13
1 Ya Antioki mare na hpung hta e myihtoi ni, sara ni nkau mi lawm nang nga ma ai; Dai
ni gaw, Barnaba, shan chyang masha ngu ai
Simun, Kureni masha Luki, Herod munggyi a
kaji kaw nna rau ram kanawn manang rai nga
ai Manaen, hte Shawlu ni rai ma ai.
2 Ya shanhte Madu hpe nawku daw jau let lusha gam nga ma yang, dai Chyoi Pra ai Wenyi gaw,
?Shawlu Yan Barnaba hpe ngai shaga da ai
amu gun hpai na matu san da mu,? ngu nna
shanhte hpe tsun mu ai.
3 Dai hte maren shanhte gaw lusha gam let, akyu hpyi nna shan a ntsa e lata mara jaw ngut jang,
shan hpe dat dat mu ai.
4 Shing rai, Chyoi Pra ai Wenyi e shan hpe shangun dat mu ai hte maren shan gaw
Seluki de du yu wa nna dai yang na li jawn nhtawm
Kupru de du ma ai.
5 Shanhte Salami mare de du ai shaloi, Yuda ni a tara jawng ni hta, Karai Kasang a
mungga hkai dan ma ai. Yawhan Marku mung
shan a nrum ntau tai nna karum nga ai.
6 Ya shanhte gaw dai zunlawng ting ga hkawm sa wa nna Pahpu mare du ma yang Bara-Yesu mying
ai Yuda masha rai nga ai lakle sara mung rai,
masu ai myihtoi mung rai, re ai wa hpe mu
hkrup ma ai.
7 Dai wa gaw Sergiu Pawlu ngu ai myit kunghpan ai munggyi wa a jinghku langai mi rai nga ai.
Dai munggyi wa gaw Karai Kasang a mungga
madat la mayu nna Barnaba yan Pawlu hpe shi a
man de shaga jashawn mu ai.
8 Rai ti mung (Grik ga hku Eluma) mying ai Lakle sara wa gaw munggyi wa Hkristan makam
masham hpe n kam n sham n hkap la hkra Pawlu
yan Barnaba hpe ninghkap shingdang ma ai.
9 Dai shaloi Pawlu ngu ai Shawlu gaw, Chyoi Pra ai Wenyi hpring let, lakle sara wa hpe yu azi
da nna,
10 ?Nat a kasha e! Nang gaw mai kaja ai lam shagu a hpyen wa rai nga ndai. Nang hta myit
magaw hkalem hkalau ai lam yawng hpring nga ai
rai nna nang gaw galoi mung Madu a teng man ai
lam hpe masu ndum shatai kau ai wa rai nga n
hka!
11 Ya jang Madu kaw na ari nang kaw du hkrat wa nna nang gaw tawng marang mi shani
a nhtoi n mu lu ai, myi kyaw nga na rin
dai,? ngu wu ai.
Shaloi jang Eluma a myi shinggang mat nna nsin chyip rai mat salu ai. Shingrai marai
langai ngai e lata hte woi dun la na matu
tam kayin abram hkawm nga ai.
12 Munggyi wa dai byin ai lam hpe mu jang Madu a sharin shaga ai lam hpe grai mau ai hte
kam sham nga ai.
13 Pawlu hte shi a manang ni gaw Pahpu mare kaw nna li jawn nhtawm Pamhpuli mung na
Perga mare de du wa ma ai. Yawhan Marku
chyawm gaw shanhte hte hka nna Yerusalem
mare de nhtang mat wa wu ai.
14 Bai shanhte gaw Perga kaw nna rawt sa wa yang Pesidi mung na Antioki mare de du ma
ai rai nna, Bansa Nhtoi hta e shanhte tara
jawng hta shang dung nga ma ai.
