10
1 Kesare mare e, Korneli ngu ai wa langai mi nga ai. Shi gaw Itali dap ngu ai Roma
lagaw dap hta hpyen latsa rawng ai dap
kung langai mi a du wa rai nga ai.
2 Shi gaw tara hkungga ai wa rai nna shi hte shi a nta dinghku masha ni yawng Karai
Kasang hpe hkrit hkungga nawku daw jau ma
ai. Shi gaw matsan mayan re ai Yuda masha
ni hpe mung alu law law jaw ai hte karum
madi shadaw let Karai Kasang kaw tut tut akyu
hpyi nga ai.
3 Lani mi na shana de daw hkying masum daram e, Lamu kasa langai mi shi kaw du sa wa nna,
?Korneli e!? nga nna shi hpe shaga ai hpe
shingran langai mi hta leng leng mu wu ai.
4 Shi gaw hkrit let dai lamu kasa hpe azi yu nna, ?Madu e hpa lam rai ta?,? ngu nna
san wu ai.
Shaloi lamu kasa gaw, ?Na a akyu hpyi ai hte alu jaw ai lam hpe Karai Kasang
sharawng awng ya nga ai rai nna nang
hpe htan ya na jin nga chyalu rai nga ai.
5 Ya jang Yopa mare de masha dat nna Simun Petru mying ai masha langai hpe sa shaga
la su!
6 Shi gaw Simun ngu ai shan hpyi sama a nta na manam langai mi rai nga ai. Dai nta gaw
nammukdara makau e rai nga ai,? ngu wu ai.
7 Dai lamu kasa wa mat ai hpang Korneli gaw shangun ma lahkawng hte shi kaw tut hkan nga
ai ni hta na tara hkungga ai hpyen la langai
mi shaga la nna,
8 shi hta gara hku byin ai lam yawng hkai dan nhtawm, shanhte hpe Yopa mare de dat dat mu ai.
9 Hpang shani, shanhte lam e sa wa nna Yopa mare de ni wa magang yang, Petru gaw shani
ka-ang daram hta akyu hpyi na nga, nta ntsa
de lung wa ai.Ref 10:9: Kas 11:5.
10 Shaloi shi kawsi nna lama ma sha mayu nga ai, rai ti mung lusha naw lajang shachyip
nga yang, shi shingran langai mu wu ai.
11 Shi gaw sumsing lamu hpaw malang wa nna hpajawng kaba zawn re ai jut de jum nna ga
de shayu dat ai arai lama mi hpe mu wu ai.
12 Dai hta e lagaw mali tu ai baw dusat hte gumrawt hkawm ai baw amyu myu; ntsa malen na
u chyazai amyu myu rawng nga ai.
13 Nsen langai mi ngoi pru ai gaw, ?Petru e rawt u, sat sha u,? nga ai.
14 Petru chyawm gaw, ?Madu e, gara hku mung n mai byin na re, n sha mai ai hte n san
ai arai hpe, ngai galoi mung n sha yu nngai,?
ngu nna htan wu ai.
15 Dai nsen kalang mi bai ngoi pru ai gaw, ?Karai Kasang e san seng ai ngu ai arai
hpe n san n seng ai ngu nna hpa mung hkum
myit la et,? nga nna tsun ai.
16 Ndai zawn masum lang byin ai hpang dai arai hpe sumsing lamu de bai dawm la kau wu ai.
17 Ya Petru gaw, dai shingran a lachyum a lam naw myit sumru yu nga yang, Korneli shangun
dat ai ni gaw Simun a nta hkan tam san nna
mu chye manu ai rai nna, ya nta ndaw e sa
tsap nga ma ai.
18 Shanhte gaw, ?Simun Petru mying ai manam langai ndai nta hta n nga a ni?,? ngu nna
jahtau san yu ma ai.
19 Petru mung, shingran de a lam naw myit sumru nga yang, dai Wenyi gaw, ?Yu u, nang
e masha masum nang hpe tam nga ma ai, rawt
u, yu wa sit.
