17
1 Dai hpang Pawlu yan Sila gaw Amhpipoli hte Apoloni mare ni hpe lai ga sa wa yang,
Htesaloni mare de du ma ai, dai yang e
Yuda masha ni a tara jawng langai mi nga ai.
2 Pawlu gaw shi galaw ga nga ai lai hte maren, dai tara jawng hta shang nna Bansa
Nhtoi masum tup dai kaw na masha ni hte
bawng ban ai lam ni woi galaw nga ai.
3 Meshia gaw nni nkri hkrum na lam, si ai kaw na bai hkrung rawt wa na lam hpe Chyum Laika
hku hkan nna tsun sanglang dan wu ai. Pawlu
gaw, ?Ngai nanhte hpe tsun dan nga ai Yesu
gaw, dai Meshia nan rai nga ai,? nga nna
mung tsun jahprang mu ai.
4 Shanhte hta na nkau mi gaw kam sham nna, Pawlu yan Sila hte kanawn nga ma ai. Dai
ni hta Karai Kasang hpe kam sham nawku ai
Grik masha law law hte arawng lu ai num
ni ram ram wa lawm nga ma ai.
5 Rai ti mung Yuda masha ni myit manawn ai majaw, mare lam hkan na akyu n rawng pagawn para
re ai n hkru n kaja ai masha ni hpe saw la
nhtawm shawa hpawng langai mi byin hkra
shinggyin la nna mare ting hpe woi
kabrawng shangun mu ai. Shanhte gaw Yasun a
nta de shang nna Pawlu yan Sila hpe shawa
hpawng a man de shapraw na hku tam ma ai.
6 Rai ti mung shan hpe n mu jang, shanhte gaw Yasun hte kam sham ai hpu nau ni nkau
mi hpe mare du agyi hpang de dun garawt sa
nna, ?Ndai ni gaw mungkan ting hpe gale
galau di hkawm ai ni rai ma ai! Ya anhte a
mare de du mara ai rai nna Yasun gaw shi a
nta hta shan hpe hkap la mu ai.
7 Shanhte mahkra Yesu ngu ai Hkawhkam kaga langai mi naw nga ai, nga nna tsun ma ai
majaw Hkawseng Kehta a tara hte nhtan
shai tawt lai ai ni rai nga ma ai,? nga
nna jahtau tsun ma ai.
8 Dai ga na jang shawa masha ni hte mare du agyi ni garu kachyi nga ma ai.
9 Tara agyi ni gaw Yasun hte kaga manang ni hpe pahkam gumhpraw jaw shangun nhtawm
pru wa na ahkang jaw mu ai.
10 Shana ahkying du ai shaloi jang, kam sham ai hpu nau ni gaw Pawlu yan Sila hpe Beria mare
de shangun kau dat mu ai. Dai de du yang, shan
gaw Yuda Tara jawng hta shang bang wa ma ai.
11 Dai mare masha ni gaw Htesaloni masha ni hta grau myit su, myit dam lada ma ai rai nna Pawlu
hkaw tsun ai mungga hpe grai shareng hkungga
nna myit lawm ai hte madat la ma ai. Shanhte
gaw Pawlu yan Sila hkaw tsun dan ai ga hte
maren teng n teng chye lu hkra, Chyum Laika
hpe shani shagu asawk hti yu nga ma ai.
12 Shanhte hta na law law wa kam sham shajang ma ai, mung shawa a man e arawng
lu ai Grik num ni la ni law law mung kam
sham ma ai.
13 Rai ti mung Beria mare hta mung kasa Pawlu gaw Karai Kasang a mungga hkaw dan nga ai lam,
Htesaloni mare na Yuda masha ni na chye jang,
shanhte dai de sa nna, mare masha ni hpe myit
sharawt nhtawm kabrawng shangun mu ai.
14 Shaloi jang Hkristan hpu nau ni gaw Pawlu hpe hka kau de sa kau dat mu ai, Sila yan
Timohti chyawm gaw naw hti nga ma ai.
15 Kasa Pawlu hpe hkan sa ai masha ni gaw Ahten mare du hkra hkan sa kau da nna Sila yan
Timohti hpe alawan hkan nang na lam htet
dat ai ga gun let, Beria mare de bai wa
ma ai.
16 Ya Pawlu Ahten mare hta Sila yan Timohti hpe la let hkring nga yang, dai mare ting hpara
sumla hkrai hpring chyat rai nga ai hpe mu
nna, shi a myit n ngwi n pyaw rai kahtet bu
nga lu ai.
17 Dai re ai majaw shi gaw tara jawng hta Yuda masha ni, Karai Kasang hpe nawku kam sham ai
maigan masha ni hte mung shani shagu gat hkan
e lai sa lai wa masha ni hte mung dai mungga
lam tsun bawng ai lam ni galaw nga ai.
18 Epikuri lam hte Sto-i lam hkan ai hpaji sara ni nkau mi shi hte dangrang hkat ma
ai.
Nkau mi gaw, ?Ndai chye shakawng ai du ladi masha wa hpa tsun shakut nga ai
kun?,? nga nna san ma ai. Nkau mi gaw,
?Maigan masha ni a hpara ni a lam tsun
dan ai wa rai sam ai,? nga nna mung
htan shajang ma ai, shanhte shing nga
tsun ai gaw, Kasa Pawlu gaw Yesu Hkristu
hte si ai kaw na bai hkrung rawt
wa ai lam hkaw tsun nga ai majaw rai nga ai.