15 Mawshe a Tara laika hte myihtoi ni a laika ni hpe hti ngut jang tara jawng agyi ni gaw
shanhte hpang de masha shangun dat nna,
?Hpu nau ni e, shawa hpawng hpe shadum
jahprang n-gun jaw na mungga lu myit yang
gaw, nanhte hpe ga shaga shangun mayu ga
ai,? ngu wu ai.
16 Shaloi Pawlu rawt nna lata dingsi let,
?Israela amyu sha ni hte nang e Karai Kasang hpe nawku daw jau nga ai tara
maigan ni yawng hte e madat la mu!
17 Israela amyu masha ni a Karai Kasang gaw anhte a ji wa ni hpe shanhte Egutu mung e
maigan masha hku nna sa nga nga ai ten hta
lata la nna amyu kaba shatai manu ai.
Karai Kasang gaw shi a n-gun atsam kaba
hte shanhte hpe Egutu mung na shapraw woi
wa nna,Ref 13:17: Esa 6:6; Shk 105:23.
18 shaning mali shi ning tup nam mali hkan e shanhte a akyang hpe hkam sharang ya mu
ai.Ref 13:18: Kas 7:36; Bhk 14:33-34; Shk 95:9.
19 Shi gaw Hkanan mung na masha amyu sanit hpe shaza kau nna shi a amyu masha ni hpe garan ya nhtawm dai mungdan a madu shatai nu
ai.Ref 13:19: Trj 7:1; Ysh 14:1-2, Shk 78:55.
20 Shing rai byin ai gaw shaning mali tsa manga shi ning na hkra rai nga ai,
De a hpang myihtoi Samuela paw pru ai ten du hkra shanhte a matu tara agyi ni hpe
shi tawn da ya mu ai.Ref 13:20: Trj 2:16; 1Sa 3:20.
21 Dai hpang shanhte hkawhkam langai mi hpyi ma yang, Karai Kasang gaw Benyamin amyu
Kisha a kasha Shawlu hpe shanhte a matu mali
shi ning hkawhkam tai ya na matu jaw mu
ai.Ref 13:21: 1Sa 8:5; 10:21.
22 Dai hpang Shawlu hpe jahkrat kau nhtawm, Karai Kasang gaw Dawi hpe shanhte a
hkawhkam sharawt ya mu ai. Dai wa a lam Karai
Kasang tsun ai gaw, ?Yese a kasha Dawi gaw
nye a myit hte tup hkrak ra sharawng ai
masha, ngai galaw shangun mayu ai nga manga
hpe galaw shadik ya na wa re ai hpe ngai
mu se ai,? nga ai.Ref 13:22: 1Sa 13:14; Shk 80:20.
23 Karai Kasang gaw, shi a ga sadi nga ai hte maren, Israela amyu masha ni a matu hkye
hkrang la ai Yesu hpe Dawi wa a amyu
matu kaw na paw pru shangun wu ai.
24 Yesu magam bungli garai n hpang yang, Yawhan gaw Israela amyu masha ni yawng hpe yubak
mara kaw na myit malai lu nhtang wa nna hkalup
hkam la ra ai lam hkaw dan manu ai.
25 Yawhan gaw shi galaw gunhpai ra ai magam amu ngut kre na aten ni wa ai shaloi Yawhan gaw shawa masha ni hpe, ?Ngai kadai re ai nawn
nga myit ta? Ngai gaw nanhte myit mada ala
nga ai wa n rai nngai. Rai ti mung, madat
mu! Shi gaw nye a hpang e du sa wa ra ai,
dai wa a kyepdin sumri raw na pyi ngai n ging
nngai.? Ref 13:25: Mat 3:11; Mrk 1:7; Luk 3:16; Yhn 1:20,27.
26 ?Abraham a kashu kasha rai nga ai nye hpu nau Israela amyu masha ni hte nang e Karai Kasang
hpe hkrit hkungga nawku daw jau ai kaga maigan
amyu sha ni yawng hte e, ndai hkye hkrang la ai
mungga gaw anhte hpang de jaw dat ra
ai.