20 Ngai nan shanhte hpe shangun dat mawe ai rai nna, myit hpa n ganung chyai nga ai sha,
shanhte hte rau sa wa su!,? ngu dat wu ai.
21 Dai rai nna Petru gaw dai ni hpang de yu sa wa nna, ?Nanhte tam ai wa ngai rai nga
nngai hpa hku hpa lam a majaw sa wa myit
ta?,? ngu nna san mu ai.
22 Shanhte gaw, ?Anhte hpe hpyen latsa up ai du wa Korneli shangun dat mi ai. Shi gaw kaja
ai masha langai mi rai nna Karai Kasang hpe
hkrit hkungga ai hte Yuda amyu ting a
man e grai myi man pa ai, hkungga lara hkrum
ai wa rai nga ai. Karai Kasang a Lamu Kasa
langai mi gaw, nang hpe Korneli shi a nta
de shaga bang nna nang tsun ai ga madat la
na lam hkang da nu ai,? ngu nna tsun mu ai.
23 Petru gaw, shanhte hpe nta nhku de saw shaga jashawn nhtawm shana shayup nna
manam daw mu ai.
Ya hpang shani shi hkyen la nna shanhte hte rau sa wa ai. Yopa mare na kam sham
ai ni nkau mi mung shi hte rau hkan nang
sa ma ai.
24 Hpang shani shi gaw Kesare mare de du ai. Korneli chyawm gaw, shi a hpu nau ni hte
makyin jinghku ni hpe shaga jahpawng tawn
nna Petru hpe la nga ai.
25 Ya Petru shang wa na hkyen yang, Korneli hkap tau la let shi a lagaw nhpang e
dingnyawm nawku wu ai.
26 Rai ti mung Petru chyawm gaw, ?Rawt u, ngai mung masha she rai nngai,? nga nna tsun let
shi hpe dun sharawt wu ai.
27 Shing rai Petru gaw Korneli hte ga shaga let nta nhku de shang wa wu yang, dai kaw
masha law law hpawng nga ma ai hpe, mu wu ai.
28 Shaloi Petru gaw shanhte hpe, ?Yuda masha langai mi gaw maigan masha ni hte htinglup
htingshang n rai mai ai nga nna shi a nawku
htung hta jep da nga ai lam nanhte nan mung chye
nga myit dai. Dai rai tim kadai wa hpe mung
nawku htung hku nna n ging n dan ai, n san
n seng ai ngu nna ngai n mai myit ai lam
gaw Karai Kasang ngai hpe madun dan ni ai.
29 Dai majaw nang ngai hpe shaga dat yang ngai hpa n ningdang ai sha hkan nang sa ring ngai;
dai rai nna hpa lam a majaw ngai hpe shaga
myit ta? ngu nna ngai nang hpe san nga
nngai,? ngu nna tsun mu ai.
30 Korneli gaw, ?Lai wa sai masum ya ngu na nhtoi hta, nye a nta e shana de daw hkying masum
daram hta ngai akyu hpyi nga nngai. Dai shaloi
akajawng sha tu kabrim ai hpun palawng bu
hpun ai wa langai mi nye a man e tsap pru nna,
31 ?Korneli e, na a akyu hpyi ai ga Karai Kasang na ya sai, na a alu jaw ai lam hpe mung Karai
Kasang matsing da nu ai.Ref 10:31: Dan 10:12; Heb 6:10.
32 Dai re majaw Yopa mare de marai langai ngai hpe shangun nna Simun Petru ngu ai wa hpe
shaga su, dai wa gaw, Nammukdara makau e nga
ai shanhpyi Sama Simun a nta e shingbyi ai
manam langai mi rai nga ai,? nga nna tsun ai.
33 Dai majaw, shaloi jang ngai nang hpang de shangun dat nna, ya nang du ai gaw mai kaja
nga ai dai rai nna, dai Madu nang hpe hkang
da mada hte hpe madat mara la na matu ya
anhte yawng ndai kaw Karai Kasang a man e
rai nga saga ai,? ngu nna tsun wu ai.
