ga! Shanhte maw mawn
ai lam hte galaw ai lam ni shinggyim masha
kaw na rai yang, dai gaw mat mat wa na ra ai.
39 Karai Kasang kaw na rai yang chyawm gaw nanhte hpya jahten kau lu na n rai; nanhte gaw Karai Kasang hpe ninghkap ai lam sha tai na
myit dai,? ngu mu ai.
Yuda kongsi hpawng gaw Gamale a hpaji jaw ai hpe hkap la ma ai.
40 Shanhte gaw kasa ni hpe shaga jashawn la nna kayat nhtawm, Yesu a mying hte n
sharin n shaga lu na lam hkang da ngut
jang, dat dat mu ai.
41 Kasa ni gaw shanhte hpe Madu Yesu a majaw kaya kahpa hkrum ging ai re ngu nna Karai
Kasang e sawn ya hkrum ai majaw kabu gara
ai hte Yuda kongsi hpawng kaw na pru mat
wa ma ai.
42 Shing rai shanhte gaw, shani shagu nawku Htingnu hta mung, nta hkan e mung, Yesu gaw
Meshia rai nga ai, nga nna Kabu Gara Shiga
hpe matut hkaw tsun sharin nga ma ai.