27 Kaning rai nme law Yerusalem mare e nga ai masha ni hte shanhte a ningbaw ningla ni
gaw, shi hkye hkrang la ai Madu re ai hpe
mung shanhte Bansa Nhtoi shagu hti ai myihtoi
ni a ga ni hpe mung n chye na ma ai.
Rai ti mung shanhte gaw Yesu hpe sat
kau na daw dan ai hte dai myihtoi ga ni hpe
shatup manu ai.
28 Shanhte gaw shi a ntsa e si ari daw dan na ging dan ai mara hpe n mu tam ma ti mung shi
hpe sat kau na Pilat kaw hpyi ma ai.Ref 13:28:
Kas 3:13-14; Mat 27:22; Mrk 15:13-14; Yhn 19:6,15.
29 Shing rai shanhte gaw shi hte seng nna Chyum Laika hta ka da mada galaw shatup ngut
jang shi hpe wudang ntsa na jahkrat la nna
lup hta bang da mu ai.Ref 13:29: Mat 27:59;
Luk 18:31; Yhn 19:28,30,36-37.
30 Rai ti mung Karai Kasang gaw shi hpe si ai kaw na jahkrung sharawt la wu ai.
31 Bai shi gaw Galile mung kaw nna Yerusalem de shi hte rau lung wa ai ni
hpe, nhtoi tsawmra wa na hkra shi hkum
shadan dan mu ai. Shanhte gaw ya shi a
Israela amyu masha ni a man e shi a matu
sakse ni tai nga ma ai.Ref 13:31: Kas 1:11; 5:32; Mat 28:16; 1Ko 15:5-7.
32 Lahkawng ngu na Shakawn Kungdawn laika hta,
?Nang gaw ngai Sha rai nga ndai;
Dai ni nan nang hpe kasha aya ngai jaw sade ai,? nga nna ka da nga ai hte maren,
33 Karai Kasang gaw Yesu hpe si ai kaw na hkrung sharawt ya ai hte ji wa ni hpe
jaw da ai ga ndat hpe shanhte a kashu kasha
rai nga ai anhte a matu galaw shabyin nu
ai. Anhte gaw dai Kabu Gara Shiga hpe
ndai kaw gun sa na matu ya du sa
wa ai rai nga ai.Ref 13:33: Shk 2:7; Heb 1:5; 5:5.
34 Bai shi lup hta hten bya mat ai galoi n hkrum hkra si ai kaw na hkrung sharawt
la na lam hte seng nna, Karai Kasang
tsun ai gaw,
?Dawi hpe shaman ya na ga sadi jaw da ai hte maren chyoi pra ai hte grin nga ai
chyeju ngai nanhte hpe jaw na made ai,? ngu ai.Ref 13:34: Esa 55:3.
35 Kaja wa kaga Shakawn Kungdawn Laika hta mung
?Madu gaw shi a sadi dung ai shangun ma hpe
lup hta majoi mi hten bya yat mat shangun na ra ai n rai,? nga nna shi tsun ai.Ref 13:35: Kas 2:31; Shk 16:10.
36 Dawi gaw shi asak hkrung nga ai laman hte hta, Karai Kasang a yaw shada ai lam nga
ai hte maren hkan sa gun hpai ngut jang
shi si nna, shi a kaji kawa ni a lup ding
lup ra hta lup makoi ai hte shi a hkum
hkrang gaw dai lup hta hten yat mat salu
ai.
37 Rai ti mung Karai Kasang e hkrung sharawt la hkrum ai wa a hkum hkrang chyawm gaw dai zawn
hten yat mat lu ai n rai.
38 Dai re ai majaw, hpu nau Israela amyu masha ni e, dai Yesu a marang e yubak raw dat kau
lu na mungga a lam nanhte hpe ngai hkaw dan
nga nngai hpe mung, Yesu hpe kam sham ai
ni nlang hte gaw Mawshe a jep ai Tara hte
n raw dat kau ya lu ai yubak mara yawng hta
na nanhte hpe raw dat kau ya ai lam hpe
mung,
39 nanhte hpe anhte chye shangun mayu nga ga ai.