34 Shaloi Petru ga tsun hpang nna, ?Karai Kasang gaw, masha myi man n tau nga ai gaw ya
ngai kaja wa chye se ai.Ref 10:34: Trj 10:17;
Rom 2:11; Ehp 6:9; Kol 3:25; 1Pe 1:17.
35 Karai Kasang gaw shi hpe hkrit hkungga nawku daw jau nna ding hpring ai amu galaw ai wa
kadai hpe mung amyu n lata ai sha sharawng
awng hkap la nga ai.
36 Nga yawng nga pra a Madu rai nga ai Yesu Hkristu hku nna Israela amyu masha ni hpang
de Karai Kasang ndau shana shagun jaw dat
ai ngwi pyaw sim sa ai hte seng ai Kabu
Gara Shiga hpe nanhte chye nga myit
dai.
37 Yawhan shi a hkalup hkam ai tara hpe hkaw tsun dan ai hpang kaw nna Galile mung kaw npawt hpang nhtawm Israela mungdan ting hta kajai
gara byin lai wa sai lam kaba hpe mung nanhte
chye nga myit dai.
38 Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku
hkam la lu ai hpe mung nanhte chye nga myit
dai. Karai Kasang gaw Yesu hte rau rai nga ai
majaw shi gaw shara shagu kawan katsan hkawm
nna masha ni hpe mai kaja ai amu galaw ya let,
nat gumlau e zingri zingrat hkrum ai ni yawng
mayawng hpe shamai shatsai ya nga ai.
39 Israela mungdan hta mung, Yerusalem mare hta mung, Madu shi galaw hkawm sa ai amu
ni yawng mayawng a sakse ni, anhte rai nga
ga ai. Dai wa hpe nan shanhte hpun hta hpri
hte dit nna jen sat kau nu ai.
40 Rai ti mung Karai Kasang gaw masum ya ngu na nhtoi hta dai wa hpe si ai kaw na sharawt dat
nna shi hkum hpe shadan dan shangun sai.
41 Shing rai shadan dan ai gaw masha shagu hpe n rai, sakse a matu nga nna Karai Kasang e
tau hkrau nna lata san da ai anhte ni a man e
sha shadan dan mi ai. Anhte gaw shi si ai
kaw na bai hkrung rawt wa ai hpang shi hte
rau lu rau sha ai ni rai ga ai.
42 Shi nan mung, hkrung ai ni hte si ai ni a tara agyi tai na Karai Kasang e san da ai wa rai
nga sai lam Kabu Gara Shiga hpe, mung masha ni hpe
hkaw tsun dan na matu shi anhte hpe hkang da
mani ai.
43 Shi hpe kam sham ai ni nlang, shi a mying nsang a n-gun atsam marang e, yubak raw
dat kau ya ai hkrum na mara ai, nga nna
shi a lam hpe myihtoi ni yawng htawn
tsun sakse hkam ma ai,? ngu mu ai.
44 Petru dai lam naw tsun nga yang dai mungga madat la nga ai ni mahkra a ntsa e Chyoi Pra
ai Wenyi yu hkrat wa ai.
45 Maigan masha ni mung Chyoi Pra ai Wenyi chyeju kumhpaw kumhpa hpe hkam la ma ai
majaw Yopa mare de na Petru hte rau sa du
ai matu gadoi hkam la sai Yuda masha ni gaw
mau mahka nga ma ai.
46 Hpa majaw nga yang, maigan masha ni mauhpa ga baw amyu myu shaga nna Karai Kasang a grau htum ai hpe shakawn kungdawn nga ma ai hpe na lu
ma ai majaw rai nga ai.
47 Dai rai nna Petru gaw, ?Ndai masha ni mung anhte zawn Chyoi Pra ai Wenyi hkam la ai
ni rai ma ai. Dai re ai majaw kadai wa mi
shanhte hka hte hkalup hkam la na hpe ban
hkum shingdang lu a ta??
48 Shing rai, Yesu Hkristu a mying nsang hta hkalup hkam la na matu Petru shanhte hpe
hkang da mu ai. Shaloi, shanhte hte rau nhtoi
tsawmra ya naw hkring nga na shi hpe hpyi ma
ai.