19 Shing rai shanhte gaw Pawlu hpe Aripagu ngu ai mare kongsi de woi sa nhtawm,
?Nang tsun nga ai masa lam ningnan a lam
anhte chye mayu ga ai.
20 Nang tsun ai lam nkau mi gaw anhte a matu laklai nga ai rai nna dai lam hpa nga mayu
ai gaw, anhte chye mayu ga ai,? ngu nna
tsun mu ai.
21 (Hpa majaw nga yang, ya Ahten mare masha nlang hte hte dai yang na shingbyi manam
ni gaw laklai ai prat dep byin nga ai
amu ningnan ni a lam tsun hkai chyai ai
hte madat la let, shanhte a aten nhtoi hpe
jai lang ai hta ra sharawng nga ma ai.)
22 Dai rai nna Pawlu gaw mare Kongsi rung ndaw e rawt tsap let, ?Ahten mare masha
ni e, nanhte gaw lam shagu hta hpara ni
hpe ja ja hkrit hkungga nga myit dai gaw
ngai mu nngai.
23 Hpa majaw nga yang, nanhte a mare hpe ngai ga lai hkawm wa nna, nanhte nawku ai shara
ni hpe mada yu yang, ?N chye gaw ai Karai wa
a matu,? nga nna ka tawn ai hkungri langai
mi mung, ngai mu hkrup we ai. Dai nanhte
n chye let nawku ai wa a lam ngai nanhte
hpe hkai dan made ga.
24 Mungkan ga hte dai hta nga ai yawng mayawng hpe hpan tawn da ai Karai Kasang gaw sumsing
lamu hte ginding aga a Madu rai nga ai rai
nna masha lata hte shachyaw ai nawku nta ni
hta rawng nga ai n rai.
Ref 17:24: Kas 7:48; 14:15; Mat 11:25.
25 Shi nan yawng mayawng hpe hkrung ai asak nsoi nsa hte arai hkum sumhpa jaw ya ai wa rai
nga ai majaw, lama ma ra ai wa zawn masha lata
hte daw jau ra ai n rai.Ref 17:25: Yob 12:10;
Shk 50:8; Esa 42:5; Zeh 12:1.
26 Madu gaw shawng nnan masha langai mi hpe hpan da nna dai wa hta nna masha amyu danghta hpe mayat maya hkrat wa shangun nhtawm, mungkan
shara shagu hta nga pra shangun ma ai. Shanhte
asak hkrung nga pra ai du hkra ladaw ni hte
buga jarit ni hpe mung tau hkrau masat da ya
mu ai.
27 Ndai zawn shi hpan da ai lam gaw Karai Kasang hpe mu yang me she mu mu ga nga,
hkan tam masawp lamawm shangun na matu
rai nga ai. Shing nga tim Karai Kasang
gaw anhte kadai hte mung tsan nga ai n rai.
Ref 17:27: 14:17; Rom 1:20.
28 Hpa majaw nga yang,
?Shi a jaw e anhte hkrung nga nna, shamu shamawt ai hte nga pra ga ai,?
nga nna masha langai mi tsun yu sai.
Dai hte maren, nanhte hta na ningtam
laka mi pyi,
?Anhte mung shi a kashu kasha ni rai nga ga ai,? nga nna tsun ma ai.
Ref 17:28: Kol 1:17; Tit 1:12; Heb 1:3.
29 Anhte gaw Karai Kasang a kashu kasha ni rai nga ga ai hte maren Karai Kasang gaw masha
maka hpaji lata atsam hte tawk galaw da ai
ja, gumhpraw nlung sumla hte bung ai ngu
nna n mai myit la ga ai.
30 Karai Kasang gaw shinggyim masha ni shi hpe n chye n chyang nna lai mat sai prat
ni hpe yu shalai kau ya mu ai. Rai ti mung,
ya gaw shara magup hkan na masha yawng hte
hpe tinang a n hkru n kaja ai lam ni kaw na
myit malai nhtang wa mu, ngu nna hkang dat
ra ai.
31 Hpa majaw nga yang Madu lata san da sai wa a lata hte mungkan ga hpe tara malang ai hku
daw dan na ninghtoi gaw shi tawn da nu ai rai
nga ai. Dai wa hpe si ai kaw na shi hkrung
sharawt la ai hte dai lata san da ai lam masha
yawng hpe kam ram ai sakse madun dan nu ai,?
ngu nna tsun wu ai.
32 Si ai kaw na bai hkrung rawt wa ai nga ai lam, Pawlu tsun ai hpe shanhte na jang
shanhte hta na nkau mi gaw jahpoi asawng
ma ai. Rai ti mung nkau mi gaw, ?Ndai
lam hte seng nna nang tsun ai hpe anhte
kalang mi naw na mayu ga ai,? ngu nna
tsun ma ai.
33 Dai rai nna Pawlu gaw dai zuphpawng kaw na pru mat wa ai.
34 Nkau mi chyawm gaw shi hpe kanawn nna kam sham mat ma ai. Dai ni hta tara Kongsi
hpawng lawm ai Dionusi ngu ai wa bai Damari
mying ai num langai mi, hte kaga masha ni
mung lawm nga ma ai.