KASA LAIKA
(THE ACTS)
Ga Nhpaw
Kasa Laika gaw, Luka ka ai Kabu Gara Shiga Laika hte matut nna ka da ai daw langai mi rai nga ai. Hpa majaw nga yang, Kasa laika hte Luka a Kabu Gara Shiga, lahkawng yan hta Htawhpilu ngu ai masha langai mi hpe sha hkring dat gang nna ka da nga ai. De a majaw laika ka ai wa mung Luka shi nan langai sha re ngu nna chye lu ai.
Shi gaw Kasa Pawlu a hpang hkan nang ai shingdep shingtau rai nga ai lam ya sha ya sha laika ni hta tsun da nga ai. Laika lahkawng yan hta tsi hte seng nna shamying ai ga hkum ni hpe grai lang sharawng ai hpe tau yu yang shi gaw tsi sara langai rai nga ai lam chye lu ai. Yuda amyu hta na n re ai maigan masha ni hta na Chyum Laika ka da ai gaw shi langai sha rai nga ai. Ndai laika a yaw shada ai lam madung gaw shawng nnan Yesu Hkristu a hpang hkan nang ai Kasa ni gaw Chyoi Pra ai Wenyi woi awn ai hte Hkristu a Kabu Gara Shiga hpe Yerusalem mare Yuda mung, Samari mung ting hte mungkan chyam hkra gara hku shana shabra ai lam (1:8) tsun dan na matu rai nga ai. Kabu Gara Shiga laika ni gaw Yesu galaw ai magam bungli ni a lam tsun dan nna ndai laika gaw kaja wa nga yang Chyoi Pra ai Wenyi galaw ai magam bungli ni a lam tsun dan nga ai.
Ndai laika hta Hkristan hpung npawt hpang wa ai Pentekoti poi kaw nna zingri zingrat hkrum ai lam, Yerusalem mare na Hkristan ni bra ayai wa ai lam, kaga buga de dai Kabu Gara Shiga chyam bra shang wa ai lam, hpang jahtum kasa Pawlu hte shi a manang ni shakut shaja ai hte buga hpung ni de da lu ai lam re ai ni hpe gawn nna ka da nga ai. Dai majaw Kasa laika hpe daw kaba masum hku garan nna matsing mai nga ai. (1) Yerusalem mare hta Yesu lamu de lung mat wa ai hte kahproi ganoi Hkristan hpung shamu shamawt hpang wa ai lam. (2) Palestina mung kaga daw ni de Hkristan hpung jat shang wa ai lam. (3) Kaga Ka-ang Panglai grup yin mungkan hte Roma mare du hkra Hkristan hpung jat galu kaba shang wa ai lam ni rai nga ai. Ndai Kasa laika lama n ka da ai rai yang Yesu lamu de lung mat wa ai hpang sape ni hte Hkristu a hpang hkan nang ai kam sham ai ni a asak hkrung lam gara hku re ai, shawng na Hkristan hpung a asak hkrung lam gara hku sa wa ai ngu ai labau ginru ginsa di mat sana re. Dai majaw ndai Kasa laika gaw Hkristan hpung a prat dingsa na hpu dik, ahkyak dik ai sut gan kaba rai nga mali ai.
1
Tsaw ra ai Htawhpilu e:
Madu Yesu magam bungli galaw hpang ai shani kaw nna,Ref 1:1: Luk 1:1-4. sumsing lamu de shalun la hkrum ai shani du hkra, galaw dan ai hte sharin shaga wa ai lam yawng mayawng a lam shawng na laika hta ngai ka hpajang da se ai. Yesu gaw sumsing lamu de shalun la ai garai n hkrum yang, shi a lata la ai kasa ni hpe Chyoi Pra ai Wenyi a atsam hte matsun hkang da mu ai. Yesu gaw si hkam ngut ai hpang, nhtoi mali shi ya laman kasa ni hpe law law lang shi a hkum shadan dan nna, shi asak hkrung nga ai lam kam ging ai sakse ni hpe madun dan sai. Kasa ni mung shi hpe mu nna, shi shanhte hpe Karai Kasang a Mungdan lam hkaw tsun dan mu ai. Shing rai shanhte sa du nna hpawng nga ma yang, Yesu gaw, ?Yerusalem mare kaw na hkum pru mat wa myit, nanhte hpe ngai tsun da sai nye Wa jaw da sai ga ndat hte seng ai chyeju kumhpa hpe ala nga mu.Ref 1:4 Kas 2:23; Luk 24:49; Yhn 14:16,26. Yawhan gaw hka hta hkalup jaw ai, rai ti mung nanhte chyawm gaw nhtoi gade nna yang Chyoi Pra ai Wenyi hta hkalup hkam la lu na marin dai,? ngu nna shanhte hpe hkang da mu ai. Ref 1:5: Kas 11:26; Mat 3:11.
Kasa ni Yesu hte rau hkrum zup nna hpawng nga ma yang, shanhte gaw, ?Madu e, ndai aten e, Israela amyu masha ni hpe dai Mungdan bai de ya na rai sani?,? ngu nna shi hpe san mu ai.Ref 1:6: Esa 1:26; Dan 7:17; Amo 9:11; Mat 24:3.