40 Dai rai yang gaw myihtoi ni tsun ai lam nanhte hta n byin u ga sadi nga mu!
41 Myihtoi ga hta, ?Yu mu, ngai tsun ai lam hpe jahpoi asawng ai ni e, mau nna si mu!
Dai ni ngai galaw nga ai lam hpe
marai langai ngai nanhte hpe hkai dan ti mung,
nanhte n kam na marin dai!,?? nga nna hkaw tsun nga ai.
42 Ya Pawlu hte Barnaba dai tara jawng na pru wa yang masha ni gaw hpang na bat Bansa Nhtoi
bai nhtang sa nna ndai lam ni hpe grau nna
hkaw tsun dan na saw shaga ma ai.
43 Ya tara jawng na shawa masha ni zuphpawng bra mat wa ai hpang Yuda masha ni law law
Proselutu ni ngu ai Yuda nawku hkan ai
maigan masha ni law law wa Pawlu yan Barnaba
kaw hkan nang ma ai. Kasa ni mung dai masha
ni hpe Karai Kasang a chyeju hta asak hkrung
grin nga na matu n-gun jaw shadum jahprang
mu ai.
44 Hpang na Bansa Nhtoi hta Karai Kasang a mungga na la na matu, mare ting ganoi mahkra wa du sa hpawng nga ma ai.
45 Yuda masha ni chyawm gaw, dai shawa hpawng hpe mu jang, manawn ai myit hte hpring chyat nga ma ai rai nna, Pawlu tsun ai lam hpe ndang
hkat ai hte aroi ara ngu da mu ai.
46 Pawlu yan Barnaba mung grau nna nden ja ai myit hte, ?Dai Karai Kasang a mungga
nanhte hpe shawng tsun dan na ra nga ai,
rai ti mung nanhte mahtang dai hpe n hkap
la nna nhtum nwai asak hte n ging dan ai
ni rai ga ai ngu nna tinang dai myit nawn
daw dan la myit dai majaw anhte gaw,
nanhte kaw na pru mat wa nna kaga maigan
amyu ni hpang de sa wa na saga
ai.
47 Kaning rai nme law, ?Mungkan ting hpe hkye hkrang la ai lam lu la mu ga,
ngai nang hpe maigan amyu ni a matu nhtoi shatai sade ai,?
nga ai gaw dai Madu anhte hpe hkang da
ai ga rai nga ai,? ngu mu ai.
Ref 13:47: Esa 42:6; 49:6; Luk 2:32.
48 Maigan amyu ni dai na jang, shanhte kabu gara nga ma ai hte, Madu a mungga hpe
shagrau sha-a ma ai, nhtum nwai asak lu la
na san da ai ni nlang mung kam sham mat
ma ai.
49 Madu a mungga gaw dai mung ting pri chyam bra wa sai.
50 Rai ti mung Yuda masha ni gaw mare na du agyi salang ni hte Karai Kasang hpe nawku
kam sham ai lahta tsang maigan amyu num sha
ni hpe myit sharawt jashut nhtawm Pawlu Yan
Barnaba hpe zingri zingrat di shangun ai hte,
shanhte a lamu ga kaw na gawt shapraw kau
ma ai.Ref 13:50: 2Tm 3:11.
51 Kasa yan gaw, shanhte galaw ai lam hpe n ra ai kumla hku nna tinang a lagaw kaw na ga
nhpu hpe ahpu jahkrat kau da nna Ikoni
mare de pru mat wa ma ai.Ref 13:51: Mat 10:14; Mrk 6:11.
52 Antioki mare na sape ni chyawm gaw, kabu gara ai hte Chyoi Pra ai Wenyi hpring nga ma
ai.