14
1 Dai hte maren Ikoni mare kaw mung Pawlu yan Barnaba gaw tara jawng hta shang nna,
Yuda masha ni hte maigan masha ni
wunawng kaba kam sham mat hkra hkaw tsun
dan ma ai.
2 Rai ti mung, n kam n sham ai Yuda masha ni gaw maigan masha ni hpe woi kasu kabrawng
nna kam sham ai ni hpe n ju n dawng na hku
nhtang gumlau mu ai.
3 Kasa ni mung tsawmra na hkra dai yang e nga nna Madu a lam nden ja ai myit hte
hkaw dan mu ai. Madu mung shanhte hkaw
tsun ai Karai Kasang a chyeju hte seng ai
mungga teng man nga ai lam sakse madun na
matu shan hpe dai mauhpa amu hte lamik kumla
ni madun lu ai atsam jaw mu ai.
4 Mare masha ni chyawm gaw myit bra wa ma ai rai nna, nkau mi Yuda ni hpang de, nkau mi
kasa ni hpang de, rai mat ma ai.
5 Shaloi, maigan masha nkau mi hte Yuda masha ni gaw shanhte a agyi salang ni hte hpawn,
kasa ni hpe aroi arip di nna nlung hte
kabai sat na myit hkrum daw dan ma ai.
6 Kasa ni dai hpe chye jang Lukaoni mung na Lustra, Derbe mare ni hte dai yan a
grup yin ginwang de hprawng mat wa ma ai.
7 Dai hkan e mung dai Kabu Gara Shiga hkaw dan ma ai.
8 Ya Lustra mare hta e, kanu a hkritung nna lagaw jahten labye rai nna, galoi mung
n hkawm yu ai wa langai mi nga nga ai.
9 Shi mung dai kaw dung nga let, Pawlu tsun ai ga ni hpe madat nga ai, Pawlu gaw dai wa hta
mai wa lu hkra kam sham ai myit rawng nga ai
hpe shi mu wu yang, shi hpe azi yu let,
10 ?Ai jan rai rawt tsap u!? nga nna nsen shaja let, tsun wu ai. Dai masha wa mung
gumlawt rawt nna hkawm yu nga ai.
11 Shing rai Pawlu galaw ai amu hpe shawa masha ni mu jang, shanhte gaw Lukaoni ga
hte, ?Hpara ni, masha hkum hkrang dagraw
nna, anhte hpang de yu hkrat wa mara ai,?
nga nna jahtau ma ai.
12 Shanhte gaw Barnaba hpe Zeu, Pawlu hpe ga shaga ai lam hta ningbaw tai
nna woi awn ai wa re majaw Herme ngu nna
shamying mu ai.
13 Dai mare shinggan e nga ai Zeu hpara jawng na hkinjawng wa mung, mare chyinghka de
usu hte nampan shanghkawng ni la sa nna,
shawa masha ni hte rau kasa ni hpe hkungga
jaw mayu ma ai.
14 Ya dai masha ni hpa galaw maw nga ai hpe Barnaba yan Pawlu na jang tinang a hpun
palawng gang je kau let, shawa hpawng ka-ang
de gat shang nhtawm,
15 Hkau hte e, ?Hpa rai dai galaw wa myit ta? An mung nanhte hte maren shinggyim masha
yan sha arai ga ai! Ndai kaman lila amu ni
hpe kau da nna, sumsing lamu hte ginding
aga nammukdara hte dai hta rawng ai nga
manga hpe hpan tawn da ai ahkrung nga ai
Karai Kasang hpang de kayin wa myit ga, ngu
nna she nanhte hpe dai Kabu Gara Shiga hkaw
dan ai rai ga ai.Ref 14:15: 1Sa 12:21;
Shk 33:6; 1Ko 8:4; 1Ht 1:9; Yak 1:17.
16 Shi gaw lai wa sai ban prat e masha amyu baw shagu hpe, tinang ra ai hku hkan mu ga
nga, dat tawn da mu ai.
17 Rai ti mung, shi gaw shi nga nga ai lam sakse hte hkrak galoi mung a madun nga ai,
Dai sakse ni gaw mai kaja ai amu ngu ai,
Sumsing lamu na marang jahtu ya nna du hkra
ladaw du ai shaloi nsi naisi ngai shangun
ai hte nanhte hpe lusha hte jahkru shakat
nna nanhte a myit masin hpe kabu gara ai hte
jahpring ya nga ai,? ngu nna jahtau tsun mu
ai.
18 Shing nga tsun ai ga hte pyi shawa masha ni shan hpe hkungga jaw na lam, n hkum dang na
daram she rai wa ai.
19 Dai hpang Pesidi mung na Antioki hte Ikoni mare hkan na Yuda masha nkau mi sa du nna
shawa hpawng hpe shanhte maga lawm hkra woi
awn nhtawm, Pawlu hpe n lung hte kabai nna
shi hpe si mat sai zawn nawn ai majaw, mare
shinggan de garawt shapraw kau mu ai.
20 Rai ti mung, kam sham ai sape ni grup rai tsap nga yang, shi rawt nna mare de shang
wa ai, hpang shani e shi gaw Barnaba hte
rau Derbe mare de sa mat wa ma ai.
21 Pawlu hte Barnaba yan gaw Derbe mare hta e Kabu Gara Shiga hkaw dan nna sape law law
shatai la lu ma ai. Dai hpang shan gaw
Lustra Ikoni mare lam hku Pesidi mung na
Antioki mare de bai wa ma ai.
22 Shan gaw, ?Anhte gaw Karai Kasang a mungdan hta shang na matu ru yak jam jau law law
hpe hkrum hkra lai di kau ra ga ai,? nga
nna kam sham ai sape ni myit shangang ya let
dai makam masham hta ngang kang grin nga na
matu n-gun jaw shadum jahprang ma ai.
23 Hpung shagu hta, hpung salang ni hpe lata san da nna lusha gam let akyu hpyi ngut
jang shanhte kam sham nga ai Madu a lata
hta ap ya da mu ai.
24 Dai hpang shan gaw Pesidi mung hku ga sa wa nna Pamhpuli mung de du ma ai.
25 Dai yang Perga mare hta mungga tsun dan nhtawm Atali mare de yu wa ma ai.
26 Dai kaw nna li jawn nhtawm, ya shan gunhpai lai wa sai amu a matu, Karai Kasang a chyeju
hta ap nna shangun dat ai lam hpe hkam la ai
Antioki mare de bai du wa ma ai.
27 Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka
gara hku hpaw ya sai lam hkai dan mu ai.
28 Shing rai shan gaw, dai yang e kam sham ai sape ni hte rau tsawmra wa na hkra hkring
nga ma ai.