Yesu gaw, ?Wa gaw shi a ahkaw ahkang hte daw dan masat da ai aten ahkying ladaw hpe nanhte chye lu na ahkang n nga ai,? ngu nna tsun mu ai. Rai ti mung dai Chyoi Pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga shingjut shingnaw ni htum hkra nye a sakse ni tai na marin dai,? ngu nna shanhte hpe tsun mu ai.Ref 1:8: Kas 2:32; Luk 24:48-49; Yhn 15:27. Ning nga ai ga tsun ngut ai hpang, shanhte shi hpe yu nga yang, shi hpe ntsa de shalun la ai rai nna, sumwi gaw shanhte a man na shi hpe magap la mat wa ai.Ref 1:9: Kas 1:2; Luk 24:51.
10 Shi lung mat wa nna, shanhte lamu de naw azi yu nga ma yang hpraw tu ai hpun palawng bu hpun ai masha marai lahkawng shanhte a makau e akajawng sha sa tsap pru nna, 11 ?Galile masha ni e, nanhte dai kaw hpa rai tsap nga nna lamu de naw dawng yu nga myit ta? Dai Yesu gaw nanhte a man na sumsing lamu de shalun la ai zawn, dai hku bai du na ra ai,? ngu nna tsun mu ai.
12 Shaloi kasa ni gaw, Yerusalem mare hte deng mi (Mai mi a ka-ang hkup) sha tsan ai Tsanlun bum kaw nna Yerusalem de bai wa ma ai. 13 Sape ni gaw mare de shang nna shanhte manam ai nta ntsa gawk de shang nna nga nga ma ai. Dai ni gaw, Petru, Yawhan, Yaku, Andre, Hpilip, Htawma, Barhtolume hte Mahte, Alhpe a kasha Yaku, Zelutu ngu ai Simun hte Yaku a kasha Yuda hte rai ma ai.Ref 1:13: Kas 9:37; Mat 10:2-4; Luk 6:15. 14 Shanhte nlang hte gaw, Yesu a kanu Mari hte kaga numsha ni mung shi a kanau ni hte mung, akyu hpyi na matu ya sha ya sha myit mang langai sha hte hpawng nga ma ai.
15 Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai. 16 Shi gaw, ?Hpu nau ni e, Yesu hpe rim la ai ni a lam woi tai ya ai Yuda hpe lakap nna moi Dawi a n-gup hku nna Chyoi Pra ai Wenyi tau tsun da ai Chyum Laika gaw dik wa lu na sha rai nga ai. 17 Hpa majaw nga yang, Yuda gaw magam gun langai mi hku nna lata la hkrum ai wa rai nna anhte a hpung hta lawm ai wa rai nga ai,? nga nna tsun ai.
18 (Yuda gaw tinang a n hkru n shawp ai amu hte lu la ai gumhpraw hte ga dachyawk langai mi mari la nhtawm, dai ga hta nhtang chyaw di hkrat si mat ai hte shi a kan kapaw ga nna pu kan ni yawng ayai mat salu ai. Ref 1:18: Mat 26:15; 27:5-8; 2Pe 2:15. 19 Yerusalem mare e nga ai masha ni yawng ndai byin ai lam hpe na chye masai. Dai rai nna shanhte a ga hku dai ga dachyawk hpe Akeladama ngu nna shamying mu ai. Dai gaw, ?Sai ga? ngu ai rai nga ai.)
20 ?Dai lam Shakawn Kungdawn Laika hta,
?Shi a nta gaw hpa n nga ai kaman rai mat u ga,
dai hta e kadai mung n nga mu ga.?
 
Bai nna,
?Shi a aya hpe masha kaga la kau u ga,? ngu nna mung ka da nga ai. Ref 1:20: Shk 69:25; 109:8.
21 ?Dai re ai majaw, Madu Yesu hpe Karai Kasang e jahkrung sharawt la nu ai lam anhte hte rau sakse hkam na matu masha langai mi hpe anhte lata la na rai ga ai. 22 Dai wa gaw hkalup sara Yawhan a hkalup hte seng ai mungga hkaw tsun ai ten kaw nna, sumsing lamu de Madu Yesu hpe anhte kaw na shalun la hkrum ai ten du hkra Madu Yesu hte, rau hkawm rau sa ai anhte ni hta lawm ai wa langai mi rai ra ai.? Ref 1:22: Kas 4:38; Mrk 1:1; Yhn 15:27.
23 Dai rai nna shanhte gaw, marai lahkawng hta na langai mi hpe san da na matu Yustu mying hkawt mying ai Barsaba ngu ai Yosep hte Mahtia ngu ai yan hpe tang shawn ma ai. 24 Dai hpang shanhte gaw, ?Madu e, nang gaw yawng mayawng a myit masin hpe chye ya nga ndai. Yuda gaw shi hte seng ai kasa aya hpe kau tawn da nu ai. 25 Dai kasa aya hta ndai yan lahkawng hta na kadai hpe mahtang nang lata san da ndai gaw, anhte hpe madun dan mi,? nga nna akyu hpyi ma ai. 26 Shaloi shanhte gaw dai yan lahkawng hta na langai mi hpe lata la na matu hpaida da ma yang, Mahtia hta ang wa ai majaw shi hpe lata san da ma ai. Dai kaw nna shi gaw dai kasa shi langai hta jat lawm wu ai.