3
1 Lani mi na Petru hte Yawhan gaw akyu hpyi ai ten shana de hkying masum hta Nawku Htingnu
de lung wa ma ai.
2 Nawku Htingnu wang de shang wa ai Tsawm Pra ngu ai Chyinghka lam hta hkritung nna lagaw hten ai masha langai mi hpe Nawku Htingnu de
shang wa ai ni kaw gumhpraw hpyi u ga nga nna
shani shagu masha ni e hpai sa tawn da da rai
mu ai.
3 Petru yan Yawhan dai htingnu de shang wa nga ma ai hpe shi mu nna hkap hpyi nga ai.
4 Shan chyawm gaw shi hpe jawm azi yu nna Petru gaw, ?An hpe mada yu mi!,? ngu wu ai.
5 Dai rai nna shan kaw na lama ma lu la na myit mada let shan hpe galaw yu nga ai.
6 Petru chyawm gaw shi hpe, ?Ja, gumhpraw gaw ngai n lu nngai; rai ti mung ngai lu
ai nang hpe jaw de ga, Nazaret wa Yesu
Hkristu a mying nsang hte rawt hkawm wa
u!,? ngu nna tsun wu ai.
7 Dai hpang shi a hkra lata hpe jum nna dun sharawt dat wu ai. Dai shaloi jang shi
lagaw hte hkarutum hkrihkraw ni n-gun
rawng wa lu ai.
8 Shing rai shi gumlawt rawt nna shi a lagaw hte hkawm sa yu wu ai. Dai hpang shi gaw
shan hte rau lam hkawm gumlawt let Karai
Kasang hpe shakawn kungdawn nna Htingnu de
shang wa ai.
9 Dai wa ndai zawn Karai Kasang a hpung shingkang hpe shakawn kungdawn let lam
hkawm nga ai hpe masha yawng mu lu ma
ai.
10 Dai wa gaw Nawku Htingnu a Tsawm Pra Chyinghka makau e dung nga nna hpyi
sha ai wa rai nga ai hpe shanhte chye
yu da mu ai rai nna, shi hta byin wa
ai lam hpe mau mahka mat nga ma ai.
11 Dai wa gaw Petru yan Yawhan kaw hkan kanan nang nga yang, shawa masha ni mau mahka let,
shannga nga ai Shawlumon ngu ai jarawp
de gat ru bang wa ma ai.
12 Petru dai mu jang shawa masha ni hpe, ?Israela amyu masha ni e, ndai wa a
lam hpe hpa rai mau nga myit ta? An a
dagu atsam, an a tara hkan nna Chyoi
Pra ai lam a majaw ndai wa hpe lam hkawm
shangun lu ai zawn nawn nga myit ni?
13 Abraham, Isak hte Yaku a Karai Kasang ngu ai anhte ji wa ni a Karai Kasang gaw, shi a
shangun ma Yesu hpe hpung shingkang shadan
shapraw ya nu ai. Rai ti mung, nanhte chyawm
gaw ahkang aya lu ai ni a lata de shi hpe ap
kau myit dai rai nna, Pilat du wa pyi shi hpe
dat kau na myit daw dan da sayang nanhte
mahtang Pilat a man e shi hpe ndang kau
myit dai.Ref 3:13: Kas 5:30; Mat 27:2;
Mrk 15:11; Luk 23:18-21; Yhn 7:39.
14 Shi gaw Chyoi Pra ai hte Mai Kaja ai Wa rai nga ai rai ti mung nanhte gaw shi hpe ndang
kau nna masha sat ai wa langai mi hpe mahtang
nanhte ra sharawng ai hku dat dat ya na Pilat
kaw hpyi myit dai.
15 Nanhte gaw asak jaw ya lu ai wa hpe gaw sat kau myit dai, rai ti mung Karai Kasang gaw
shi hpe si ai kaw na sharawt la nu ai rai nna
anhte gaw dai lam a sakse ni rai nga ga ai.
16 Shi a mying nsang a atsam gaw ndai lagaw hten ai wa hpe n-gun lagaw jaw nu ai. Shi
a amying nsang hpe kam sham ai a marang e,
ya nanhte mu chye ai lam hpe shabyin dat sai.
Nanhte yawng mu chye lu ai hte maren Yesu
hpe kam sham ai hte chyu sha dai wa hpe shamai
shatsai ya sai rai nga ai.
17 Ya rai ti mung hpu nau ni e, nanhte hte nanhte a du agyi ni Yesu hpe nanhte
a n chye n chyang ai a majaw galaw kau
nga ai lam ngai chye nga nngai.
18 Karai Kasang gaw shi a Meshia nni nkri hkrum na ra ai lam, moi shawng shawng
kaw nna myihtoi ni yawng a n-gup hte
tau tsun tawn nu ai rai nna, dai lam ni
ndai hku nna dik wa shangun nu ai.
19 Dai rai nna Karai Kasang gaw nanhte a yubak mara ni hpe raw dat kau ya myit ga myit malai
lu mu, nanhte shing rai myit yang gaw,
20 Karai Kasang kaw na Wenyi n-gun atsam du yu wa ai aten ni du na ra ai rai nna Meshia ngu
ai nanhte a matu san da ya ai Yesu hpe nanhte
hpang de shangun dat na ra ai.
21 Moi chyaloi n hkoi kaw nna nga ai, shi a chyoi pra ai myihtoi ni a n-gup hku nna Karai Kasang
tsun da sai hte maren, nga yawng nga pra hpe
nnan bai gram ai prat du hkra Yesu gaw
sumsing lamu e nga nga lu na rai nga ai.
22 Hpa majaw nga yang Mawshe gaw, ?Dai Madu Karai Kasang ngai hpe shangun dat ai zawn
myihtoi langai mi nanhte hpang de shangun
dat na ra ai rai nna, shi gaw nanhte a
amyu ru sai kaw na rai na ra ai. Nanhte
gaw dai wa tsun matsun yawng hte hpe madat
mara hkan sa galaw na rai myit dai.
Ref 3:22: Kas 7:37; Trj 18:15,18-19.
23 Dai myihtoi a ga hpe n madat ai wa kadai hpe mung Karai Kasang a amyu masha ni kaw na sumri
dan jahka kau ai hte jahten kau ai hkrum lu na
rai nga ai,? nga ai.
24 Samuela hte shi a hpang e paw pru nna mungga htawn tsun shajang ai myihtoi ni yawng hte
gaw ya ndai shani nhtoi ni hta byin wa na ra
ai lam ni hpe tau tsun da masai.
25 Shi a myihtoi ni hku nna nanhte hpe Karai Kasang jaw ai ga sadi ni gaw nanhte a matu
rai nga ai hta n ga, nanhte a nji nwa ni
hte Karai Kasang tawn da ai ga shaka ni
hte mung seng nga myit dai. ?Karai Kasang
gaw Abraham hpe na a amyu matu a marang e
ga ntsa na amyu mahkra gumring gumrat chyeju
hkam la shajang na mara ai nga nna tsun
ai.?Ref 3:25: Nin 12:3; 18:18; Rom 9:8; Gal 3:8,26.
26 Dai rai nna nanhte langai hte langai tinang a n hkru n shawp ai lam ni hta na myit malai kayin
wa ai hte shaman chyeju hkam la lu mu ga nga
Karai Kasang gaw shi a shangun ma hpe paw pru
shangun ai hte nanhte hpang de shawng shangun
dat ya sai,? ngu nna tsun mu ai.